Deuteronomio 14:29 - Biblia Dc en Mixe de Quetzaltepec

²⁹ Yë'ë mo'otëp yë Leví ja'ayëty, ko ënety mnimin mnija'tëtë. Miits tëë xynyijawëtë, ko yë'ëjëty ka'ap tii nyaax kyamëty jëtu'un tä miitsëtyën; yë'ë nëjkx xymyo'otë yë jaaypyaat jaaypyo'kxyëty, ku'ooky'u'unkëty ets ku'ooky tyo'oxyëty ets jëtu'un näjyëtu'un yajpaatëty ku'uxyë jotkëtä'äky. Yë Wintsën nëjkxëp mkënu'kxëtë ets mjuuky'atëty mëjwiin këjää ko ënety jëtu'un xytyuntë.

Biblia Mixe de Quetzaltepec

²⁹ Yë'ë mo'otëp yë Leví ja'ayëty, ko ënäty mnimin mnija'tëtë. Miits tëë xynyijawëtë, ko yë'ëjëty ka'ap tii nyaax kyamëty jëtu'un tä miitsëtyën; yë'ë nëjkx xymyo'otë yë jaaypyaat jaaypyo'kxyëty, ku'ooky'u'unkëty ets ku'ooky tyo'oxyëty ets jëtu'un näjyëtu'un yajpaatëty ku'uxyë jotkëtä'äky. Yë Wintsën nëjkxëp mkënu'kxëtë ets mjuuky'atëty mëjwiin këjää ko ënäty jëtu'un xytyuntë.

Deuteronomio 14:29 ပူးပေါင်းရင်းမြစ်များ

Deuteronomio 15:10

Mijts mpatëp ets xypyutëkëty yë mjëëky mëku'uk mëti'ipë ëyoop jotëkoopyën. Jä'ä ko yë mWintsën yë'ë y'ixäämpy wi'ix mijts oy winë xytyuny.

Deuteronomio 14:27

Yë Leví ja'ayëty mëti'ipë yajpatëpën ma mnaax mkajpnëtyën, këtii ijxtëkoy ja'atyëkoy xyaj'itëty. Miitsëty wa'ats xynyijawëtë, ko yë'ëjëty ka'ap yë nyaax kyamëty tmëët'atë tä miitsëtyën.

Proverbios 19:17

Ko yë ëyoopëja'ay tii ntuk'ënu'kxmëty, Dios ënety winë yajtuk'ënu'kxp, yë Dios yë'ë nëjkx kë'ëm jëna'a tkujuy ja nu'kxy.

Deuteronomio 16:11

Jëtu'un nëjkx ja Wintsën tu'uk ja myëjxëëw xyaj'apaatëtë jam ma ja it naaxwiinyëtë kë'ëm të twin'ixyën ets ja xyëëw jam yaja'amyätsëty; ko tyaapë xëëw xyaj'apaatëtëty, tam'ajtp ënety ja m'u'unk m'ëna'këty, mëtuunpë, Leví ja'ayëty, jaaypyaat jaaypyo'kxy, ku'ooky'u'unkëty ets ku'ookytyo'oxëty.

Proverbios 11:24

Tää ja'ay mëti'ipë ka'ap tii tpa'ëyoyën ko tii tyäky, ko tii tpaaty mëj këjää t'ëxajë; näy tää ja'ay mëti'ipë wintukën, ko wyintukëty ni'ikyë y'ëyoowtëkë.

Salmos 41:1

Jotkujk yë ja'ay yajpaaty mëti'ipë y'ijxpatypën yë ëyoopëja'ay ets o'ktëypyë yajpaatyën ets tputëkë; yë Wintsën yë'ë yajtso'okanëp ko ënety ëxëëk ja xëëw po'o wyinkony.

