Deuteronomio 16:2 - Biblia Dc en Mixe de Quetzaltepec

² Ma ja ëmaayxyëëwën yë'ë nëjkx yë Dios xytyukwintsë'ëkëtë yë kupixyny ets tsajpkaato'oxy, jam nëjkx xymyënëjkxtë ma ja it naaxwiinyëtën mëti'ipë ënety yë'ë të twin'ixyën ets jam ja xyëëw yaja'amyätsëty.

Biblia Mixe de Quetzaltepec

² Ma ja ëmaayxyëëwën yë'ë nëjkx yë Tios xytyukwintsë'ëkëtë yë kupixyny ets tsajpkaato'oxy, jam nëjkx xymyënëjkxtë ma ja it naaxwiinyëtën mëti'ipë ënäty yë'ë të twin'ixyën ets jam ja xyëëw yaja'amyätsëty.

Deuteronomio 16:2 ပူးပေါင်းရင်းမြစ်များ

2 Reyes 23:21

Ënet ja yajkutujkpë ojts tni'ënä'ämë ets ja ja'ayëty ni'ëmukë tmëjawëtëty ja ëmaayxyëëw ma ja Wintsën yajmëjjaw yajkënu'kxyjyawën, jëtu'un tä ënety jap myinyën kuja'ay ma ja nokyën mëti'ipë myëët'ajtypyën ja käjpxytyu'unën.

2 Crónicas 35:7

Josías ojts ja mayjyä'äy tmo'oy ja tsajpkaa, kupixyny, mëti'ipë wintsë'kën'atëpën ma ja ëmaayxyëëwën: ja kupixyny ets tsajppax jä'ä nyiwinë'ajty i'px majk mil, ëpëky ja tsajpkaa tëkëëk mil.

Mateo 26:17

Ma ëka'any tu'kxëëw yajnixëëwtunyën ja tsajpkääky ka'apë levadura tmëëtëtyën, jää ojts ja Jesús ja y'ijxpëjkpëtëjk nyiminyë ets yajtëëwëtë: ¿Ma xytsyoky etsës ja a'ux nyaj'oyëtëty, ma yajmëjjawëja'anyën ja ëmaayxyëëw?

Mateo 26:2

Ejxtëm xynyijawë'atën, ja mäjtsk xëëw ja ëmaayxyëëw tpaaty ets naaxwiinyëtë ja'ay yë y'U'unk jää yajkë'ëyaka'any ets ja'ay yajkruutspäta'anyë.

Marcos 14:12

Mëtu'kxëëwpë ënety ja xëëw tyunyë ko ja jutiis ja'ayëty ja tsajpkääky tkaytyë ka'apë ja levadura tmëëtëtyën; ko tyaj'ooktë ja kupixyny ëmaay xyëëwjoty. Ënet ja Jesús ja y'ijxpëjkpëtëjk tyajtëëwtë: ¿Maas ja ëmaayxyëëw a'ux nipëjktaakëtëty ets n'a'ux'ajtmëty?

Lucas 22:15

Tääts ja Jesús t'ënëmaay ja y'ijxpëjkpëtëjk: Yë'ës ënety mëk ntsojkpy ets tyam nkayä'änyës ja ëmaayxyëëw a'ux ma ka'anëm n'ookynyëmës.

Lucas 22:8

Ënet ja Jesús tkejxy ja Pedro mëët ja Juan ets t'ënëmaay: Nëjkxtë ja ëmaayxyëëw a'ux nipëjktaakëtë ets nkä'ämyëty n'ukmëty.

1 Corintios 5:7

Ixmatstë tääpë ëxëëk winma'any mëti'ipë myajma'tëtëpën. Ets jëtu'un m'itëty ijxtëm ja tsajpkääkyën wa'atspë, mëti'ipë yajkääpyën ëmaay xyëëwjoty. Jä'ä ko Kristë, yë'ë jëtu'un ijxtëm ja Kupixyny U'unkën, mëti'ipë ojts xykyu'o'k xykyutëko'oyëmën.

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Deuteronomio 12:14

Ko tii yë Wintsën xytyukwintsë'ëkëja'antëty, jam xymyo'otëty ma ënety yë'ë kë'ëm të twin'ixyën. Jam nëjkx xytyuntë tëkokyë ya'atë mëti'ipë yam të ntuk'ëwaanëtën.

Deuteronomio 12:18

Ko tyaapë xyjyë'kxa'antëty ma mWintsën Tiosëtyën ets xyajtuna'antëty mëti'ipës yam nikäjpxypën, jam mëpaat xyjyë'kxtë ma ënety yë Wintsën të twin'ixyën ja it naaxwiinyëtë, mëët ja m'u'unk m'ëna'këty ets ja Leví ja'ayëty. Jëtu'un xytyukxon xytyuk'itëty, mëti'ipë ënety të xynyitunën.

Deuteronomio 12:26

E pën tëë xytyuknipëjktaakëtë ets m'ayajk m'ako'onën xyaka'antë, ëkë tëë tii yë Wintsën xytyukwinwanëtë, jam nëjkx xyaktë ma ënety ja it naaxwiinyëtë të twin'ixyën.

Deuteronomio 12:5

Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Deuteronomio 15:20

Tääpë jëyujk të yajnimëtya'aktën winë jëmëjt nëjkx xytsyu'utstë mëët ja m'u'unk mto'oxytyëjk jam ma mWintsënën, ma ja it naaxwiinyëtën mëti'ipë ënety yë'ë kë'ëm të twin'ixyën.

Deuteronomio 16:1

Ko yë Abib po'o tpaatëty jää xynyixëëwtuntëty yë ëmaayxyëëw, ma ja Dios xymyëjjaw xyjyäänty jyawëtëtyën, jä'ä ko miits wa'ats xynyijawëtë ko jä'ä tsu'um ojts yë Dios jap Egiptë mjuutëtë.

Deuteronomio 16:3

Ja jëyujk mëti'ipë ënety të wyintsë'kën'atyën yë'ë mtukpakaytyëp ja nyitsu'utsy yë tsajpkääky ka'apë tsyooymyëëtëtyën, wëxtujk xëëw y'itëty yë'ë mkaytyëp yë tsajpkääky ka'apë tsyooymyëëtëtyën, tääpë jëtu'unpë tsajpkääky jä'ä yajja'akyukë ëyo'owën jotëko'oyën mëët ko jap Egiptë poj'am mtso'ontë ets ka'ap ojts wintëy m'ëkkaay m'ëk'uknëtë jä'ä ko mjotëkooytyëp ënety. E jëtu'un'äämpy wi'ix jap Egiptë mtso'ontën mapaat mjuuky'atën.