Deuteronomio 17:20 - Biblia Dc en Mixe de Quetzaltepec

²⁰ Këtiipë mëj këjxm nyäpyëjkta'akëtëty ma ja myëku'uktëjkën ets këtiipë tja'atyëkoyëty ya'atë ënä'ämën tëyajtën. Jëtu'un'äämpy jekpyaat y'ënä'ämëty ets näjyëtu'un ja y'u'unk y'ok tyuka'ajëtëty ja jëtu'unpë ja tuunk.

Biblia Mixe de Quetzaltepec

²⁰ Këtiipë mëj këjxm nyäpyëjkta'akëtëty ma ja myëku'uktëjkën ets këtiipë tja'atyëkoyëty ya'atë ënä'ämën tëyajtën. Jëtu'un'äämpy jekpyaat y'ënä'ämëty ets näjyëtu'un ja y'u'unk y'ok tyuka'ajëtëty ja jëtu'unpë ja tuunk.

Deuteronomio 17:20 ပူးပေါင်းရင်းမြစ်များ

1 Reyes 15:5

jä'ä ko ja David oy ënety winë të tuny Wintsën wintum, yë'ë ka'ap ojts nijëna'a tja'atyëkoy mëti'ipë ja Wintsën të tyuk'ëne'emyën, tu'k'ok ojts je'eyë tyëkoy ma Urías tyaj'o'kyën, mëti'ipë Hit ja'ayën.

Deuteronomio 5:32

E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Dios ets këtii nijëna'a xy'ëxmatstëty.

Isaías 2:12

jä'ä xëëw ma ënety winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënety mëj jaanty të nyäyajnaxëtën, pa'tkë'p nëjkx kyëtakta'atë,

2 Corintios 12:7

koojë nimëtya'ak mëti'ipës të n'ixyën. Paatykyëjxm këtiipës näyajmëjnaxëtëty, nmëët'ajtypës ja amay jotmay, jëtu'un pyiky y'atony maajës nini'kxën ijxtëm äpnyën, mëti'ipë ja mëjku'u xytyuktëytyuunpënës.

Habacuc 2:4

Jëtu'un xykyëxja'ajëty, ko yë ëxëëkja'aytyëjk amëj akëjxm nyäyjyawëtë e yë wa'ats ja'aytyëjk juuky wyë'ëma'antë ets juuky'atantëp mëët ko Dios oy tmëtuntë.

Eclesiastés 8:13

e yë ja'ay mëti'ipë ëxëëk juukyajtpën, ëxëëk jyatë kyëpätë mëët ko të tkamëët'atë näywyinkutsë'kën ma Tiosën.

Proverbios 27:24

Jä'ä ko wit meeny ka'ap xëmëkyëjxm nmëët'ajtmëty, ets ni yë'ë xëmëkyëjxm kyayajmëët'aty yë ënä'ämën kuttujkën.

Proverbios 10:27

Ko Dios yajtsoky yajjawë, yoonp yë juukyajtën; e yë ëxëëkja'aytyëjk ni'ikyë yë jyuukyajtën yajkuwitstë.

Salmos 132:12

Nëjkxëpës npëjktä'äky tu'uk yë m'u'unk m'ok mëti'ipë yajkutukëpën. Pën yë m'u'unk m'ok tyuuntëp ijxtëm ja n'aaw n'ayukës y'ënä'änyën, ets pën pyatuuntëp ja ënä'ämën tëyajtën mëti'ipës nmo'ojantëpën, näjyëtu'un ja y'u'unk y'ok nëjkx yajkutuktë xëmëkyëjxm.

Salmos 19:11

Ya'atë mëtuunpë oy ko jëtu'unpë aaw ayuk yajtukmëtoy, ets oy nyäjyawëty ko tpatuny.

2 Crónicas 34:27

ets ko tëë xyjyotmaypyiky ja aaw ayuk mëti'ipë të xymyëtoyën mëti'ipë ënety tunan jatanëpën ma mijtsën ets ma ya'atë naax kajpnën ets mëët ko tëë xyjyotmayjyawë ets të mjë'ëy të myä'äxy; ëjts nän tyamës n'ijxkuk nja'akyukë tëkokyë ya'atë. Jëtu'unës ëjts n'ëna'any, mëti'ipë Wintsën'ajtpën.

2 Crónicas 33:23

Je'eyëp ko yë'ë ka'ap jyotwinpijty ma Tiosën, jëtu'un tä ja tyeetyën Manasés, ni'ikyë ojts ja pyoky tyajmayë.

2 Crónicas 33:19

Ja wyaantak nyu'kxtakën ma Wintsënën, wi'ix ja Wintsën y'ëtsoowën; ja nyëë pyoky ets wi'ix ojts tkojyën kanaak ja awinax; ja naaxpotsy ets ma tnikojyën ja ëxëëkpë; ma tpëjktäkyën ja Aserá y'awinax, ma ënety ka'ap jyotwinpitynyëmën; jap myiinta'ay kuja'ay ma ja nyokyëtyën ja ja'ayëty mëti'ipë ja Wintsën myëtuuntën.

2 Crónicas 33:12

E ko nyäjya'awëyë mëj këjää jyotmaypyatnë, ënät ja Wintsën ojts tmëkäjpxy winë aaw winëjot, tä nyäpyëjktakë ëmaay amutsk ma ja Wintsënën, mëti'ipë ja y'aptëjk y'ëwtajtën.

2 Crónicas 26:16

Je'eyëp ko ojts nyäjyawëty tëë myëktä'äky jam ma kutujktaknën, amëj akëjxm ojts y'awinpijnë. Ka'ap ja Wintsën t'ëkmëj'ijxnë, tëjkënyëp jap tsajptëkoty kë'ëmwinma'any ets tno'ky ja poom kë'ëmwinma'any ma ja poom wintsë'këntyaknën.

