Deuteronomio 15:14 - Biblia Dc en Mixe de Quetzaltepec

¹⁴ Nëjkxëp xymyooypyë yë jyëyujk ets jyi'kxy pyiky, mëti'ipë kyäyëp y'uukëpën. Jä'ä ntijmëty mpëjkwa'kxëp ja wit meeny ets ja jotkujk'ajtën mëët yë'ë, mëti'ipë ënety ja mWintsën mmooyëpën.

Biblia Mixe de Quetzaltepec

¹⁴ Nëjkxëp xymyooypyë yë jyëyujk ets jyi'kxy pyiky, mëti'ipë kyäyëp y'uukëpën. Jä'ä ntijmëty mpëjkwa'kxëp ja wit meeny ets ja jotkujk'ajtën mëët yë'ë, mëti'ipë ënäty ja mWintsën mmooyëpën.

Deuteronomio 15:14 ပူးပေါင်းရင်းမြစ်များ

1 Corintios 16:2

Wintu'ktominkë xynyikoonpätëty ja putëjkën, jëtu'un xypyukontëty wi'ix ënety tii xypyaatën ets xypyëjkë'ëktëty. Koos nja'tëty, ka'ap jää myukëty ja putëjkën.

Hechos 20:35

Xëmë të ntuk'ijxpëktë ko jëtu'un winë xytyuntëty, ets ja mmëku'uk xypyutëkëtëty mëti'ipë tii yajmëyajtëpën. Ja'amyätstë ja Wintsën Jesús ja y'aaw y'ayuk ko jëtu'un y'ënäny: Wäänë jotkujk mëti'ipë ja ja'ay putëjkëpën ets këtiinëm mëti'ipë yajputëjkëpën.

Proverbios 10:22

Ni'ik tsyowpaaty ko yë Dios kyënu'kxy jyëkyejpy, jä'ä ko ka'ap yajmony yajtuky.

Salmos 68:10

Jam ojts yë mnaax mkajpn tsyëënaaytyaknpëky, e mijts Dios, mëët ko xymyëët'aty yë oyjyot oywyinma'any, tëë xyajkay xyaj'uuky ja ëyoopëja'ay.

Nehemías 8:10

Ets ja Esdras y'ënëmaayëtë: Nëjkx mkaytyë m'uuktë akujk jotkujk, uuktë pëktë mpa'aknëëjëty, wowtë witstë mëti'ipë ka'ap tii të tnipëjktaakën ma jyëën tyëjkën jä'ä tyampë xëëw tëë yajtuknipëjktaakë ets Wintsën tjä'ä'atëty. Këtiimës yë mmontë mtuktë jä'ä ko ja Wintsën ja jyotkujk'ajtën yë'ë nwa'anëm tsoktakn.

Deuteronomio 15:13

Ko jam tsyoonëty ma mjëën mtëjkën, këtii jëtu'unyë xynyajts'ixëty.

Deuteronomio 15:15

Këtii xyjyä'äytyëkoyëty ko mijts ojts jap Egiptë mmëtuny m'ëyoy ets mWintsën yë'ë ojts jap mjuutyë. E paatykyëjxm tyam mijts ya'atë ënä'ämën nmo'oy.

Salmos 112:9

Yajwä'kxyp ja wyit myeeny ma ja ëyoopëja'ayën, ja y'oyjyä'äyajtën xëmë tmëët'aty; mëët ja y'ijxë'ëky kyoowë'ëky.