Deuteronomio 13:13 - Biblia Dc en Mixe de Quetzaltepec

¹³ ka'apë yë Wintsën tmëmëtowtën. Je'eyë nëkoo oypyënëty twin'ëën twinxajtë ets tukjëjpye'eytyu'uta'antë yë mWintsën Tiosëty yë nyëë'aaw tyu'u'aaw, ma tuk'ëwtata'antën ka'apë wyintsënëtyën.

Biblia Mixe de Quetzaltepec

¹³ ka'apë yë Wintsën tmëmëtowtën. Je'eyë nëkoo oypyënëty twin'ëën twinxajtë ets tukjëjpye'eytyu'uta'antë yë mWintsën Tiosëty yë nyëë'aaw tyu'u'aaw, ma tuk'ëwtata'antën ka'apë wyintsënëtyën.

Deuteronomio 13:13 ပူးပေါင်းရင်းမြစ်များ

2 Samuel 16:7

ja Simí ëxëëkjaty tjanty ënëëmë ets tpojky; tyaa y'ënä'äny: Nëjkx mijts ka'oypyë, ëxëëk ja'ay, yaja'ay'o'kpë.

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

2 Samuel 23:6

E yë'ë tëy yë ëxëëkja'aytyëjk, jëtu'un nëjkx jyatë tä ja'ay äpny t'ixpëkyën, ka'ap myëëtëty yë kë'ë yajmatsy.

1 Reyes 21:10

Tääts näjyëtu'un xymyëjwowtëty mäjtsk yë ja'ay mëti'ipë win'ëënëpën ets tpokynyitijtëty yë Nabot, jëtu'un y'ëna'anëty ko wiinkjaty yë Wintsën të tijy ets nän wiinkjaty yë yajkutujkpë të tnikäjpxy. Tääts ënät ok xyajpëtsëmtëty ets xykyuka'atstëty.

1 Reyes 21:13

Tä myiintë nimäjtsk ja ja'ayëty mëti'ipë win'ëënantëpën ets tpokynyitija'antë ja Nabot, tukmëtoowtë ja mayjyä'äy; ko ja Nabot ëxëëkjaty ënety ja Wintsën të tijy ets näjyëtu'un ja yajkutujkpë. Ënätyë tju'të ja Nabot jam ma ja mayjyä'äyën ets jam kajpnpë'am ojts tyajnëjkxtë, jam tkuka'tstë.

2 Reyes 17:21

Ojts ja David ja kyutujkën yajpëjkë ma ja y'u'unk y'ëna'kën ets jä'ä nikajpxpäjtë ja Jeroboam yajkutukëty, yë Nadab, yë myaank, mëti'ipë yajpokytyunëtën.

2 Crónicas 13:7

Ënet ojts ja mayjyä'äy pyuwa'akëty mëti'ipë nuuxëtyën ka'apë tyuna'antën ets ëxëëk ja'ayëty, mëti'ipë ojts timy'ënä'ämtën ja Roboam, Salomón yë myaank, mëët ko ënety myutsknëmëty ets ko ënety wyintse'knyëmëty. Jëtu'un ojts ka'ap myääyë ja Roboam tjëjpkuwa'akëty amëk jotmëk.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

2 Corintios 6:15

Ka'ap tjëkyepy yë Kristë nyëmyäyëtëty mëët yë mëjku'u, ëkë yë mëpëjkpë mëët mëti'ipë ka'ap myëpëkyën.

Deuteronomio 13:12

Ko muum xynyijawë'atëty ma naax kajpnën mëti'ipë ja Wintsën ënety të mo'ojëtën, ja'ay pyëtsëmtëty ëkë yajnijawëtëty,

Deuteronomio 13:14

Ko jëtu'un xymyëtoy'atëty, yajxon nëjkx xynyipaye'eytyë. E pën janty tëy ko tam jëtu'unpë ja'ayëty jyëtitë, mëti'ipë je'eyë nëkoo ja jot winma'any yajtëkoyäämpyën ets wa'ats yajnijawë, ko yë Wintsën y'ëxëëk'ijxyp yë jëtu'unpë.

Deuteronomio 13:2

Ets jyänty y'atëwëty mëti'ipë ënety të tnikäjpxyën ets y'ëna'anëty: Mintë, tsojk n'ëwtajtëm yë wiinkpë tios, mëti'ipë miits ka'ap xy'ixy'atën, tsojk nmëjja'aw njaantyjya'awëmë yë'ë.

