Deuteronomio 18:21 - Biblia Dc en Mixe de Quetzaltepec

²¹ E pën miitsëty mmaaytyëp mtajtëp: ¿Wi'ix nija'awëmëty mëti'ipë të yajkäjpxyën pën ka'ap yë'ëjëty Wintsën ja y'aaw y'ayuk? Ya'atë mtuknijawëtëp.

Biblia Mixe de Quetzaltepec

²¹ E pën miitsëty mmaaytyëp mtajtëp: ¿Wi'ix nija'awëmëty mëti'ipë të yajkäjpxyën pën ka'ap yë'ëjëty Wintsën ja y'aaw y'ayuk? Ya'atë mtuknijawëtëp.

Deuteronomio 18:21 ပူးပေါင်းရင်းမြစ်များ

Apocalipsis 2:2

Nija'apës tiijaty mtuunpyën; ko janty mëk xëmë mtuny, ets nija'apës ko ka'ap xymye'kxy ja ëxëëkja'aytyëjk. Näy nija'apës ko tëë xywyinma'any'ixy mëti'ipë nätyijëtëpën ko y'ayuk kajpxwa'kxtë ets ka'ap jyëtu'unëty ets tëë xynyijawë ko wyin'ëëntë.

1 Tesalonicenses 5:24

Ja Dios mëti'ipë të mwootsowëtën, tëy tëtä'äky yë'ë, tyunäämpy tu'kë'ëyë ya'atë.

Deuteronomio 18:20

E ja käjpxynyajxpë mëti'ipë kë'ëmwinma'any kajpxp mëtyakpën mëët nxëëwkyëjxmës ets tnikajpx tnimëtya'akëty mëti'ipës ka'ap të ntuk'ëne'emyën ets wiink tios tnikajpx tnimëtya'akëty, tääpë ja'ay nëjkxëp y'ooky tyëkoy.

Deuteronomio 18:22

Pën tëë ja käjpxynyajxpë tjanikäjpxy mëti'ipë ja Wintsën tyunäämpyën, ëkë mëti'ipë të tuknipëjktaakën ets ka'ap y'ëk'atëëwnë. Yë'ë mtuknijawëtëp ko ka'ap ënety Wyintsënëty të tnikäjpxy, ja käjpxynyajxpë paatykyëjxm jëtu'un të y'ënä'äny jä'ä ko mëj këjxm nyäyajnaxa'anyë, paaty miitsëty këtiimës mtsë'ëkëtëty.

1 Samuel 3:20

Tu'kë'ëyë ja naax kajpy jampë yajpaatën ma Dan y'itjotmën ets ma txëëwatyën Beerseba ojts tnijawëtë ko yë Samuel yë'ë ënety tu'uk mëj Dios mëtuunpë mëti'ipë nyikajpxëpën ja Wintsën ja y'aaw y'ayuk jëwyiin jëyëjp.

Jeremias 28:9

E ko ijty tu'uk yë käjpxynyajxpë t'akäjpxy yë oyajtën jotkujk'ajtën ets jyänty tyuny jyänty jyätyë, jää yaj'ixy ko janty Wintsën të kyexyë.

Zacarías 2:13

Wä'än ni'ëmukë ja'ay t'ëmoonta'atë yë'ë wyintuuy, jä'ä ko yë'ë jam të tsyoony ma y'ijtaknën wa'atspë ets të xynyimi'inëmë yaa ëëts'ajtëmë.