Deuteronomio 13:6 - Biblia Dc en Mixe de Quetzaltepec

⁶ Pën yë mëkä'äx, ëkë m'u'unk, ëkë mnëëx, ëkë mto'oxytyëjk mëti'ipë oy mtsojkpy mja'apën, ëkë mjëëky mëku'uk, ni'ikyë mjanty'ënë'ëmxëty ets wiinkpë wintsën xy'ëwtatëty, mëti'ipë miitsëty ets m'ap m'ok ka'ap t'ixy'atën,

Biblia Mixe de Quetzaltepec

⁶ Pën yë mëkä'äx, ëkë m'u'unk, ëkë mnëëx, ëkë mto'oxytyëjk mëti'ipë oy mtsojkpy mja'apën, ëkë mjëëky mëku'uk, ni'ikyë mjanty'ënë'ëmxëty ets wiinkpë wintsën xy'ëwtatëty, mëti'ipë miitsëty ets m'ap m'ok ka'ap t'ixy'atën,

Deuteronomio 13:6 ပူးပေါင်းရင်းမြစ်များ

Génesis 16:5

Ënet ja Sarai t'ënëmaay ja nyiye'etyëjk Abram: Mijts poky mëët'ajtyp koos yë Agar ka'ap xy'ëkmëj'ijxnë. Ëjts mijts kë'ëm të nmo'oy ets xymyëët'atëty ijxtëm jeexyë xytyo'oxytyëjkëtyën. E ko ënät nyäjyawëty u'unk nyëkëjxm'ajtyp, mëj këjxm nyäjya'awënë. Dios ënät ëna'anëp, pën yë poky myëët'ajtyp, pën ëjts ëkë mijts.

2 Samuel 1:26

Ëjts, mëkës nmony ntuky mëët mijts Jonatán mëët ko mëj këjää nmëku'ukjawë. Ko mjuuky'äjty janty tsuj janty'oy mijts xyjyëkyejpyës. Yë mtsojkën mja'awën maas ëjtsën ni'ik yë'ë nyajmëjnaxyës këtiinëm jyëtu'unëty ko tu'uk yë to'oxytyëjk xytsyojkmëty xyjya'awëmëty.

1 Reyes 18:40

Ënet ja Elías y'ënëmaayëtë: Majtsta'atë mëti'ipëjaty myëtuuntëpën yë Baal. Nitu'uk xyjyaakyajkä'äktëty. Tä tjanty myajtstaaytyë ets ja Elías ojts tyajnëjkta'ay jam ma ja wokjot txëëwatyën Quisón jamts tkupujxtaay.

2 Reyes 11:18

Tääts ni'ëmukë nyëjkxtaaytyë ma ja Baal ja tsyajptëjkën ets tjijtë, wa'ats tukjijtëtyääytyë ja wyintsë'këntyakn, xit ko'ow tuuntaaytyë. E ja Matán mëti'ipë teety'ajtpën ma ja Baal ja tsyajptëjkën jämyë tyaj'o'ktë ma ja wintsë'këntyaknën. Ko jëtu'un kyëjxtaay nyajxtaay ënät ja teety ojts jam tyajwë'ëmy ja këwent'ajtpë ma ja Wintsën ja tsyajptëjkën;

2 Crónicas 15:13

Ojts tkäjpxy'atë ma Wintsënën: pën ka'ap tmëj'ixy ja Wintsën, mëti'ipë ja Israel ja'ayëty y'ëwtajtëpën, mëjpë mutskpë, ye'etyëjkpë to'oxytyëjkpë, kopkpëky ko y'ookëty.

2 Crónicas 23:17

Tääts nyëjkxtaaytyë ma ja Baal ja nyitsajptëjkën ets ja wintsë'këntyakn tkujijnajxtë, wa'ats tukpu'ujëtyääytyë, piw nuuk tuuntaaytyë. Ja teety mëti'ipë nyiteety'äjtypyën ja Baal jämyë tyo'kpujxtë ma ja Baal ja wyintsë'këntyaknën.

Job 31:27

je'eyëp ko ka'apës nijëna'a të n'ëwtaty ame'tsyë, ka'apës yë nkë'ë të nastijë ma yë'ëjën etsës të ntsu'kxy.

Éxodo 13:3

Ënet ja Moisés t'ënëmaay ja nyaax kyajpn: Mja'amyätstëp jëtu'un xëmë ya'atë xëëw, ma Wintsën ojts mjuutëtën, mëët yë myëk'ajtën mëjpë këjääpë jap Egiptë ma ënety je'eyë mëtuntën m'ëyowtën. Ko ya'atë jëtu'unpë ja xëëw po'o tpaatëty winjëmëjt, ka'ap mëpaat xykyäytyë ja tsajpkääky mëti'ipë tsooymyëëtën.

