Deuteronomio 13:5 - Biblia Dc en Mixe de Quetzaltepec

⁵ Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënety tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënety mëtun m'ëyowtën ets ka'ap myajmëjuytyë. Jëtu'un ënety ka'ap xy'ijxta'aktë ja ëxëëkajtën ma miitsëtyën.

Biblia Mixe de Quetzaltepec

⁵ Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënäty tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënäty mëtun m'ëyowtën ets ka'ap myajmëjuytyë. Jëtu'un ënäty ka'ap xy'ijxta'aktë ja ëxëëkajtën ma miitsëtyën.

Deuteronomio 13:5 ပူးပေါင်းရင်းမြစ်များ

1 Corintios 5:13

E miitsëty mpaat'ajtëtëp xypyaye'eytyëty mëti'ipë mëpëjktëpën, yajpëtsëmtë ya'atë pokyjyä'äy mëti'ipë jap ma miitsëtyën.

Deuteronomio 18:20

E ja käjpxynyajxpë mëti'ipë kë'ëmwinma'any kajpxp mëtyakpën mëët nxëëwkyëjxmës ets tnikajpx tnimëtya'akëty mëti'ipës ka'ap të ntuk'ëne'emyën ets wiink tios tnikajpx tnimëtya'akëty, tääpë ja'ay nëjkxëp y'ooky tyëkoy.

Jeremias 14:15

E ëjts Wintsën, jëtu'unës nyikäjpxy yë käjpxynyajxpëtëjkëty mëti'ipë ënantëpën koos nxëëwkyëjxm winë tnimëtya'aktë ets ka'apës wi'ix n'ënëëmëtë, mëti'ipë ënantëpën ko ka'ap yuu xëëw y'ita'any ets ka'ap tsip y'ita'any ma ya'atë naax kajpnën, tääpë käjpxynyajxpëtëjkëty yuu ets tsip nëjkx yaj'ookëtë.

Deuteronomio 24:7

Ko tu'uk yë Israel ja'ay yajnijawëty ko tëë myëku'uk tkukä'ptuta'ay ets tyaj'awinpita'any ëyoopë mëtuunpë, ëkë tooka'any; tääpë ja'ay mëti'ipë ënety ja myëku'uk jëtu'un të tunyën, kopkpëky ko nëjkx tku'ookë jëtu'unpë ja tuuntëko'oyën. Jëtu'un'äämpy ka'ap yaj'ijxta'akëty ja nëë poky ma miitsëtyën.

Deuteronomio 22:21

Yajpëtsëmtëp jap ma ja tyeety ja tyëjkën ets tkuka'atstëty. Mëët ko ënety jëtu'unpë ja nëë poky tmëtëkë ma ja Israel kajpnën ets ko nëkoo ja tyeety tyaak tyajnipäxëtëkë. Ko jëtu'un ja pyoky tkumëtowëty, jëtu'un ënety kyayaj'ijxtä'äky ja ëxëëktu'un ëxëëkajpxën ma miitsëtyën.

Deuteronomio 19:19

ja ja'ay mëti'ipë ënety ja myëku'uk nëkoo nyiwaanpejtypyën, jëtu'un nëjkx yajtëytyuny, tä ënety yë'ë të jya'ëna'anyën ets jeexyë ja myëku'uk yajtëytyuny. Ko nëjkx jëtu'un xytyuntë yë'ë ënety mka'ijxtaktëp ja ëxëëktu'un ëxëëkajpxën ma miitsëtyën.

Deuteronomio 17:7

Mëti'ipë ënety ja myëku'uk të tnikajpxtën, yë'ë ëka'any xajjë'ëkëp ets oknëm ja mayjyä'äyëty. Jëtu'un'äämpy ka'ap jyam'atëty ja ëxëëktu'un ëxëëkajpxën ma miitsëtyën.

