Deuteronomio 15:6 - Biblia Dc en Mixe de Quetzaltepec

⁶ Pën mtuumpy jëtu'un yë mWintsën nëjkxëp mjantykyënu'kxyë tä yë'ë të twinwanën ets nëjkx mëj këjää xymyëët'aty ja wit meeny, nëjkxëp xymyëët'aty mëti'ipë mëpaat xytyuk'ënu'kxyën ja wiink naax wiink kajpn, e mijts nitii xykyanu'kxëty. Nëjkxëp xy'ëne'emy wiinkëtypë naax kajpn, e mijts ni pën mkanätyuk'ënä'ämëtëty.

Biblia Mixe de Quetzaltepec

⁶ Pën mtuumpy jëtu'un yë mWintsën nëjkxëp mjantykyënu'kxyë tä yë'ë të twinwanën ets nëjkx mëj këjää xymyëët'aty ja wit meeny, nëjkxëp xymyëët'aty mëti'ipë mëpaat xytyuk'ënu'kxyën ja wiink naax wiink kajpn, e mijts nitii xykyanu'kxëty. Nëjkxëp xy'ëne'emy wiinkëtypë naax kajpn, e mijts ni pën mkanätyuk'ënä'ämëtëty.

Deuteronomio 15:6 ပူးပေါင်းရင်းမြစ်များ

Lucas 6:35

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Dios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

Proverbios 22:7

Ma ja ëyoopëja'aytyëjkën, ja kumeenyjyä'äy jä'ä jam ënä'ämp; ets ma ja'ayëtyën mëti'ipë nu'kxtëpën, yë'ë jam ënä'ämp ja mëti'ipë yajnu'kxpën.

1 Reyes 4:21

Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

Salmos 37:21

Yë ëxëëk ja'ay je'eyë winë t'amëtoy nu'kxy ets ka'ap t'ëk këpäjnë, yë ja'ay mëti'ipë winma'any jyëkyejpyën pya'ëyoopy yë myëku'uk ets nyayäjkpy winë.

Esdras 4:20

jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

Nehemías 9:27

Paatykyëjxm ojts kyë'ëyajkënë ma ja myëtsipëtyën, mëti'ipë ëxëëk tuunëtën. Ok tja'ijxtë ko ëxëëk jyajnëtë kyëpäjnëtë, tä tpëjktsoowtë ja näpyutëkë ma mijtsën, e mijts mëët tu'uk mëjpa'ëyo'owën, ojts xymyëtoowë jam tsajpjotm ja jyi'iyënëty yaxënëty; ets xytyuknikejxy ja ja'ay mëti'ipë yaj'ëwaatsëpëtsëëmëtën ma ja myëtsiptëjkëtyën.

Salmos 112:5

Ja ja'ay mëti'ipë oyjyä'äyën tyuk'ënu'kxyp ja jyiiky myëku'uk ja wit meeny ets mëtëy tyooky yäky

Salmos 37:26

Oy tyimjëna'ajëty xëmë pya'ëyoy; ets yäjkpy winë nu'kxtsoy; yë y'u'unk y'ëna'k yë'ë tyukmëët'ajtyp yë näkyënu'kxën.

1 Reyes 4:24

Ko jëtu'un winë nyipety, yë'ëkyëjxm ko ja Salomón aakyë'ë ënety y'ënä'ämtääpy tëkokyë ja naax kajpn mëti'ipë jam yajpatëpën matsow xëëw kyëtä'äkyën ma yajtijyën Éufrates, tsyo'ontä'äky jam Tirsá, tyimja'ty jampaat Gaza, aak ojts yë Salomón ya'atë ënä'ämpëtëjk tmëmëtakta'ay ets ko ënety nimay mëët ja näykyajpx'oyë të tuny.

2 Crónicas 9:26

Ja Salomón jä'ä ijty nyikopk'ajtyp tëkokyë ja yajkutujkpëtëjk mëti'ipë yajpatëpën Éufrates, ma ja filistejë ja'ayëtyën ets mapaat ja Egiptë ja'ayëty ja tsyëpa'anëty y'ëwtitën.

Deuteronomio 28:44

Yë'ëjëty nëjkxëp myajnu'kxëtë, e miitsëty ka'ap tii xymyëët'atëty tii myaktëpën nu'kxy. Yë'ëjëty nëjkxëp muum jyëwiin'atë, e miitsëty ix'am nëjkx mwë'ëmtë.

Deuteronomio 15:5

Ënet jëtu'un pën mëmëtoopy ets mtuumpy, ijxtëm yë'ë tni'ënä'ämën, jëtu'un tä tyam të mtukmëtowëtën.

1 Crónicas 17:27

ets mëj këjää ja mëyajtën të xytyuny ko të xykyënu'kxy ëjts ja nkutujktakn, näjyëtu'un maas ja n'u'unk n'okën mëti'ipë yajkutukantëpën ets ko m'ëna'any ko winë xëëw xyaj'ita'any ets xykyuwa'ana'any. Mijts Wintsën mijts kë'ëm të xytyimkënu'kxy ets kënu'kxy xëmë y'itëty.