Éxodo 32:27

Ënet ja Moisés ojts y'ënë'ëmxëtë: Jëtu'un y'ënä'äny yë Wintsën, mëti'ipë yë Israel ja'ayëty Tyios'ajtëpën: Kajpë'ëktë yë mpujxnëty nitu'ukjaty ets mnëjkxtëty jam ma ijtakn yajmëët'atyën ets mtëkëtëty winjëën wintëjk xyaj'ooktëty tu'ukjaty ja ja'ay ma ja ijtaknën, oy yë'ëjëty yë m'ajtyëty, m'utyëty, mjëëkyëty mëku'ukëty ëkë mëtëjkëty.

Proverbios 18:24

Jëna'ajëty yë näy'oyjyawë pojën kyixy nyäxy, e tää jëëky mëku'uk mëti'ipë ni'ik tsojkpën këtiinëm tu'uk mëkä'äx.

Proverbios 5:20

¿U'unk maay, wi'ix ko wiink to'oxytyëjk mnätyukyajkujo'opëtëty, wi'ix ko wiink to'oxytyëjk mmatsëtëty mënänëtëty?

Jeremias 28:15

Ënet ja Jeremías t'ënëmaay ja Hananías: Ëkmëtoow'it yajxon mijts Hananías. Mijts ka'ap Wyintsënëty të mkexyë, paaty yë naax kajpn wiinkjaty të xy'ënëëmë ets nëkoo je'eyë xyajjotkujk'aty.

Jeremias 28:16

Paaty yë Wintsën y'ënä'äny: Oy nkäxëty naaxwiiny, je'eyëp ko tu'ukyë nyajtëkoyä'äny. Ya'atë jëmëjt m'ooka'any, jä'ä ko je'eyë naax kajpn të xy'akajpxë etsës xymyëtsiptsoontëty.

Jeremias 44:3

mëët ko pyokytyuuntë, ojtsës xyajjoot'anpëktë ko t'ëwtajtë wiink tios ets tukwinjojktë ja poom ja tios ka'apë ojts mteety m'ap t'ëwtatën.

Zacarías 13:3

paaty ko ënety pën kyäjpxynyaxa'any ets tukajpxpätëty yë Dios, yë'ë nëjkx kë'ëm tyeety tyaak y'ënë'ëmxëty: Mijts m'ookëp ënät, jä'ä ko mwin'ëënaanp je'eyë ko m'ëna'any ko yë Dios yë y'aaw y'ayuk xynyikajpxanëyë. Kë'ëm nëjkx ja tyeety tyaak tyukmoxmëtijëty ja tëypyujxn ko ënety nyäyajnaxyë käjpxynyajxpë.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Gálatas 2:4

E jam ja ja'ayëty ënety jënaakën mëti'ipë nätyijëtëpën ko myëpëktë, jä'ä ënety të tyëkëtë ayu'utsy ma ëëtsëtyën ets t'ixa'antë wi'ix tii yajtunyën ko nyajpatëmë ëwaatsëtum ma ja Kristë yajmëpëkyën; yë'ë tsyojktëp ets atsip ëëts npatuntëty jatëkok ja Moisés ja y'ënä'ämën.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

Deuteronomio 11:32

Yë'ë mkuuytyuntëp xëmë ya'atë ënä'ämën tëyajtën ets ya'atë aaw ayuk mëti'ipë tyam të ntuk'ëwaanëtën ets të ntuknijawëtën.

Deuteronomio 13:2

Ets jyänty y'atëwëty mëti'ipë ënety të tnikäjpxyën ets y'ëna'anëty: Mintë, tsojk n'ëwtajtëm yë wiinkpë tios, mëti'ipë miits ka'ap xy'ixy'atën, tsojk nmëjja'aw njaantyjya'awëmë yë'ë.

Deuteronomio 13:7

tä yë Wintsëntëjkëty yë nyaax kyajpnëtyën mëti'ipë mëwinkon'ajtëpën, ëkë mëti'ipë jëkämën ets mëti'ipë yajpatpën wiink naax wiink kajpn,

Deuteronomio 17:12

Mëti'ipë ja ja'ay ka'ap kyäjpxymyëtoyën, wiinkjaty winë tuny ets ka'ap tmëjpëjktä'äky ja teety ja y'aaw y'ayuk, mëti'ipë jam myëtuumpyën ja Wintsën ets ka'ap tmëjpëjktä'äky ja yajkutujkpë ja y'aaw y'ayuk, jëtu'unpë ja'ay nëjkxëp y'ooky. Jëtu'un ka'ap yaj'ijxta'akëty ma ja Israel ja nyaax kyajpnën ja mëti'ipë ja ëxëëkpë tyuunpy kyäjpxypën.