2 Crónicas 25:19

Jëtu'un jëtää mijts mjootwinmay, mëët ko ka'ap ja Edom të xyajmëtä'äky ko mëët të mtsiptuny, tyam mëj këjxm mijts ënät mnäjyawëty; tyam yajxon n'ënëëmëty nikë timnäypyo'kxët jämyë ma mjëën mtëjkën. ¿Wi'ix ko kë'ëm yë m'amay mjotmay y'ixkukëja'any?

2 Reyes 14:10

Ëjts n'ijxkäjpyës ko mijts mjotmëkëty ets ko tëë xyajtëkoy ja Edom ja'ayëty ets mpatëp ets mijts amëj akëjxm mnäjyawëtëty. Oy mëj'äämpy m'ëk naxëty; je'eyëp ko ënät y'oy'atëty ko jämyë mwë'ëmëty ma mtëjkën. ¿Wi'ix ko nëkoo kë'ëm yë mjotmay xy'ixta'aja'any ets näjyëtu'un yë jyotmay yë Judá?

2 Reyes 10:30

Ënet ja Wintsën t'ënëmaay ja Jehú: Mëët ko mijts oy winë të xytyuny ets tëë jëtu'un xytyuny tä ënety ntsokyënës ja Ahab jyatëty kyëpätëty, tyamës nikäjpxy ko yë m'u'unk m'ok nëjkxëp yajkutuktë jeky, jäpaat ma ënety ja y'ok'u'unk y'ok'ëna'k jyuuk'atën.

1 Reyes 11:36

Je'eyës ja myaank ntukmëwë'ëma'any tu'kkajpn, jëtu'untsës ja tyë'kxën jyajjën ja David, ja ntuunpës y'ijtëwëty ma ja Jerusalén kajpnën; ja kajpn mëti'ipës ojts nwin'ixyën ets jam ja nxëëwës yaja'amyätsëty.

1 Reyes 11:34

E ëjts kajtsës tukë'ëyë ntimpyëjkëja'any ja kuttujkën, njaakyajtunäämpyës ets jyaak yajkutukëty mapaat jyuuky'ätyën, mëët koos ja David n'oyjyawë, mëti'ipës nwin'ijxën ets pyatuun ja n'ënä'ämënës ntëyajtënës.

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.

Deuteronomio 17:11

Jëtu'un xytyuntëty, tä ënety yë'ë mtuk'ënä'ämëtën, wi'ix ja ja'ay tkukëpätëtyën ja nyëë pyoky ets wi'ix yajtëytyunëtyën, nitii nëjkx xykyayajtëkatstë.

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Deuteronomio 12:28

Mëtowtëp ets mpatuntëp jëtu'un, mëti'ipë yam ntuk'ënä'ämtëpën. Jëtu'un jotkujk xëmë mjuuky'atëty, näjyëtu'un yë m'u'unk m'ëna'këty, mëët ko ënety xytyuntë mëti'ipë oyën ets tëyajtën, mëti'ipë y'oy'ijxypyën mWintsën Tiosëty.

Deuteronomio 12:25

Këtii yë ne'pyny xyjyë'kxtëty ets jotkujk mjuuky'atëty, näjyëtu'un yë m'u'unk m'ëna'këty mëët ko ënety ja Wintsën ja y'aaw y'ayuk xypyatuunëtë.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Deuteronomio 4:2

Mëti'ipë yam ntuk'ënëëmëjantëpën, këtii kë'ëm xyajni'ikëtëty ëkë kë'ëm xyajwäänëtëty. Jëtu'un xypyatuntëty ya'atë Wintsën yë tyiyajtën tä yam ntuk'ëwaanëja'antën.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Dios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

Salmos 119:102

Ëjts ka'apës nijëna'a të n'ëxmatsy yë m'ënä'ämën mtëyajtën, jä'ä ko mijtsës winë xytyukni''ijxëp.

1 Samuel 10:25

Tä ja Samuel ojts tkë'ëyäky ma ja naax kajpnën ja ënä'ämën tëyajtën mëti'ipë tunëpën ma ja ënä'ämpë tyuna'anyën. Yajxon tkëjxjaaytyääy nokykyijxy ets tpëjktäky jap tsajptëkoty. Ko jëtu'un tyuuntaay jyajtaayë, tä ja Samuel ojts ja ja'ay t'ënëëmë ets jatëkok wyimpijta'atëty ma tyëjkëtyën.

2 Samuel 22:23

Yapës yë ntimmyëëtëty yë tyiyajtën ets kyutujkën ets y'ënä'ämën tyiyajtën ka'apës nijëna'a të njëjpmëkajpxëyë.

1 Reyes 2:3

Patun mëti'ipë yë mWintsën nyi'ënä'ämëpën, aak'oy winë xytyunëty ets mpatunëp ja y'ënä'ämën kyutujkën, tyiyajtën ets ja y'aaw y'ayuk, jëtu'un ijxtëm myinyën ma ja Moisés ja y'ënä'ämënën, jëtu'un oy winë mwinpëtsë'ëm mjëjpëtsë'ëmxëtëty oy tii xytyunëty ets oy maa mtimnyëjkxëty.

1 Reyes 15:3

Abiam nän yë'ë poky ojts tuny mëti'ipë ja tyeey tyuunën, ma ënety ka'ap tyëkënëm yajkutujkpë, ja jyot wyinma'any ka'ap ojts mëtëy tyaj'ity ma Wintsënën ijxtëm ja David, ja y'aptëjk.