Deuteronomio 17:16 - Biblia Dc en Mixe de Quetzaltepec

¹⁶ Ja ja'ay mëti'ipë ënety ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.

Biblia Mixe de Quetzaltepec

¹⁶ Ja ja'ay mëti'ipë ënäty ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.

Deuteronomio 17:16 ပူးပေါင်းရင်းမြစ်များ

2 Samuel 8:4

David, jä'ä ojts jam tmatsy ja tsiptuunpëtëjk niwëxtujk mëko'px, mëti'ipë kwaay tyuk'u'unyääytyëpën ets i'px mil mëti'ipë jëtu'unyë teky'am jëtijtëpën; ëpëky tekytsyujktaay ja këwaaw këtiipë pyëyë'ëktëty mëti'ipë ja pujxnwintëkäämpë jyëtujtëpën; yi'iyë ojts tyajwë'ëmy nitu'kmëko'px ja kwaay mëti'ipë ja pujxnwintëkäämpë tyukpajëtutantëpën.

1 Reyes 1:5

E ja Adonías, tu'uk ja David ja myaank, mëti'ipë mëët t'u'unk'atyën yë Haguit, ojts tmëpëtë'ëky ja tëypyujxn ets ja ku'umën ets y'ënäny ko yë'ë kutujkpë'ataanp. Ojts tyaj'oyë pyuxn wintëkäämpë mëti'ipë myëtsiptuuntëpën ets ojts tmä'kxy yë kyëwaay ënyääpyëty ets ja'ay mëti'ipë nätyukëwent'ajtëpën, niwëxtyikxymyajk y'ijtë.

1 Reyes 4:26

Salomón ojts tmëët'aty taxk mil yë këwaaytyënaaytyakn ma tyaj'ityën ja jyëyujk mëti'ipë pujxnwintëkäämpë pyajëtujtëpën ets majkmäjtsk mil ja tsiptuunpëtëjkëty mëti'ipë këwaaytyuk'ënyääytyëpën.

1 Reyes 5:6

E mijts yam mpëjktsoopy ets jeexyë xy'ëwa'atsy wä'än jam tyajpuxy yë ajë kepy jam Líbano, mëti'ipë tunëpën ko ja tsajptëjk ënety kyojy. Tyam ëjts kë'ëm yë ntuunpës n'ixëty mëti'ipë pyutëkëtëpën ja mja'ay ma ënety jam ja kepy tyukyën, e mijts kë'ëm mtsowmo'ojëp jënu'un ënety winë tsyoowpaatyën ets nkuju'uymyëty ets näjyëtu'un jënu'un ja mtuunpëtëjk yajmëjuya'antën, jä'ä ko mijts wa'ats xynyijawë ko ëëtsëty ka'apës nijawëtë wi'ix yë kepy yajpuxy yajka'atsy, jëtu'un tä tnijawëtën yë Sidonië ja'ayëty.

2 Crónicas 1:16

Ja maykyëwaay mëti'ipë ja Salomón jyä'ä'ajtypyën aakjam tyajtso'ontë Musri ets Cilicia, jä'ä ko ja y'ajuuy y'ato'kpë yë'ë ijty jam kë'ëm nëjkx timy jyuy timy kyëpätë.

2 Crónicas 9:25

Salomón jä'ä ijty tmëët'aty taxk mil yë ijtakn ma tyajtänën yë kwaay ets pyujxnwintëkäämpë, majkmäjtsk mil ijty tmëëtëty yë kwaay. Jam tyajktaay ma y'itën mëti'ipë ja tsiptuunpëjk myëtsiptuuntëpën ets jam Jerusalén ma yajkutujkpë ja tsyiptuunpëtëjkëtyën.

Salmos 20:7

Tää mëti'ipë yë'ë tyuk'ijxpäjtëp ko tmëët'atë kepy wintëkäämpë mëti'ipë myëtsiptuuntëpën, ets tä wiinkëtypë mëti'ipë yë'ë tyuk'ijxpäjtëpën ko tmëët'atë kwaay, e ëëtsajtëm yë'ë ntuk'ijxpäjtëm ko yajpaaty yë Wintsën mëët ëëtsajtëm.

