Deuteronomio 17:2 - Biblia Dc en Mixe de Quetzaltepec

² Pën yajnija'ap muum kajpntum tu'uk yë ye'etyëjk ëkë to'oxytyëjk yë'ë tyuunpy mëti'ipë yë Wintsën ka'ap t'oyjyawën ets jëtu'un ka'ap t'ëkwinkutsë'kënë ja käjpxytyu'unën,

Biblia Mixe de Quetzaltepec

² Pën yajnija'ap muum kajpntum tu'uk yë ye'etyëjk ëkë to'oxytyëjk yë'ë tyuunpy mëti'ipë yë Wintsën ka'ap t'oyjyawën ets jëtu'un ka'ap t'ëkwinkutsë'kënë ja käjpxytyu'unën,

Deuteronomio 17:2 ပူးပေါင်းရင်းမြစ်များ

2 Reyes 18:12

E paatykyëjxm ojts jëtu'un jyatë kyëpätë jä'ä ko ka'ap tmëmëtoowtë ja Wintsën; ko ojts ka'ap t'ëkja'amyäjtsnëtë ja käjpxytyu'unën ets ka'ap ninu'un tja'akyujkëtyë ja ënä'ämën tëyajtën mëti'ipë ja Moisés, ja Wintsën ja tyuunpë ojts jyatuknipëkëtën tpatuntëty.

2 Reyes 21:3

ojts jatëkok tkoj'o'oyëtyä'äy ja tëjk ma jap y'itën ja tsaatsetsy, mëti'ipë ënety ja tyeety Ezequías të tjijtë'ëkyën; ojts t'oytyuny wiinkpë wintsë'këntyakn ets ojts ja Aserá ja y'awinax tyajkojë; ëpëky näjyëtu'un t'ëwtajty winë jampë tsajpkëjxm yajpaatyën,

Job 31:28

Yë'ë jyëkyejpy jeexyë nkumëtoyës; jä'ä ko Tiosës ënety të nwinaxy mëti'ipë tsajpjotm ijtpën.

Éxodo 22:19

Pën mëët yë jëyujk y'ijtmuky ets jëtu'un tmëët'ataanpëty tä tu'uk yë ye'etyëjkën, ëkë to'oxytyëjkën, yë jëtu'unpë ja'ay nitëjkëyëp ets y'ookëty.

Éxodo 22:20

Pën myoopy yë wyintsë'kën yë wiink tios, jëtu'un tä jeexyë yi'iyë atu'uk yajmo'oyën yë Wintsën, yë jëtu'unpë ja'ay nän nitëjkëyëp y'ookëty.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënety ëjts Wintsën xyatijtë. Ëjts Wintsën, ëjts ënaanp.

Jeremias 34:18

Yë kopktëjkëty mëti'ipë ënety mëj'äämpy ijtëpën ma Judá ja'ayëtyën ets ma Jerusalén ja'ayëtyën, mëti'ipë jam tuuntëpën ma kutujkëntëjkën, yë teetytyëjkëty ets nitëkokyë ja'ayëty ojts tuntë tu'uk ja käjpxytyu'unën mëët ëjts: ojts tsujkwa'kxtë ja tsyajpkaa ayääkë ets nyajxtë itkujky ma ënety mäjtskpëky të tyajwa'kxtën. E ok ojts jatëkok ja wyinma'any tyajtëkatstë ets ka'ap ojts jëtu'un t'ëktuunëtë tä ënety të y'ëna'antën.

Ezequiel 16:38

Ets yë'ë ntukpatëkëjäämpy ko ënety të xyajwintsë'këntyëkoy ja pëjkën ukën ets ko ënety të myajja'ay ooky, atsip a'äkë nëjkx nyaj'ooky.

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Oseas 8:1

Tukxu'ux yë mxuxn tä tukxu'uxyën mëti'ipë këwent'ajtpën ma Wintsën yë kyajpnën. Jä'ä ko tëë ja käjpxytyu'unën tjëënaxy ets tëë tkäjpxykyumëtoownaxy ja n'ijxpëjkënës.