Deuteronomio 18:20

E ja käjpxynyajxpë mëti'ipë kë'ëmwinma'any kajpxp mëtyakpën mëët nxëëwkyëjxmës ets tnikajpx tnimëtya'akëty mëti'ipës ka'ap të ntuk'ëne'emyën ets wiink tios tnikajpx tnimëtya'akëty, tääpë ja'ay nëjkxëp y'ooky tyëkoy.

Deuteronomio 19:19

ja ja'ay mëti'ipë ënety ja myëku'uk nëkoo nyiwaanpejtypyën, jëtu'un nëjkx yajtëytyuny, tä ënety yë'ë të jya'ëna'anyën ets jeexyë ja myëku'uk yajtëytyuny. Ko nëjkx jëtu'un xytyuntë yë'ë ënety mka'ijxtaktëp ja ëxëëktu'un ëxëëkajpxën ma miitsëtyën.

Deuteronomio 21:21

Ënet nëjkx ja kunaax kukajpn tkuka'atstë ya'atë jëtu'unpë ja yä'äy'ëna'k. Jëtu'un'äämpy ka'ap yaj'ijxta'akëty ja ëxëëkajtën ma ja naax kajpnën, e ko ja Israel ja'ayëty nijawëtëty, myëët'atëp ja tsë'ëkë.

Deuteronomio 22:21

Yajpëtsëmtëp jap ma ja tyeety ja tyëjkën ets tkuka'atstëty. Mëët ko ënety jëtu'unpë ja nëë poky tmëtëkë ma ja Israel kajpnën ets ko nëkoo ja tyeety tyaak tyajnipäxëtëkë. Ko jëtu'un ja pyoky tkumëtowëty, jëtu'un ënety kyayaj'ijxtä'äky ja ëxëëktu'un ëxëëkajpxën ma miitsëtyën.

Deuteronomio 24:7

Ko tu'uk yë Israel ja'ay yajnijawëty ko tëë myëku'uk tkukä'ptuta'ay ets tyaj'awinpita'any ëyoopë mëtuunpë, ëkë tooka'any; tääpë ja'ay mëti'ipë ënety ja myëku'uk jëtu'un të tunyën, kopkpëky ko nëjkx tku'ookë jëtu'unpë ja tuuntëko'oyën. Jëtu'un'äämpy ka'ap yaj'ijxta'akëty ja nëë poky ma miitsëtyën.

Deuteronomio 28:54

Oy ënety tu'uk ja ja'ay janty tëtä'äky jyä'äy'äty ets janty oyjyä'äy, ko ja yuu xëëw y'itëty ëxëëk nëjkx ja myëkä'äx t'ijxnë ets ja y'u'unk tyo'oxytyëjk, y'u'unk y'ëna'k mëti'ipë ënety mëk të tsokyën.

Deuteronomio 29:18

Ma miitsëtyën, ni pën tka'ëxmatsëty yë nyë'ë'aaw tyu'u'aaw yë nWintsën'ajtëm Dios ets tpanëjkxtëkëty ja wiink tios, mëti'ipë tääpë yë naax kajpn y'ëwtajtëpën. Ka'ap mëpaat yajpaaty ma miitsëtyën yë ja'ay mëti'ipë yë Wintsën jëtu'un jyawëpën tä yë ujts mëti'ipë ta'amën.

Deuteronomio 8:14

këtii mëj këjxm mnäjya'awënëtëty ets xyjyä'äytyëkooynyëtëty ja Wintsën mëti'ipë jap Egiptë mju'tëtën, ma ënety m'ëyowtën mëtuntën.

Colosenses 2:4

Paaty miits ya'atë ntuk'ëwaanëtë ets ka'ap pën mwin'ëënëtëty mëët ja aaw ayuk mëti'ipë oy tsuj je'eyë yajmëtoopën.

Josue 7:13

Pëtë'ëk ets yajtu'ukmuk yë naax kajpn. Ënëëmë wä'än tnäynyipëjktaakëtë etsës jopy xywyinkuwa'akëtëty, ëjts ënaanp, yë Wintsën mëti'ipë Tios'ajtpën ma Israel ja'ayëtyën: Mijts Israel kajpn, tëë xytyony ja mëti'ipë të yajtuknipëjktaakën kyutëkoyëty. Pën kä'äpyëm xyajkutëkoy ja mëti'ipë të xytyonyën ets xyajjëwä'äky ma mijtsën, ka'ap tjëkyepy xywyinkuwa'akëty yë mëtsip.