Deuteronomio 16:14

Ma tyaapë xëëw tyunyë jyätyën miits xoonta'aktëmës jää mëët yë m'u'unk m'ëna'këty, mëtuunpë mkupëjkpëty ets näjyëtu'un yë Leví ja'ayëty; jaaypyaat jaaypyo'kxyëty, ku'ooky'u'unkëty ets ku'ooktyo'oxy mëti'ipë tsënaay juuky'ajtëpën ma mnaax mkajpnëtyën.

Deuteronomio 12:12

Nëjkxëp tu'uk yë mëj xëëw xyaj'apaatëtë ma ja Wintsën xymyëjjawëtëtyën, mëët ja m'u'unk m'ëna'këty, ja mtuunpëty ets Leví ja'ayëty. Miits wa'ats xynyijawëtë, ko yë'ëjëty ka'ap yë nyaax tmëët'atë.

Santiago 1:27

Ja mëpëjkën oypyë ets wa'atspë Dios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.

Hebreos 13:2

Këtii xyjyä'ätyëkoytyëty ja oyjä'äyajtën; oyjyawëtë mëti'ipë ja'ajtëpën ma ja mjëën mtëjkëtyën; jä'ä ko jëtu'un jënaakën të tuntë, ka'ap tnijawëtë ko tsajpjotmëtë kukäjpxy të tyajjajta'aktë.

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

Lucas 6:35

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Dios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

Deuteronomio 6:11

Ja jëën tëjk ujts yajpaaty mëët winë mëti'ipë oyëtyën; mëti'ipë ka'ap miitsëty të xy'atsëëm'utstën ets mëët ja nëëjut mëti'ipë ka'ap të xytyajtën; näjyëtu'un ja tsatsymkyam, tsajpmokam, mëti'ipë jamën mëj këjää jam yajpaatë, ka'apë myiitsëty xynyijawëtën wi'ix të wyintu'upëkyën. E yë'ëts nëjkx xyjyë'kxtë ets akëtä'äky jotkëtä'äky myajpaatëty.

Deuteronomio 10:9

E paatykyëjxm yë Leví ja'ayëty ka'ap yë nyaax kyamëty të tpëktë ets ka'ap yë kyuma'ayën të yajmo'otë ma ja jyiiky myëku'ukëtyën, jä'ä ko yë Wintsën yë'ë kyuma'ayën'ajtëp, jëtu'un ijxtëm yë Wintsën të tnikäjpxyën.

Salmos 94:6

Yaj'o'k yajtëkooytyëp yë ku'ookpyë to'oxytyëjk jaaypyaat jaaypyo'kxy ets ku'ooky'u'unk ku'ooky'ëna'k.

Isaías 1:17

Jatë wi'ix ja oypyë xytyuntëtyën, ja mëtëypyë jä'ä mtuntëp, putëkëtë mëti'ipë ëxëëk yajtuuntëpën, nipaye'eytyë ja ku'ooky u'unk, pa'ëyow najts'ëyowëtë ja ku'ookpyë to'oxytyëjk.

Deuteronomio 23:21

Ko yë Wintsën tii xytyukwinwanëtëty, këtii nëkoo jeky xyajpo'oxtëty, ëkë m'ëna'antëty ets ka'ap xy'ëkyakanëtë mëti'ipë ënety të xywyaanta'aktën. Jä'ä ko yë Wintsën tsojk ka'ap t'oyjyawëty ets nëjkx mtukpoky'atëtë ko ënaty xykyatuntë mëti'ipë të xywyaanta'aktën.

Deuteronomio 28:8

Yë Wintsën yajkëta'akäämpy jam yë kyënu'kxën, ma ënety xypyëjkë'ëkyën ja mjë'kxy mpëky ets ma winë xytyunyën, jëtu'un nëjkx jotkujk mmëët'atyë ma ja it naaxwiinyëtën mëti'ipë të mmo'oyën.

Salmos 41:2

Yë Wintsën yë'ë kuwa'ananëp ets myo'oja'anyë yë juukyajtën ets jotkujk'ajtën yaa naaxwiiny, ka'ap y'ëxmatsa'anyë ets kya'ajëty jam ma myëtsipën.