Deuteronomio 17:7 - Biblia Dc en Mixe de Quetzaltepec

⁷ Mëti'ipë ënety ja myëku'uk të tnikajpxtën, yë'ë ëka'any xajjë'ëkëp ets oknëm ja mayjyä'äyëty. Jëtu'un'äämpy ka'ap jyam'atëty ja ëxëëktu'un ëxëëkajpxën ma miitsëtyën.

Biblia Mixe de Quetzaltepec

⁷ Mëti'ipë ënäty ja myëku'uk të tnikajpxtën, yë'ë ëka'any xajjë'ëkëp ets oknëm ja mayjyä'äyëty. Jëtu'un'äämpy ka'ap jyam'atëty ja ëxëëktu'un ëxëëkajpxën ma miitsëtyën.

Deuteronomio 17:7 ပူးပေါင်းရင်းမြစ်များ

Deuteronomio 13:9

Ti tëy mtunëp ni'ikyëmës jaakyaj'ook. Mijts ëka'any mxajjë'ëkëp ets ok ja naax kajpn xyajjë'ëktëty.

1 Corintios 5:13

E miitsëty mpaat'ajtëtëp xypyaye'eytyëty mëti'ipë mëpëjktëpën, yajpëtsëmtë ya'atë pokyjyä'äy mëti'ipë jap ma miitsëtyën.

Deuteronomio 17:12

Mëti'ipë ja ja'ay ka'ap kyäjpxymyëtoyën, wiinkjaty winë tuny ets ka'ap tmëjpëjktä'äky ja teety ja y'aaw y'ayuk, mëti'ipë jam myëtuumpyën ja Wintsën ets ka'ap tmëjpëjktä'äky ja yajkutujkpë ja y'aaw y'ayuk, jëtu'unpë ja'ay nëjkxëp y'ooky. Jëtu'un ka'ap yaj'ijxta'akëty ma ja Israel ja nyaax kyajpnën ja mëti'ipë ja ëxëëkpë tyuunpy kyäjpxypën.

Deuteronomio 13:5

Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënety tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënety mëtun m'ëyowtën ets ka'ap myajmëjuytyë. Jëtu'un ënety ka'ap xy'ijxta'aktë ja ëxëëkajtën ma miitsëtyën.

Jueces 20:13

Yë'ëjës yam ntsojktëp ets xykyë'ëyaktëty tääpë yajja'ay'o'kpëty mëti'ipë ëxëëk ja jyot wyinma'anyëtyën, jampë tsyëënëtën Guibeá. Wä'än näjyëtu'un timy'ooktë ets wya'atsëty ja kajpn ma ja pokyën mëti'ipë të tsëëmë'ëktën. E ja Benjamín ja'ayëty ka'ap ojts ninu'un timy tyuntë këwentë ja myëku'uktëjkëty oy jëtu'un jya'ënantë.

Deuteronomio 24:7

Ko tu'uk yë Israel ja'ay yajnijawëty ko tëë myëku'uk tkukä'ptuta'ay ets tyaj'awinpita'any ëyoopë mëtuunpë, ëkë tooka'any; tääpë ja'ay mëti'ipë ënety ja myëku'uk jëtu'un të tunyën, kopkpëky ko nëjkx tku'ookë jëtu'unpë ja tuuntëko'oyën. Jëtu'un'äämpy ka'ap yaj'ijxta'akëty ja nëë poky ma miitsëtyën.

Deuteronomio 19:19

ja ja'ay mëti'ipë ënety ja myëku'uk nëkoo nyiwaanpejtypyën, jëtu'un nëjkx yajtëytyuny, tä ënety yë'ë të jya'ëna'anyën ets jeexyë ja myëku'uk yajtëytyuny. Ko nëjkx jëtu'un xytyuntë yë'ë ënety mka'ijxtaktëp ja ëxëëktu'un ëxëëkajpxën ma miitsëtyën.

Juan 8:7

Ko ënety tyajtëëw'ëtë'ëtstë ets ojts ja Jesús kyoowkukë ets y'ënëmaayëtë: Pën jää miitsëty mëti'ipë ka'ap tii poky tmëëtëtyën, wä'än yë'ë jëyëjp ja tsaa tka'atsë'ëky.

Deuteronomio 22:21

Yajpëtsëmtëp jap ma ja tyeety ja tyëjkën ets tkuka'atstëty. Mëët ko ënety jëtu'unpë ja nëë poky tmëtëkë ma ja Israel kajpnën ets ko nëkoo ja tyeety tyaak tyajnipäxëtëkë. Ko jëtu'un ja pyoky tkumëtowëty, jëtu'un ënety kyayaj'ijxtä'äky ja ëxëëktu'un ëxëëkajpxën ma miitsëtyën.

Deuteronomio 13:6

Pën yë mëkä'äx, ëkë m'u'unk, ëkë mnëëx, ëkë mto'oxytyëjk mëti'ipë oy mtsojkpy mja'apën, ëkë mjëëky mëku'uk, ni'ikyë mjanty'ënë'ëmxëty ets wiinkpë wintsën xy'ëwtatëty, mëti'ipë miitsëty ets m'ap m'ok ka'ap t'ixy'atën,

Deuteronomio 13:10

Kuka'ats, mëët ko ënety të mjatukjëjpwoowtu'uta'anyë ja mWintsën ja nyëë'aaw tyu'u'aaw, mëti'ipë jap myajpëtsëëmën Egiptë ma ënety mëk myajtëytyunyën.

Deuteronomio 21:21

Ënet nëjkx ja kunaax kukajpn tkuka'atstë ya'atë jëtu'unpë ja yä'äy'ëna'k. Jëtu'un'äämpy ka'ap yaj'ijxta'akëty ja ëxëëkajtën ma ja naax kajpnën, e ko ja Israel ja'ayëty nijawëtëty, myëët'atëp ja tsë'ëkë.

Deuteronomio 22:22

Pën tu'uk yë ye'etyëjk myëët'ajtyp yë to'oxytyëjk mëti'ipë pëkynyën ets nimäjtsk yajkupaatëtëty. Nimäjtsk nëjkx yajkuka'atstë, jëtu'un ka'ap yaj'ijxta'akëty ja ëxëëktu'un ëxëëkajpxën ma ja Israel kajpnën.

Deuteronomio 22:24

nimäjtsk nëjkx jam yajwoownëjkxtë ma ja kutuunktëjkën ets nëjkx nikajpxtë pën o'ktëp tyaapë ja'ayëty nimäjtskpë. Ja to'oxytyëjk nëjkxëp y'ooky mëët ko ka'ap ja putëjkën të t'amëtoy ets kajpntum të jyayajpaaty. Ets ja ye'etyëjk nëjkxëp y'ooky, mëët ko ja myëye'etyëjk ka'ap të tmëj'ixy, nimäjtsk kuka'atsy nëjkx y'ooktë. Jëtu'un ka'ap ja ëxëëktu'un ëxëëkajpxën xy'ijxta'aktëty ma ja Israel kajpnën.