2 Pedro 2:1

Ijtë näjyëtu'un ja ja'ayëty tëëyëp mëti'ipë nätyijëtën ko ja Dios kyäjpxynyajxpë'atëtë ma ja Israel ja'ayëtyën, tää tyam yaa jëtu'unpë ja'ayëty ma miitsëtyën. Yë'ë ja'ay tyuk'ijxpëkantëp ja jot winma'any mëti'ipë yajtëkoopyën, ets t'ixtijtëty ja Wintsën mëti'ipë të yajtso'okëtën; ko jëtu'un y'ëtë'ëtstë, ënätyë ëyo'on tpaata'antë.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Apocalipsis 13:14

Jëtu'un'äämpy ja ja'ay twin'ëëny twinxajy ko ja myëk'ajtën tyaj'ixyë. Tääts twin'ë'ëny ja naaxwiinyëtë ja'ay ets t'ënëmaay ets t'oytyuntëty tu'uk ja awinax ijxtëm ja mëjëwyiinpë ja mëj jëyujkën mëti'ipë ka'ap të y'ookyën, oy të jyayajpuxy.

Apocalipsis 20:3

Tää tkujëpijpëy ëyoowtaknjoty ets tku'ëkëëy ets ja y'akë'ë tpëjktakëy ja nyi''ijxwë'ëmën, jëtu'unts ka'ap t'ëkwin'ë'ënëty ja naaxwiinyëtë ja'ay koonëm tu'uk mil jëmëjt nyaxëty. Ënätnëm yajnajtsmatsëty jayiin jawään.

Jueces 10:6

E yë Israel ja'ayëty ojts jatëkok t'ëxmatstë ja Wintsën ja nyë'ë'aaw tyu'u'aaw, jä'ä ojts tpanëjkxtëkëtë ja Baal ets ja Astarté, ka'apë tyiosëtyën mëti'ipë yë Siria ja'ayëty y'ëwtajtëpën; näjyëtu'un yë Sidónja'ayëty, Moab ja'ayëty, Amón ja'ayëty ets filistejë ja'ayëty. Yë Israel ja'ayëty ojts t'ëxmajtsnëtë Wintsën ets ka'ap ojts t'ëkmëjja'awënëtë.

Jueces 2:13

Ojts t'ëxmajtsnëtë ja Wintsën mëët ko ja wiink tios ojts tpanëjkxtëjkënyëtë tä ja tiosën mëti'ipë tyijtëpën Baal ets ja Astarté.

Jueces 20:13

Yë'ëjës yam ntsojktëp ets xykyë'ëyaktëty tääpë yajja'ay'o'kpëty mëti'ipë ëxëëk ja jyot wyinma'anyëtyën, jampë tsyëënëtën Guibeá. Wä'än näjyëtu'un timy'ooktë ets wya'atsëty ja kajpn ma ja pokyën mëti'ipë të tsëëmë'ëktën. E ja Benjamín ja'ayëty ka'ap ojts ninu'un timy tyuntë këwentë ja myëku'uktëjkëty oy jëtu'un jya'ënantë.

Jueces 5:8

Ka'ap ojts tyëkoy'äty ja ja'ay mëti'ipë wyinkoxtënaayën ja wiink tios, ma ënety ja tsip jam tyunyën kajpnpë'am ma kajpn yajnitëkën, je'eyëp ko ka'ap yaj'ijxy ja y'akëëytyuk ets ja ku'umën, yi'iyë këxë'ktëp ja Israel ja'ayëty ja niwëxtyikxy milpë.

1 Samuel 18:1

Ko yë David myëtyaktaay mëët yë Saúl, yë Jonatán janty'oy ojts tmëku'ukjawë David, jëtu'un ojts timy tsyoky timjyawë tä kë'ëm nyätsyokyën.

1 Samuel 18:3

Yë Jonatán mëët yë David ojts tkäjpxy'atë ko xëmë nyäy'oyjyawëja'anëtë, jä'ä ko yë Jonatán janty'oy ojts tmëku'ukjawë ets t'oyja'awëy yë David, jëtu'un tä kë'ëm nyäjyawëtyën.

1 Samuel 20:17

E ja Jonatán mëj këjää ënety t'oyjyawë ja David, paaty ojts jatëkok tnikäjpxy mëët yë Dios yë xyëëw ko tmëku'ukjawë ja David, jä'ä ko mëk ënety tsoky tjawë.