Deuteronomio 17:14 - Biblia Dc en Mixe de Quetzaltepec

¹⁴ Ko ënety jam të mja'ajnëtë ma ja naax kajpnën mëti'ipë ja Wintsën mo'ojanëtëpën, tëëpë xynyitsiptuntë ets jam mtsënaaynyëtë ets jëna'a m'ëna'antëty: Yë yajkutujkpë ëëts tu'uk ntsojktëp, mëti'ipë xy'ënä'ämtëpësën, jëtu'un ijxtëm muum yë yajkutujkpëtëjk yajpaatën.

Biblia Mixe de Quetzaltepec

¹⁴ Ko ënäty jam të mja'ajnëtë ma ja naax kajpnën mëti'ipë ja Wintsën mo'ojanëtëpën, tëëpë xynyitsiptuntë ets jam mtsënaaynyëtë ets jëna'a m'ëna'antëty: Yë yajkutujkpë ëëts tu'uk ntsojktëp, mëti'ipë xy'ënä'ämtëpësën, jëtu'un ijxtëm muum yë yajkutujkpëtëjk yajpaatën.

Deuteronomio 17:14 ပူးပေါင်းရင်းမြစ်များ

1 Samuel 12:19

Tä t'ënëmaaytyë ja Samuel: Samuel tun yë mëyajtën mënu'kxta'ak yë mWintsën mëët ëëtsëty këtiipës n'ooktëty. Jä'ä ko janty poky jëtu'un ëëtsëty të ntuntës koos të n'amëtoowpëtë tu'uk yë yajkutujkpë.

Josue 1:13

Miitsëty mja'amyäjtstëp wa'ats wi'ix ojts ja Moisés m'ënë'ëmxëtën, ja Dios ja tyuunpë; ko mnëmaayëtë, ko yë Wintsën miits mooyëtëp ya'atë it naaxwiinyëtë ma jotkujk mpo'kxtëty mpëktëtyën.

Deuteronomio 26:9

ets yaa xyajmiintës ma ya'atë it naaxwiinyëtën, mëti'ipë të xymyo'otënës, ma ka'ap ja jë'kxy pëky y'ëmaaytyä'äkyën.

Deuteronomio 26:1

Ko ënety jam të mja'ajnë ma ja it naaxwiinyëtën, mëti'ipë yë mWintsën mmo'ojanëpën ets xyjyä'ä'atëty ets ënety jam të mtsënaaytyaknpëjknë.

Deuteronomio 18:9

Ko ënety jam të mja'ajnëtë ma ja it naaxwiinyëtën mëti'ipë ja Wintsën mo'ojanëtëpën, këtii ja ëxëëkpë tu'unën kajpxën xytyuuntëpëty, tä ja ja'ayëtyën ma tampë ja naax kajpnëtyën.

Deuteronomio 11:31

Wäänë yjaak'ita'any ets xytyuknaxtëty yë Jordán mëjnëë ets xynyiwa'aktëty ja naaxwiinyëtë mëti'ipë yë Dios mo'ojanëtëpën. Ko ënety të xynyiwa'knëtë tääpë it naaxwiinyëtë ets ënety jam mtsënaaynyëtë.

Deuteronomio 7:1

Yë Wintsën mëti'ipë miits mTiosajtëpën yë'ë mputëkëjanëtëp ets jam mja'tëty ma ja it naaxwiinyëtën mëti'ipë mjä'ä'atantëpën, ënät nëjkx xyajkutëkoytyë ja wëxtujkpë ja naax kajpn jampë yajpaatën mëti'ipë mëj'äämpy ijtëpën ma jotmëkja'ay tsyëënëtën. Yë'ë yajtijtëp ja Hit ja'ayëty, gergeseos ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Josue 21:43

Jëtu'un'äämpy ojts ja Wintsën tkuuytyuny ja y'aaw y'ayuk ko tmooytyääy ja Israel ja'ayëty ja nyaax kyam, jëtu'un tä ënety të tukwinwanën ja y'ap y'okëty. E ma tääpë ja it naaxwiinyëtën jam ojts tu'ukyë tsyënaaytyaknpëjknëtë.

1 Samuel 8:11

Ets y'ënäny: Ya'atë jëtu'un nëjkx ja yajkutujkpë tuny ma miitsëtyën. Waatswitsy nëjkx ja m'u'unk m'ëna'këty tyajye'ey, mëti'ipë nëjkx tkëwent'atën ja pujxnwintëkäämpë, mëti'ipë myëtsiptuuntëpën, mëti'ipë nëjkx jëyujk këjxy jyëtityën ets mëti'ipë nëjkx yë'ë nyätyukëwent'atyën.

1 Samuel 10:19

E tyam m'ixtijnëtëp ja Tiosnë mëti'ipë të mjuutëtën ma ënety ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

1 Samuel 10:25

Tä ja Samuel ojts tkë'ëyäky ma ja naax kajpnën ja ënä'ämën tëyajtën mëti'ipë tunëpën ma ja ënä'ämpë tyuna'anyën. Yajxon tkëjxjaaytyääy nokykyijxy ets tpëjktäky jap tsajptëkoty. Ko jëtu'un tyuuntaay jyajtaayë, tä ja Samuel ojts ja ja'ay t'ënëëmë ets jatëkok wyimpijta'atëty ma tyëjkëtyën.

1 Samuel 16:3

Ënet xywyowëty ja Jesé ets mjämyëët'atëtëty ma ja wintsë'kën xyaka'anyën ets tyam njaaktuk'ëwaanëty tii mëpaat xytyunyën. Ets xykyënu'kxëty mëti'ipë ënety ntukni''ijxëpën ets yë'ë y'ënä'ämëty ma Israel kajpnën.