Deuteronomio 16:16 - Biblia Dc en Mixe de Quetzaltepec

¹⁶ Tu'kë'ëyë ye'etyëjktëjk tëkëëk'ok jam nyäwya'këxë'ëkëtëty Wintsën wyintum tu'kjëmëjtpë. Jam ma ja it naaxwiinyëtën mëti'ipë ënety yë'ë kë'ëm të twin'ixyën. Jää nëjkx jam nyäwya'këxë'ëkyë ma ënety ja tsajpkääky ka'apë tsyooymyëëtëtyën yajnixëëwtunyën, ma yajnixëëwtunyën ja pëjktä'äky wëxtujk sëmaan ets ma yajnixëëwtunyën ja tëjk nixo'omy. Ni pën tkajëkyepy tninëjkxëty ja Wintsën jëtu'unyë ets ka'ap tii tmënëjkxëty ets tukwintsë'ëkëty.

Biblia Mixe de Quetzaltepec

¹⁶ Tu'kë'ëyë ye'etyëjktëjk tëkëëk'ok jam nyäwya'këxë'ëkëtëty Wintsën wyintum tu'kjëmëjtpë. Jam ma ja it naaxwiinyëtën mëti'ipë ënäty yë'ë kë'ëm të twin'ixyën. Jää nëjkx jam nyäwya'këxë'ëkyë ma ënäty ja tsajpkääky ka'apë tsyooymyëëtëtyën yajnixëëwtunyën, ma yajnixëëwtunyën ja pëjktä'äky wëxtujk sëmaan ets ma yajnixëëwtunyën ja tëjk nixo'omy. Ni pën tkajëkyepy tninëjkxëty ja Wintsën jëtu'unyë ets ka'ap tii tmënëjkxëty ets tukwintsë'ëkëty.

Deuteronomio 16:16 ပူးပေါင်းရင်းမြစ်များ

Salmos 96:8

Wintsë'ëkëtë yë Wintsën ijxtëm pyäätyën, ets tukxoonta'aktë, mëjjawëtë ma jyëën tyëjkën.

Hageo 1:9

Miitsëty may winë xytsyoktë ets wäänë xypyaatë; mëti'ipë jap mtëkoty mjapëjkë'ktëpën, tu'kxejyës je'eyë nyajkëjxta'ay. ¿Wi'ix jëtää ko jyëtu'unëty? Jä'äkyëjxm koos yë njëën ntëjk axit ako'owë yajpaaty, e miitsëty yi'iyë mëmaay mëët'ajtëp wi'ix mjëën mtëjk xyaj'utstëtyën. Ëjts Wintsën, ëjts ënaanp.

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënet tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Éxodo 34:20

Yë'ë mtukunaxëp yë krukts kä'äxkopkpë tu'uk yë kupixyny; e pën kajts ënety xyaka'antë tu'uk ja kupixyny, ja krukts nëjkxëp xyo'ktëjtë. Näyjyëtu'un ko ja m'u'unkëty maayëty më''ëka'any myintëty naaxwiiny, nëjkxëp ja nyi'ayajk nyi'ako'onën xyajkëtë ets ma ëjtsën këtii pën xynyiminëtyës pën ka'ap tii tmëminy.

1 Reyes 9:25

Tëkëëk ok tu'kjëmëjtpë ja Salomón ijty tyäky ja wintsë'kën ma Wintsënën, jëtu'un tuny ja nay'ëëw'oy näykyajpx'oyë ma ja Wintsënën, ja wintsë'kën jam ijty tyäky ma ja Wintsën ja wyintsë'këntyaknën ets tno'oky txämy ja poom. Jëtu'un'äämpy ja tsajptëjk ojts kyoj'apaatë.

Isaías 23:18

E ja wit meeny mëti'ipë ënety të tpaaty të t'ixyën, jä'ä nëjkx ja Wintsën yajtukmëyoxy, ka'ap nëjkx yajpëjkë'ëk; yë'ë yajmo'ojantëp ja ja'ayëty mëti'ipë myëtuuntëpën ja Wintsën ets tukjuytyëty yë kyääky y'uukyëty ets wyit tyujkxyëty.

Marcos 12:3

E yë'ëjëty ojts tmatstë ets tsiiktë, jëtu'unyë tyajwinpijtë ka'ap nitii tmooytyë.

Juan 7:2

E jä'ä ko tyimpatyp ënety ja ujts aaytyëjk xëëw, tu'uk ja xëëw mëti'ipë ja jutiis ja'ayëty xyëëwtuuntëpën,

Éxodo 34:24

Ëjts kë'ëmës ntimy'ixkäjxtaja'any wiinkëtypë naax kajpn mijts mwintuuyëty, jëtu'un'äämpyës yë mnaaxëty mkajpnëty nyajmëjëja'any ets ka'ap tjëkyäpëty wi'ix pën tnajä'äniwa'anëty ja mnaax mkamëty ko ënety mnëjkxtë ma ja Wintsënën mëti'ipë mTios'ajtëpën ets mnäywya'këxë'ëkëtëty jam tëkëëk'ok tu'kjëmëjtpë.

