Deuteronomio 17:19 - Biblia Dc en Mixe de Quetzaltepec

¹⁹ Tääpë noky xëmë tkajpxëty winjëpom mapaat jyuuky'ätyën ets tjatëty wi'ix yë Wintsën twintsë'ëkëtyën. Wyintsë'ëkëp ja ënä'ämën tëyajtën mëti'ipë jap miinpën ma nokyën ets pyatunëp jëtu'un.

Biblia Mixe de Quetzaltepec

¹⁹ Tääpë noky xëmë tkajpxëty winjëpom mapaat jyuuky'ätyën ets tjatëty wi'ix yë Wintsën twintsë'ëkëtyën. Wyintsë'ëkëp ja ënä'ämën tëyajtën mëti'ipë jap miinpën ma nokyën ets pyatunëp jëtu'un.

Deuteronomio 17:19 ပူးပေါင်းရင်းမြစ်များ

Josue 1:8

Xëmë xymyëmay xymyëtajëty mëti'ipë ja Dios ja y'ënä'ämën tyiyajtën nyikäjpxypën, yë'ë xëmë mja'amyätsëp xëëny koots ets xytyunëty mëti'ipë nyikäjpxypën. Aak oy nëjkx tii mwinpëtsë'ëmxëty ko tii xytyunëty.

Salmos 1:2

yë tsyojkën jya'awën jam tpëjktä'äky ma Dios yë y'ënä'ämën tyiyajtën, ets yi'iyë myëmääpy myëtäjpy xëëny koots.

Juan 5:39

M'ijxpëjktëp oy'ixyë ja Dios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Deuteronomio 11:18

Ya'atë aaw ayuk yë'ë xëmë mjot'atëp, ets mmëmay mmëtajtëp; jëtu'un xytyimmëët'atëty tä jeexyë jam mkë'ëkëjxm ets mwinpokëjxm xymyëët'atën këxtsumy.

Deuteronomio 4:10

Jä'ä xëëw ma ojts myajpaatën ma ja Wintsën mëti'ipë mTiosajtëpën, jam ma ja Horeb kopkën, tyaajës ojts yë Wintsën xy'ënëëmë: Yajtu'ukmuk yë naax kajpn ets tmëtoow'itëty yë n'aaw n'ayukës ets tjat tnijawëtëty wi'ix mëj xyjyëkyäptëtyës mapaat jyuuky'atën ets jëtu'un ja y'u'unk y'ëna'k tukni''ixëtëty.

Deuteronomio 4:9

E paaty yam miits n'ënëëmëtë, ko yë'ë xëmë mja'amyätstëp, mëti'ipë yam të xy'ixtën. Nijëna'a xykyaja'atyëkoytyëty. Ni'ikyë nëjkx ja m'u'unk m'ëna'k xytyuk'ëwaanëtë ets m'ok'u'unk m'ok'ëna'këty.

Deuteronomio 5:1

Wa'ats ja Moisés tyajtu'ukmujktaay ja Israel kajpn ets t'ënëmaay: Mëtoow'itë miitsëty Israel ja'ayëty ya'atë tëyajtën ets ya'atë aaw ayuk, mëti'ipë yam ntukmëtowantëpën. Yajwë'ëmtë yajxon mkëpajkjoty mwinma'anyjoty ets mpatuntëp.

2 Reyes 22:10

Ojts ja Safán näjyëtu'un tuk'ëwaanë ja yajkutujkpë, ko ënety ja teety Hilquías tu'uk ja noky të tpaaty ets të tyukë'ëtëkëty, tääts tukwinkukajpxëy.