Deuteronomio 17:8 - Biblia Dc en Mixe de Quetzaltepec

⁸ Pën tsip oy ja nëë poky mëti'ipë yajnipaye'eyaanpën, ijxtëm ko pën ja myëku'uk tyaj'ooky, ëkë mëët të tsyiptuny, ko ënety pën të nyäyajtsëtyutyë, ëkë pën wi'ix të nyätyunyë jam kajpntum; jam mnëjkxtëty poj'am ma ja Wintsën ja y'it nyaaxwiinyëtën mëti'ipë të twin'ixyën,

Biblia Mixe de Quetzaltepec

⁸ Pën tsip oy ja nëë poky mëti'ipë yajnipaye'eyaanpën, ijxtëm ko pën ja myëku'uk tyaj'ooky, ëkë mëët të tsyiptuny, ko ënäty pën të nyäyajtsëtyutyë, ëkë pën wi'ix të nyätyunyë jam kajpntum; jam mnëjkxtëty poj'am ma ja Wintsën ja y'it nyaaxwiinyëtën mëti'ipë të twin'ixyën,

Deuteronomio 17:8 ပူးပေါင်းရင်းမြစ်များ

Deuteronomio 12:5

Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Hageo 2:11

ets tyuknipëjkë ets mëët ja Dios xyëëwkyëjxm, mëti'ipë maaytyääyëpën winë tyajtëwëty ja teetytyëjkëty wi'ix tnijawëtë ja ënä'ämën kuttujkën:

Deuteronomio 1:17

Ko tii poky xynyipaye'eyëty, këtii pën tu'uk xy'oyjyawëty ets tu'uk xy'ëxëëk'ixtëty. Tu'knax ja ja'ay xyjyawëtëty, wä'än yë'ëjëty mëti'ipë ëmaay amutsk yajpatpën ets wä'än yë'ëjëty jotkujkja'ayëty. Ni pën xykyatsë'ëkëty, jä'ä ko ja oypyë ets ja tëyajtënpë ja nipaye'eyën Dios yë jyä'ä. E pën jamts ja jotmay mëti'ipë m'ijxtëpën tsip xyaj'oyëtëty, yaa käjxnaxtë ma ëjtsën, ëjts yam nija'ap wi'ixës nyaj'oyë.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Deuteronomio 19:17

Nimäjtsk yajwoownëjkxtëty ma ja Wintsën yajmëkäjpxyën, näjyëtu'un ma ja teetytyëjkëtyën ets ma ja kutuunktëjkëtyën, mëti'ipë jam tuuntëpën jä'ä xëëw jä'ä jëmëjt.

Deuteronomio 19:4

Pën ënety ja myëku'uk të tyaj'ooky, jyëkyäpëp jam kyäktso'okëty, pën ka'ap ënety tsyokyëty tuny ets ka'ap ma ja myëku'uk të tmëjëën'aty të tmëtsip'aty.

Éxodo 22:2

Ko tu'uk yë mä'tspë pën pyaatëtëty ma ënety jam myeetsyën ets yajtsëtyutëtëty ëkë tyimyaj'ookëtëty, ka'ap ja jëtu'unpë yajnipaye'eyëty, tä tu'uk yë ja'ayën mëti'ipë tsoky yajja'ay'o'kpën.

Éxodo 21:28

Ko tu'uk yë tsajpkaa tkaapëty yë ye'etyëjk ëkë to'oxytyëjk ets tyaj'ookëty, ja jëtu'unpë ja tsajpkaa kuka'atsy nëjkx y'ooky ets ka'ap ja nyitsu'uty pën tsyu'tsxëtëty ets jëtu'un ja nyiwintsën ka'ap pën wi'ix tyunëtëty.

Éxodo 21:22

Ko nimäjtsk yë ja'ay tsyiptuntëty ets tyajtsëtyutëty tu'uk yë to'oxytyëjk mëti'ipë u'unk mëëtën ets y'u'unk'ookëtëty ets ja to'oxytyëjk ka'ap wi'ix jyatëty; ja ja'ay mëti'ipë ja poky myëët'ajtypyën, kopkpëky ko nyäkyuyakëtëty ijxtëm ënety ja to'oxytyëjk ja nyiye'etyëjk timy'amëtoyën, ënät jëtu'un pën tëë ja kutujkëntëjk jëtu'un t'ëwa'atstë.