Deuteronomio 16:15

Ma ya'atë xëëwën mëti'ipë tuunëpën jajtëpën, yë Wintsën yë'ë nëjkx xymyëjjaw xyjyääntyjyawëtë ets wëxtujk xëëw y'itëty. Jam nëjkx xynyixëëwtuntë ma ja it naaxwiinyëtën mëti'ipë ënety yë'ë kë'ëm të twin'ixyën. Jëtu'un ja Wintsën mëj'äämpy tkënu'kxëty ja mpëjktä'äkyëty ets ja mëti'ipë mnitu'unëtyëpën ets miits myajpaatëty janty tsuj janty xoontä'äky.

Deuteronomio 16:17

Pën ënety jam nëjkxp kopkpëky ko tmënëjkxëty ja y'ayajk y'ako'onën, jëtu'un tä ënety ja Wyintsën të kyënu'kxyën ets të nyi''ijxkëtä'äkyën.

Deuteronomio 31:11

Jam ma Israel ja'ayëty të nyiye'eypyätën ma ja it naaxwiinyëtën mëti'ipë ja mWintsënëty të twin'ixyën, ënät yajkajpxëty ya'atë ënä'ämën jam mayjyä'äyjyotm.

1 Samuel 1:3

Jëmëjt jëmëjt yë Elcana ijty jam nyijkxy Siló ets ja Dios nëjkx t'ëwtaty ets tmo'oy ja wyintsë'kën. Jam Siló ijty tyuntë nimäjtsk ja myaank ja Elí mëti'ipë teety'ajtëpën: Tu'uk txëëwaty Ofní ets tu'uk Finees.

1 Samuel 6:3

Tä y'ëtsoowtë: Pën myajwinpitantëp jatëkok ja Dios ja kyaaxë mëti'ipë yë Israel ja'ayëty y'ëwtajtën, këtii jëtu'unyë xymyënëjkxtëty. Kwanë ko miitsëty winë xymyo'otëty yë Wintsën mëti'ipë mtukyajjotxäämtëpën. Jëtu'un'äämpy miitsëty mtso'oktëty ets xyjyä'äkyukëtëty wi'ixykyëjxm ko mtëytyunëtë.

2 Crónicas 8:13

jëtu'un tä ënety myinyën ni'ënä'ämë ma ja tëyajtënën mëti'ipë ja Moisés jyääyën: ma pokxn xëëwën: ko ja po'o pyi'k'aty ko tëkëëk'ok xyëëwtuntë winjëmëjtpë, ko ja tsajpkääky tnixëëwtuntën mëti'ipë ka'ap tsyooymyëëtëtyën, ma ja sëmaan tnixëëwtuntën ets ma ja tëjkxo'omy tnixëëwtuntën.

Nehemías 8:15

Ënet tni'ënä'ämëtyë kajpn'apëtsëmy ko wä'än t'ixta'atë ja aay ujts mëjjatyëtypë, tä tëëxyën ets kum'aayën jä'äts ja tyëjk tyuknixo'omtëp ets jap y'itëty ets tuntëty jëtu'un tä jap myinyën kuja'ay ma ja ënä'ämën tëyajtënën.

Salmos 84:7

yë jyot myëjaawëty ni'ikyë kyëjääjëja'any, e jam ma Sión kopkën, jam nëjkx t'ixtë ja Dios mëjpë.

Salmos 122:4

Ma yë'ëjën jam yë Wintsën yë jyä'äy myintë ets tmëjpëjkta'aktë Wintsën yë xyëëw jëtu'un tä ojts tuk'ëne'emyën ja Israel kajpn.

Esdras 3:1

Ko wëxtujk po'o y'apejty ma ja Israel ja'ayëty ënety jatëkok të tpaatën ja nyaax kyajpnëty, ënät tyu'ukmujktaaytyë jam Jerusalén.

Salmos 84:8

Wintsën, mëti'ipë maaytyääyëpën winë, mëti'ipë Tyiosajtën yë Jacob, mëtoow'ijtëkës yë ntsajpkäjpxy.

Isaías 33:20

Ixtë ja Sión kajpn, ma xëmë ja xëëw tyunyë jyätyën; najts'ixëtë jam Jerusalén, jam ma yajpaatyën ja jotkujk'ajtën, mëti'ipë mëkën, mëti'ipë ta'tspëkyën ma ja tsiptuunpëtëjk jyajta'aktën, mëti'ipë ta'tspëky nikupën ets ka'ap nijënu'un nyitejpxy pyoty.

Ezequiel 36:38

Ja naax kajpn mëti'ipë xit ko'ow të y'awinpityën nyaj'utsäämpyës mëët yë mayjyä'äy, jëtu'un yaj'ixa'any tä maykyupixynyën mëti'ipë yajmënëjkxtëpën jam Jerusalén ko xëëw tyunyë ets wyintsë'kën'ata'antë Dios wintum. Täänëm nëjkx tnijawëtë ko ëjts Wintsën.