Deuteronomio 16:12 - Biblia Dc en Mixe de Quetzaltepec

¹² Yë'ë xëmë mkaja'atyëkoytyëp ko ojts jap Egiptë mëtuntë m'ëyowtë. E paatykyëjxm tuntë ijxtëm ya'atë ënä'ämën tyam myajmo'otën.

Biblia Mixe de Quetzaltepec

¹² Yë'ë xëmë mkaja'atyëkoytyëp ko ojts jap Egiptë mëtuntë m'ëyowtë. E paatykyëjxm tuntë ijxtëm ya'atë ënä'ämën tyam myajmo'otën.

Deuteronomio 16:12 ပူးပေါင်းရင်းမြစ်များ

Deuteronomio 15:15

Këtii xyjyä'äytyëkoyëty ko mijts ojts jap Egiptë mmëtuny m'ëyoy ets mWintsën yë'ë ojts jap mjuutyë. E paatykyëjxm tyam mijts ya'atë ënä'ämën nmo'oy.

Efesios 2:11

Jëtu'un miitsëty, mëti'ipë ka'ap jyutiis'atën, ka'apë tsyuky'atën ets mëti'ipë nätyijëtëp ko tsyuky'atë, mëti'ipë tëë yajnatsujk'ëwtitën ja ye'etyëjk'ajtënëty,

Deuteronomio 16:15

Ma ya'atë xëëwën mëti'ipë tuunëpën jajtëpën, yë Wintsën yë'ë nëjkx xymyëjjaw xyjyääntyjyawëtë ets wëxtujk xëëw y'itëty. Jam nëjkx xynyixëëwtuntë ma ja it naaxwiinyëtën mëti'ipë ënety yë'ë kë'ëm të twin'ixyën. Jëtu'un ja Wintsën mëj'äämpy tkënu'kxëty ja mpëjktä'äkyëty ets ja mëti'ipë mnitu'unëtyëpën ets miits myajpaatëty janty tsuj janty xoontä'äky.

Deuteronomio 16:13

Ma ënety të xyajpëtë'kta'atën ja mtsajpmokëty ets të xywyinma'tsta'atën ja m'tsatsym tëëmëty, ënät nëjkx jä'ä xyajtso'onta'aktë ja xëëw ma yajnixëëwtunyën ja tëjk, mëti'ipë nixo'omyën ets jä'ä ja xëëw jyäkëty wëxtujk xëëw.

Deuteronomio 5:15

Ja'amyäts ko näjyëtu'un ojts mijts mmëtuny jap Egiptë ets Dios mëti'ipë mTios'ajtypyën ojts jap mjuutyë mëët yë myëj'ajtën kyutujkën. E paaty tyam yë mWintsën Dios, mtuk'ëne'emyë ko kopkpëky ko xymyëjjawëty yë po'kxënxëëw.