Deuteronomio 14:22 - Biblia Dc en Mixe de Quetzaltepec

²² Ko winjëmëjt yë mpëjktä'äky xyajpëtë'ëktëty, nëjkxëp wäänë xypyupëktë mëti'ipë ja Wintsën mo'otëpën.

Biblia Mixe de Quetzaltepec

²² Ko winjëmëjt yë mpëjktä'äky xyajpëtë'ëktëty, nëjkxëp wäänë xypyupëktë mëti'ipë ja Wintsën mo'otëpën.

Deuteronomio 14:22 ပူးပေါင်းရင်းမြစ်များ

Nehemías 10:37

Ojts näjyëtu'un ëëts nkäjpxy'atë ets nmënëjkxa'antës ja jë'kxy pëky mëti'ipë ayakë'ajtp akonë'ajtpën, japë nyipetyën ma ja jëën tëjkën mëti'ipë ja teetyëjk jyä'ä'ajtëpën, tä ja mokwayën, aaytyëëm ujts tëëmën, uukyën, onën ets yajmo'otëty näjyëtu'un ja Leví ja'ayëty ja jyi'kxy pyikyëty ma yajpupëkyën tu'kpëky ja majk pëkpyë mëti'ipë jam kamwinm tu'uwinm yajpëjkp yajtuunpën, jä'äxë jëtu'un ja tëyajtën myiny ko yë'ë patëtëp tjä'ä'atëty tu'kpëky ma ja majkjatypë yajpëjkwä'kxyën.

Deuteronomio 12:17

Ka'ap xykyäyëty ma mnaax mkajpnën ja tu'kpëkpyë yajjëpëkyën ma ja majk pëkpyën, mëti'ipë yë Wintsën mo'ojantëpën, ijxtëm yë tsajpmokën, tsatym nyëë, on, jëyujk tsajpkaa y'u'unk mëtu'ukpë, mëti'ipë ayajk ako'onën'ajtpën ma Wintsën të xytyukwinwanën.

Deuteronomio 12:6

Jam nëjkx yë Wintsën xytyukwintsë'ëkëtë yë jëyujk. Nëjkxëp yë Wintsën jam xymyo'otë yë tu'kpëkpyë yajjëpëkyën ma ja mmajkpëkpyën ets tii ënety miitsëty mo'ojantëpën. Yë'ë nëjkx xykyë'ëmo'otë ja mjëyujk mtsajpkaajëty, mëti'ipë më''ëka'any të myinyën naaxwiiny.

Génesis 28:22

Ya'atë tsaa mëti'ipës yam npëjktäkpyën ijxpäjtën yë'ë, Dios jëna'a tyëjk'atëp ets xëmës nmo'oja'any tu'kpëkyjyäty ja majkpë, mijts Dios koos tii npaatëty n'ixëty, mëti'ipës ënety mijts xymyoopyën xykyäjxpën.

Malaquías 3:10

Mëmintë yë m'ayajk m'ako'onënëty maas yë njëën ntëjkën, ma mpaatëtën xyaktëty tu'kpëky ja majk pëkpyë; jëtu'un jyam'atëty ja ka'ayën ukën maas yë ntsajpjëën mtsajptëjkën. Ëk winma'any'ijxtëkës ets xy'ixtëty pën këtiis yë nëë tuu n'ëkyajtsoony jam tsajpkëjxm ets kënu'kxën kyëta'akëty ma miitsëtyën mëjwiin këjää.

Génesis 47:24

Mëti'ipë tëy mtuntëp, tu'kpëkyjyäty nëjkx xypyupëktëty ma ja mëkoxkjatypyën ets yë'ë ja yajkutujkpë xymyo'otëty, e ja taxkpëkpyë ënety wyi'imyën yë'ë ja mëti'ipë mni'iptëpën ets mëti'ipë mjë'kxtëpën mpëktëpën mëët yë m'u'unk m'ëna'këty ets tu'kë'ëyë jënu'un y'itën ma mjëën mtëjkëtyën.

Génesis 47:26

Jëtu'un ojts yë José tyajwë'ëmy yë ënä'ämën, ko tëkokyë yë naax kajpn kopkpëky ko tmo'otëty yë yajkutujkpë tu'kpëkyäty ma ja mëkoxkjatypyën, jënu'un ënety winë tyaj'it tyajwintëwtën ma ja nyaax kyamëtyën. Ya'atë ënä'ämën kuttujkën je'eyëm tyampaat tpatuntë yë ja'ayëty, yi'iyë yë teetyëjkëty ka'ap nitii ayajk ako'onën tyaktë, jä'ä ko yë nyaaxëty ka'ap ojts tkë'ëyaktë ma yajkutujkpën.

Nehemías 10:38

Ko ënety ja Leví ja'ayëty nëjkx tpëjkmuka'antë mëti'ipë tu'kpëkpyë ma yajpëjkwä'kxyën ja majk pëkpyë tu'uk pyanëjkxëtëty ja teety Aarón y'u'unk y'ok. E ja Leví ja'ayëty tu'kpëky jam tmënëjkxtëty ja majk pëkpyë ma jam tyu'ukmukyën ja jë'kxy pëky jampë ma tsajptëjkën,