Deuteronomio 13:6

Pën yë mëkä'äx, ëkë m'u'unk, ëkë mnëëx, ëkë mto'oxytyëjk mëti'ipë oy mtsojkpy mja'apën, ëkë mjëëky mëku'uk, ni'ikyë mjanty'ënë'ëmxëty ets wiinkpë wintsën xy'ëwtatëty, mëti'ipë miitsëty ets m'ap m'ok ka'ap t'ixy'atën,

Deuteronomio 17:4

Ko ja jëtu'unpë xymyëtoy'atëty, yajxon mëpaat xynyipaye'eytyë. E pën janty tëy ko tëë ja jëtu'unpë yajtuny yajkäjpxy ma ja Israel ja'ay ja nyaax kyajpnën mëti'ipë ka'ap yë Wintsën t'oyjyawën.

Deuteronomio 4:19

Ets ko näjyëtu'un mpa'at'ixtëty tsajpkëjxm ets xy'ixtëty yë xëëw po'o, ëkë matsa'a, këtii m'ëna'antëty ets ënät yë'ë xy'ëwtatantëpëty. Jä'ä ko yë Wintsën mëti'ipë miits mTiosajtëpën, yë'ë ojts yajkojëtë ets tëkokyë ja ye'etyëjk tuk'oy'atëty.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.

1 Juan 3:10

Nikëxë'kp ja ja'ay mëti'ipë ja Dios u'unk'ajtëpën ets mëti'ipë ja mëjku'u u'unk'ajtëpën. Pën ja oypyë kyatuumpyën ëkë ka'ap ja myëku'uk ttsoky tjawë, ka'ap ja Dios y'u'unk'atyë.

Judas 1:19

Je'eyë tyajnäwya'kxa'anëtë ja mëpëjkpëtëjk, yi'iyë tyunantëp ja ëxëëkajtën, ka'ap ja Kënu'kxymyëkajtën tmëët'atë.

Jueces 19:22

Jää ma ënety jap jotkujk yajpaatën, jää ojts myintë yë ja'ayëty jampë kyukajpn'atën ets tyajnatujktë ja tëjk, tää t'ënëmaaytyë ja mëjja'ay mëti'ipë kutëjk'ajtpën: Juut tääpë ye'etyëjkëty mëti'ipë të xyaja'ajtä'äkyën. Wä'änës mëët t'ëko'knëtë.

Jueces 20:13

Yë'ëjës yam ntsojktëp ets xykyë'ëyaktëty tääpë yajja'ay'o'kpëty mëti'ipë ëxëëk ja jyot wyinma'anyëtyën, jampë tsyëënëtën Guibeá. Wä'än näjyëtu'un timy'ooktë ets wya'atsëty ja kajpn ma ja pokyën mëti'ipë të tsëëmë'ëktën. E ja Benjamín ja'ayëty ka'ap ojts ninu'un timy tyuntë këwentë ja myëku'uktëjkëty oy jëtu'un jya'ënantë.

1 Samuel 10:27

E jëtu'un ijxtëm xëmë jyäty kyëpetyën ka'ap ma ja ja'ay tyëkoy'äty mëti'ipë je'eyë wyiin y'aaw myëtitypyën ets mëti'ipë ënantën: ¿Tääpë jëtää ënät xy'ëkyajtsokmëpë? je'eyë ojts nëëxi'ik tukxi'iktë ets ka'ap tyajnikëxë'ktë ja winkutsë'kën ma yë'ëjën; e ja Saúl ka'ap timmyëjpëjktäky oy ja ja'ayëty wi'ix y'ëna'antë.

1 Samuel 2:12

Yë Eli y'u'unk y'ëna'k ëxëëk ijty jyä'äy'atë. Nijä'ä tkatuntë këwentë ma ja Wintsën ja tyuunk yajtuna'anyën,

1 Samuel 25:17

E mijts wintaj wa'ats xynyijawë ko yë mniye'etyëjk ka'ap win'oy a'oy xy'ëtsoy. Paaty tyam, mijts ënät mëmay mëtaj tii mtunëpën, jä'ä ko pën ka'ap tii xytyuny yë nwintsënës Nabal kopkpëky ko ëxëëk jyata'any kyëpäta'any ets näjyëtu'un yë y'u'unk tyo'oxytyëjk.

1 Samuel 25:25

Mpëjtsoyës ets këtii nëkoo xyjyä'äymyätsëty ja nyëë pyoky ja Nabal, jä'ä ko yë'ë mëj këjxm nyätyijyë nyäyajnaxa'anyë, je'eyë oypyënëty twin'ëtsoy tjëjp'ëtsoy. E ëjts kajtsës ënety jam ko ja mtuunpë jam jya'ojtstë.