Deuteronomio 16:18 - Biblia Dc en Mixe de Quetzaltepec

¹⁸ Nikajpxpätë yë ja'ayëty mëti'ipë kutuunk'atëpën ma ja naax kajpnën mëti'ipë yë Wintsën mo'ojanëtëpën ets yë'ë myëku'uk tnikopk'atëty ets tnipaye'eytyëty yajxon ja jyiiky myëku'uk ja nyëë pyokyëty ets ja y'amay jyotmayëty.

Biblia Mixe de Quetzaltepec

¹⁸ Nikajpxpätë yë ja'ayëty mëti'ipë kutuunk'atëpën ma ja naax kajpnën mëti'ipë yë Wintsën mo'ojanëtëpën ets yë'ë myëku'uk tnikopk'atëty ets tnipaye'eytyëty yajxon ja jyiiky myëku'uk ja nyëë pyokyëty ets ja y'amay jyotmayëty.

Deuteronomio 16:18 ပူးပေါင်းရင်းမြစ်များ

1 Crónicas 23:4

Jamts yajmëtyoowpëtsëëmtë ni''i'px taxk mil mëti'ipë wyintänëtëpën ja tuunk ma ja tsajptëjk kyoja'anyën, tëtujk mil mëti'ipë nyipaye'eytyëpën ets nyiwintsën'atëpën.

1 Crónicas 26:29

Yë Ishar y'u'unk y'ok, mëti'ipë ënety të yajtuknipëktën ja kutujkën'ajtk ets t'ixtëty tuntëty ja tuunk ets ja amay jotmay mëti'ipë ja Israel ja'ayëty myëët'ajtëpën ets mëti'ipë yajpaye'eyaanpën mëktä'äky, yë'ë yajtuknipëjktë Quenanías mëët ja y'u'unk y'ëna'k.

Esdras 7:25

E mijts Esdras, mëti'ipë mjajtyp mnija'apën, mëti'ipë Wintsën të mo'oyën, tuknipëk yë ja'ay mëti'ipë yajkutukëpën ets ënä'ämëpën, mëti'ipë pyaye'eyëpën ja nëë poky ma ja naax kajpnën jam Éufrates, mëti'ipë nyija'awëtëpën ja Wintsën ja tyiyajtën; e mëti'ipë ka'ap tnijawëtën tukni''ixëtë.

Éxodo 18:21

Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Dios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Éxodo 21:22

Ko nimäjtsk yë ja'ay tsyiptuntëty ets tyajtsëtyutëty tu'uk yë to'oxytyëjk mëti'ipë u'unk mëëtën ets y'u'unk'ookëtëty ets ja to'oxytyëjk ka'ap wi'ix jyatëty; ja ja'ay mëti'ipë ja poky myëët'ajtypyën, kopkpëky ko nyäkyuyakëtëty ijxtëm ënety ja to'oxytyëjk ja nyiye'etyëjk timy'amëtoyën, ënät jëtu'un pën tëë ja kutujkëntëjk jëtu'un t'ëwa'atstë.

Éxodo 21:6

Ënet ja wintsën tmënëjkxëty ja tyuunpë jam Dios wintum ets jam tyajmëjwa'kpätëty ma ja tyëjk'aawën ets tyajjujtëty yë tyatsk mëët tu'uk yë xu'uny, jëtu'un wyë'ëmnëty xëmëkyëjxm ma yë'ëjën.

Proverbios 31:23

Yë nyiye'etyëjk aak ixy'ajtëp yë ja'ay jam kajpnjotm, ets näjyëtu'un yë ja'ay mëj'äämpy jyëkyepyë tä mëj'äämpy yajjëkyäptën yë wintsëntëjkëty.

Mateo 5:21

Tëë miits xymyëtoy'atë ko ja m'aptëjk yajnëmaaytyë: ka'ap myajja'ay'ookëty. Pën yaja'ay'o'kp, nëjkxëp nyitukë.

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Deuteronomio 16:17

Pën ënety jam nëjkxp kopkpëky ko tmënëjkxëty ja y'ayajk y'ako'onën, jëtu'un tä ënety ja Wyintsën të kyënu'kxyën ets të nyi''ijxkëtä'äkyën.

Deuteronomio 16:19

Këtii yë tëyajtën xyajma'atëty, këtii yë ja'ay tu'uk xy'oyjyawëtëty ets tu'uk xy'ëxëëk'ixtëty, ko tëyajtën winë xynyipaye'eya'antëty, këtii ja'ay mnätyukwin'ëënëtëty ko yë wit meeny mjamo'oja'anëtëty ets jëtu'unyë ja pyoky xyajninaxtëty. Jä'ä ko jëtu'unpë yajwinma'anytyëkoopy yë wijyjyä'äytyëjk ets ka'ap tii oy t'ëkkajpxnëtë mëti'ipë oy ja jyot wyinma'anyëtyën.

Deuteronomio 17:12

Mëti'ipë ja ja'ay ka'ap kyäjpxymyëtoyën, wiinkjaty winë tuny ets ka'ap tmëjpëjktä'äky ja teety ja y'aaw y'ayuk, mëti'ipë jam myëtuumpyën ja Wintsën ets ka'ap tmëjpëjktä'äky ja yajkutujkpë ja y'aaw y'ayuk, jëtu'unpë ja'ay nëjkxëp y'ooky. Jëtu'un ka'ap yaj'ijxta'akëty ma ja Israel ja nyaax kyajpnën ja mëti'ipë ja ëxëëkpë tyuunpy kyäjpxypën.

Deuteronomio 17:9

ets xytyuk'ëwaanëtëty ja teety, ja Leví ja'ay, ëkë ja kutuunk mëti'ipë ënety jam tuunpën. Yë'ë nyikajpxtëp wi'ix mëpaat ja ja'ay yajtuny mëti'ipë të tyuuntëkoyën,

Deuteronomio 21:2

Yë mëjja'aytyëjkëty ets kutuunktëjkëty nëjkxëp t'ixtë ja o'kpë ets tpaye'eytyëty tiikajpn winkon yajpatp.

Deuteronomio 25:1

Ko nimäjtsk yë ja'ay tsyiptuntëty, nimäjtsk mëpaat jam nyëjkxtë ma ja yajkutujktaknën ets yajnipaye'eytyëty ja pyokyëty ets ja kutuunktëjkëty yë'ë nëjkx nikajpxtë pën ënety pokymyëët ets pën ka'ap.

1 Samuel 8:1

Ko ja Samuel ojts myëjja'ayënë, ënät ojts ja myaank nimäjtskpë tuknipëky ets twinye'eytyëty ja naax kajpn ets ja tsip näjyëtu'un.