Éxodo 13:17

Ko yë Egiptë mëj'ënä'ämpë ojts t'ëwatsë yë nyë'ë tyu'ujëty yë Israel ja'ayëty, ka'ap ojts jamtsow yë Dios yajnëjkxëtë ma filistejë ja'ayëty yë nyaaxjotmëtyën, ma ja tu'u nyäxyën mëti'ipë jaak'akonën. Jä'ä ko tyaa ojts myäy tyäjy, ko ja Israel ja'ayëty ka'ap ja tsyiptuna'antëty ets tsojk ja wyimpita'antëty jatëkok jap Egiptë.

Éxodo 13:18

Paaty ojts jamtsow yaj'ëwtitëtë ma ja të'ëts'it të'ëtsjotmën ets jamtsow jya'ajtë ma tu'uk ja mëjmejyën mëti'ipë xyëëwajtypyën Tsaptsmejy. Yë Israel ja'ayëty jëtu'un jap Egiptë myäytsyo'ontë waatswitsy tä yë maytsyiptuunpë tsyoontën.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Isaías 2:7

Ujts ja naax kajpn yajpaaty mëët ja pu'ts pujxn, poop pujxn, may ja wit meeny tmëëtëty. Ujts yajpaaty mëët ja kwaay ets may kepy wintëkäämpë.

Jeremias 42:19

Miitsëty nijënu'un mjaakwë'ëmtën yaa Judá, jëtu'un yë Wintsën m'ënë'ëmxëtë ko këtii mnëjkxtëty jap Egiptë. Yajxon tim nijawëtë ets tyam myajtuk'ëwaanëtë.

Ezequiel 17:15

Je'eyëp ko ja Judá yajkutujkpë ja myaank ojts ja Babilonyë yajkutujkpë tmëtsiptsoony ets jap Egiptë tkejxy yë jyä'äy kwaay juupyë ets t'amëtooy ja mayjyä'äy. ¿Miitsëty wi'ix m'ëna'antë, wä'än jëtää tyaapë ja'ay myëta'akëtyë? ¿Wä'än jëtää yë ja'ay juuky wyë'ëmëtyë mëti'ipë ënety të tkäjpxy kyumëtoownaxyën tu'uk yë käjpxytyu'unënë?

Oseas 11:5

e yë'ëjëty ka'apës të xynyimina'antë. Paatykyëjxm jatëkok jap Egiptë wyimpita'antë ets Asiria ja'ay ënä'ämanëtëp.

Oseas 14:3

Yë Asiria ja'ayëty ka'ap tjëkyepy xyajtsokmëty ets ka'ap tjëkyepy kwaaykyijxy nkäkmëty. Ka'ap mëpaat n'ëkmëkäjxënë wintsën mëti'ipë kë'ëm nyajkojëmën, jämyë ma mijtsën Wintsën, jämyë yë ku'ooky u'unk tpaatë yë näpya'ëyow nänyajts'ëyowë.

Miqueas 5:10

Jëtu'un yë Wintsën y'ënä'äny: Jä'ä xëëw nyaj'o'kta'ajäämpyës yë mkëwaay ets nyajkutëkoyäämpyës yë mkepy wyintëkäämpë mëti'ipë mmëtsiptuumpyën.

Deuteronomio 28:68

Oy ënety ja Wintsën të jya'ëna'any, ko mijts ka'ap jap nijëna'a m'ëk winpijnëty Egiptë, nëjkxëp jatëkok jap mwinpity. E mijts jä'ä nëjkx mwinpijnë kepy nëëwinye'epyëjoty ets ja mmëtsip nëjkx jap myajnëjkxyë ets mtookëtëty. E oy ënety pën mjatooka'anyë, ka'ap nëjkx myajjuy. Oy xyajtsojkën'atëty jeexyë jap mwë'ëmy.

1 Samuel 8:11

Ets y'ënäny: Ya'atë jëtu'un nëjkx ja yajkutujkpë tuny ma miitsëtyën. Waatswitsy nëjkx ja m'u'unk m'ëna'këty tyajye'ey, mëti'ipë nëjkx tkëwent'atën ja pujxnwintëkäämpë, mëti'ipë myëtsiptuuntëpën, mëti'ipë nëjkx jëyujk këjxy jyëtityën ets mëti'ipë nëjkx yë'ë nyätyukëwent'atyën.