Deuteronomio 13:10

Kuka'ats, mëët ko ënety të mjatukjëjpwoowtu'uta'anyë ja mWintsën ja nyëë'aaw tyu'u'aaw, mëti'ipë jap myajpëtsëëmën Egiptë ma ënety mëk myajtëytyunyën.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Hechos 13:8

Tääts ja patooy panajxpë, Elimas, jëtu'un griego ayuk yajtijy, ojts t'akajpxë ja yajkutujkpë ets ka'ap tmëpëkëty mëti'ipë ja Bernabé ets ja Saulo nyimëtyaktëpën.

Zacarías 13:3

paaty ko ënety pën kyäjpxynyaxa'any ets tukajpxpätëty yë Dios, yë'ë nëjkx kë'ëm tyeety tyaak y'ënë'ëmxëty: Mijts m'ookëp ënät, jä'ä ko mwin'ëënaanp je'eyë ko m'ëna'any ko yë Dios yë y'aaw y'ayuk xynyikajpxanëyë. Kë'ëm nëjkx ja tyeety tyaak tyukmoxmëtijëty ja tëypyujxn ko ënety nyäyajnaxyë käjpxynyajxpë.

Jeremias 50:6

Yë nnaaxës nkajpnës jëtu'un ënety yajpaatë tä maykyupixynyën mëti'ipë të tyu'utëkoytyën, mëti'ipë ka'ap këwent'ajtpë oy të kyëwent'atëtën ets të ye'eywya'kxta'atë jam ujtsjotm. Ko jyatsoontë ma jam yajpaatën, wiinktsow nyëjkxtë ets ka'ap jya'të ma y'ijtaknëtyën.

1 Reyes 18:40

Ënet ja Elías y'ënëmaayëtë: Majtsta'atë mëti'ipëjaty myëtuuntëpën yë Baal. Nitu'uk xyjyaakyajkä'äktëty. Tä tjanty myajtstaaytyë ets ja Elías ojts tyajnëjkta'ay jam ma ja wokjot txëëwatyën Quisón jamts tkupujxtaay.

Deuteronomio 22:24

nimäjtsk nëjkx jam yajwoownëjkxtë ma ja kutuunktëjkën ets nëjkx nikajpxtë pën o'ktëp tyaapë ja'ayëty nimäjtskpë. Ja to'oxytyëjk nëjkxëp y'ooky mëët ko ka'ap ja putëjkën të t'amëtoy ets kajpntum të jyayajpaaty. Ets ja ye'etyëjk nëjkxëp y'ooky, mëët ko ja myëye'etyëjk ka'ap të tmëj'ixy, nimäjtsk kuka'atsy nëjkx y'ooktë. Jëtu'un ka'ap ja ëxëëktu'un ëxëëkajpxën xy'ijxta'aktëty ma ja Israel kajpnën.

Deuteronomio 7:4

Jä'ä ko tsojk nëjkx yajtu'utëkoyëtë ko jyëtu'un'atëty ets nëjkx yë Wintsën xy'ëxmajtsnëtë ets xypyanëjkxtëjkënëtëty ja wiink tios mëti'ipë ka'ap myëtëyëtyën. Ënet nëjkx ja Dios xyajjoot'anpëktë ets myajkutëkoyëtëty tu'k'ijxmi'kxyë.

Deuteronomio 4:19

Ets ko näjyëtu'un mpa'at'ixtëty tsajpkëjxm ets xy'ixtëty yë xëëw po'o, ëkë matsa'a, këtii m'ëna'antëty ets ënät yë'ë xy'ëwtatantëpëty. Jä'ä ko yë Wintsën mëti'ipë miits mTiosajtëpën, yë'ë ojts yajkojëtë ets tëkokyë ja ye'etyëjk tuk'oy'atëty.

Deuteronomio 13:9

Ti tëy mtunëp ni'ikyëmës jaakyaj'ook. Mijts ëka'any mxajjë'ëkëp ets ok ja naax kajpn xyajjë'ëktëty.

Deuteronomio 13:15

Nëjkxëp xykyupujxta'atë, mëti'ipë ënety jëtu'unpë ja winma'any pyanëjkxtëjkëtyëpën, tu'kë'ëyë mëët yë jyëyujk tsyajpkaajëty ets tëkokyë mëti'ipë myëët'ajtëpën ma ja nyaax kyajpnëtyën, wa'ats xyajkutëkooytyääyëtëty.