Deuteronomio 17:5

Jam nëjkx ja ja'ay xywyoownëjkxtë ma kutuunkën, mëti'ipë jam yajpatpën ma ja kajpnën ma ja ja'ay tsyëënën, mëti'ipë ënety ja jëtu'unpë të tuuntëkoyën ets nëjkx yajkuka'atsy.

Deuteronomio 29:18

Ma miitsëtyën, ni pën tka'ëxmatsëty yë nyë'ë'aaw tyu'u'aaw yë nWintsën'ajtëm Dios ets tpanëjkxtëkëty ja wiink tios, mëti'ipë tääpë yë naax kajpn y'ëwtajtëpën. Ka'ap mëpaat yajpaaty ma miitsëtyën yë ja'ay mëti'ipë yë Wintsën jëtu'un jyawëpën tä yë ujts mëti'ipë ta'amën.

Deuteronomio 29:25

Tä nëjkx yaj'ëtsowtë: Yë'ëkyëjxm ko të tkamëjpëjkta'aktë ja käjpxytyu'unën, mëti'ipë yë Wintsën yë y'aptëjk Tyios'ajtëpën, mëti'ipë jap ju'tëtë Egiptë.

Deuteronomio 31:20

Ko ënety jam të mjajnëtë ma ja it naaxwiinyëtën mëti'ipës ja m'ap m'ok ntukwinwa'anëtyën mëët ja aaw ayuk ja kutujkënmëëtpë, jam ma ja jë'kxy pëky ka'ap y'ëmaaytyä'äkyën, ënät nëjkx ja wiink wintsën xypyanëjkxtëjkënëtë ets jä'ä xy'ëwtajnëtëty, ëjts nëjkxëpës ja nyaj'ixtijnë ets ja käjpxytyu'unën mëti'ipë ënety të njayaj'apatëmën ka'ap nëjkx pën t'ëkja'amyäjtsnë.

Deuteronomio 4:23

E yë'ë tëy ijxkëm xyjyä'äytyëkoytyë ja Wintsën ja kyäjpxytyu'unën, mëti'ipë yë'ë të tunyën mëët miitsëty. Nitii xykyayajnikojtu'utëty mëti'ipë yë Dios ka'ap t'ëwa'atsyën.

Hebreos 10:28

Ko ijty pën tkapatuny ja Moisés ja y'ënä'ämën, o'kp ijty, jä'ä ko tam ja mëti'ipë ni'ë'ënëpën nimäjtsk nitëkëëk, paaty ka'ap yajpa'ëyoy,

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

Josue 7:11

Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënety të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.

Josue 7:15

E mëti'ipë ënety yajpatpën pokymyëët, ko të tyu'utsy mëti'ipë Dios të tuknipëjktaakën ets kyutëkoyëty, nino'oky nëjkx y'ooky jëtu'unpë ja ja'ay mëët tëkokyë jënu'un ënety winë tmëët'atyën ets ja y'u'unk y'ëna'k, mëët ko ënety të tuny mëti'ipë ka'ap tyuunëtyën ets ko ja poky të tmëtëkë ma Israel kajpnën ko të tkumëtoownaxy ja Wintsën ja kyäjpxytyu'unën.

Jueces 2:20

Paaty ojts ja Wintsën tukjoot'anpëky ja Israel kajpn ets y'ënäny: Ya'atë ja'ayëty je'eyë nëkoo tyajma'aty yë nkäjpxytyu'unënës mëti'ipës ntuunën mëët yë y'ap y'okëty ets ka'apës xymyëmëtowa'antë.

Jueces 6:31

E ja Joás ënät t'ëtsooy ja ja'ayëty mëti'ipë të myintën: ¿Miits mkuwa'anantëp yë Baal ets yë'ë mnitsiptunantëpë? Jëyëjp mëpaat y'ooky yë ja'ay mëti'ipë kyuwa'anäämpyën yë Baal naamka'anëm xyiinyë. Pën Baal yë'ë Tios'ajtp, ëxmatstë, wä'än kë'ëm näkyuwa'anyë, jä'ä ko yë'ë ja wyintsë'këntyakn të yajijtë'ëky.