Éxodo 21:20

Ko pën twopëty yë tyuunpë ye'etyëjkpë ëkë to'oxytyëjkpë mëët tu'uk yë kepy ets tyaj'ookëty, kopkpëky ko nëjkx tkumëtoy mëët ko ënety të yaja'ay'ooky.

Éxodo 18:26

Yë'ë ijty winë pyaye'eytyëp oy tyimjëna'ajëty ma ja naax kajpnën. E ja amay jotmay mëti'ipë mëj këjääjën yë'ë tyukninëjkxtëp ja Moisés; e ja mëti'ipë nawäänën yë'ë kë'ëm yaj'o'oyëtëp.

Éxodo 18:15

Tä ja Moisés y'ëtsooy: Jä'ä ko yë naax kajpn ëjts xynyimiinp ko tii tnijawëja'antë ma Tiosën.

Éxodo 22:8

E ko ja mä'tspë kyayajpaatëty, ënät yajwoownëjkxëty Dios wintum ja ja'ay mëti'ipë kutëjk'ajtpën ets yaj'ixëty pën ka'ap yë'ëjëty të tyu'utsy mëti'ipë ja myëku'uk jyä'ä'ajtypyën.

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Deuteronomio 25:1

Ko nimäjtsk yë ja'ay tsyiptuntëty, nimäjtsk mëpaat jam nyëjkxtë ma ja yajkutujktaknën ets yajnipaye'eytyëty ja pyokyëty ets ja kutuunktëjkëty yë'ë nëjkx nikajpxtë pën ënety pokymyëët ets pën ka'ap.

Ezequiel 44:24

Ko ja'ay tsyippaatëty yë'ë nëjkx tnipaye'eytyë ja tëko'oyën tä jeexyë tu'uk nipaye'epyën mëët ja n'ënä'ämënës ntëyajtënës. Nëjkxëp tpatuntë ja ënä'ämën mëti'ipë nyikäjpxypën jëna'a ja xëëw yajtunëtyën ets kopkpëky ko näjyëtu'un tpo'kxtëty ja npo'kxënxëëwës.

Deuteronomio 12:14

Ko tii yë Wintsën xytyukwintsë'ëkëja'antëty, jam xymyo'otëty ma ënety yë'ë kë'ëm të twin'ixyën. Jam nëjkx xytyuntë tëkokyë ya'atë mëti'ipë yam të ntuk'ëwaanëtën.

Deuteronomio 21:5

Ënet ja Leví ja'ayëty mëti'ipë teety'ajtëpën wyinkontëty ma Wintsënën, mëti'ipë ja Wintsën të wyin'ixëtën ets jap yajpaatëty ma ja Wintsën yaj'ëwtatyën ets yajmëtunyën. Yë'ë ja kënu'kxën yajnaxtëp mëët ja Wintsën ja xyëëw ets tnikajpxtëty tii mëpaat yajtunyën, oy ënety pën jyajoot'anpëky, ëkë wi'ix jya'ëna'any.

2 Samuel 15:2

Jä'ä ijty y'ëti'itsy, jopyëp pyëtë'kojy ets jam tu'u'ëkë'ëm nyäpyëjktä'äkyë ma ja kajpn yajnitëkën, ko pën tniminy ja yajkutujkpë ma ja jyotmay yajpayoyä'änyën, ënätyë tmëkäjpxy tääts tyajtëy maa tsyoony. Pën ja ja'ay ëtsoop ko jam muum tsyoony ma ja Israel ja naaxjot tnitänën,

1 Crónicas 26:29

Yë Ishar y'u'unk y'ok, mëti'ipë ënety të yajtuknipëktën ja kutujkën'ajtk ets t'ixtëty tuntëty ja tuunk ets ja amay jotmay mëti'ipë ja Israel ja'ayëty myëët'ajtëpën ets mëti'ipë yajpaye'eyaanpën mëktä'äky, yë'ë yajtuknipëjktë Quenanías mëët ja y'u'unk y'ëna'k.