Deuteronomio 17:5

Jam nëjkx ja ja'ay xywyoownëjkxtë ma kutuunkën, mëti'ipë jam yajpatpën ma ja kajpnën ma ja ja'ay tsyëënën, mëti'ipë ënety ja jëtu'unpë të tuuntëkoyën ets nëjkx yajkuka'atsy.

Jueces 20:13

Yë'ëjës yam ntsojktëp ets xykyë'ëyaktëty tääpë yajja'ay'o'kpëty mëti'ipë ëxëëk ja jyot wyinma'anyëtyën, jampë tsyëënëtën Guibeá. Wä'än näjyëtu'un timy'ooktë ets wya'atsëty ja kajpn ma ja pokyën mëti'ipë të tsëëmë'ëktën. E ja Benjamín ja'ayëty ka'ap ojts ninu'un timy tyuntë këwentë ja myëku'uktëjkëty oy jëtu'un jya'ënantë.

Jeremias 29:32

ëjts mëti'ipë Wintsën'ajtpën, jëtu'unës n'ëna'any: Ntëytyunäämpyës yë Semaías mëët tëkokyë yë y'u'unk y'ok, yë'ë ka'ap tmëët'ata'any yë y'u'unk y'ok ma naax kajpnën mëti'ipë nëjkx jotkujk jyuuky'atën, jä'ä ko wiinkjaty t'ënëmaay yë naax kajpn etsës xymyëtsiptso'ontë. Ëjts Wintsën, ëjts ënaanp.

Deuteronomio 6:13

Yë Wintsën yë'ë m'ëwtatëp ets mëtuntëp xëmë ets ko tii xynyikajpxa'antëty mëët yë kuttujkën, yë Dios yë xyëëw myajtuunëtëp.

Deuteronomio 26:14

Ma ënety pën të y'ookyën ets je'eyë ja monyëtukyë y'ity ets pën näjya'awëyëpës, ko tëëjës ja ëxëëkpë xypyääty ja pëjktä'äky ka'apës nëkoo të ntony. Ets ni o'kpë të nkatukwintsë'ëkës. E paaty yam n'ënëëmë mijts Wintsën, ko tëë nmëmëtoy ets tëëjës ntuny tääjës mijts të xytyuk'ëne'emyën.

Josue 23:8

Yë Wintsën jëtu'un xëmë mka'ëxmatstëp jëtu'un tä tyampaat xytyuntën.

1 Samuel 12:14

Tyam miits ënät mpatëtëp pën mëjjawëjantëp yë Wintsën ets pën m'ëwtatantëp yë'ë, miits mnija'awëtyëp pën nkäjpxymyëtowantëp ets pën mpatunantëp yë y'ënä'ämën tyiyajtën ets mjuuky'atëty jëtu'un tä yë'ë tsokyën, jëtu'un'äämpyts jotkujk myajpaatëty.

1 Reyes 13:19

ja käjpxynyajxpë mëti'ipë jam tso'onpën Judá ojts pyanëjkxyë ets mëët kyääy y'uky ma tyëjkën.

2 Crónicas 34:31

Ënet ja yajkutujkpë wya'akë'ky jam ma ja potsy'ëjxën ets y'ënäny ko tpatuna'any ja Wintsën ja y'ënä'ämën kyutujkën ets ko winë aaw winëjot tmëmëtowa'any ja Wintsën ja y'ënä'ämën tyiyajtën, y'aaw y'ayuk ets y'ëëwtë'ëw kyajpxtë'ëwën, mëti'ipë jap miinpën kuja'ay ma ja nokyën.

Jeremias 7:23

Mëti'ipës tëy ojts ntuk'ënä'ämtën, yë'ë etsës xymyëmëtowtëty; jëtu'unës ëjts nTyios'atëty ma yë'ëjëtyën ets yë'ë kyajpn'atëty maas ëjtsën. Ets n'ënëmaaytyës oy winë tuntëty tkajpxtëty jëtu'un tääjës të ntuk'ënä'ämtën, tääts oy winë wyimpëtsë'ëm jyëjpëtsë'ëmxëtëty.