Deuteronomio 12:5 - Biblia Dc en Mixe de Quetzaltepec

⁵ Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Biblia Mixe de Quetzaltepec

⁵ Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Deuteronomio 12:5 ပူးပေါင်းရင်းမြစ်များ

Deuteronomio 12:11

Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Deuteronomio 26:2

Ja aaytyëëm ujtstëëm, ëkë ja aaypyajk ujtspajk mëti'ipë ënety ëka'any myajpëtë'kpyën, yë'ë mwin'ixëp yë oyëtypë tsujëtypë ets jap xy'apëkëty ma tu'uk yë katsyën, tääts xymyënëjkxëty jam ma ja it naaxwiinyëtën, mëti'ipë yë mWintsën ënety kë'ëm të twin'ixyën, ko jam yë xyëëw yaj'ëwtatëty yaja'amyätsëty.

2 Crónicas 7:12

ënät ja Wintsën koots nyänyikëxë'kë ma yë'ëjën ets y'ënëmaayë: Tëës nmëtoy mjëëytyak mnu'kxtakën, e tëëtsës nwin'ixy ko yaa ma ya'atë itjotmën yaa ja nwintsë'kënës yajyakëty.

Deuteronomio 16:2

Ma ja ëmaayxyëëwën yë'ë nëjkx yë Dios xytyukwintsë'ëkëtë yë kupixyny ets tsajpkaato'oxy, jam nëjkx xymyënëjkxtë ma ja it naaxwiinyëtën mëti'ipë ënety yë'ë të twin'ixyën ets jam ja xyëëw yaja'amyätsëty.

1 Reyes 8:29

Ni''ijxkëta'ak ya'atë tsajptëjk xëëny koots ma të xynyikäjpxyën ko jap myajpata'any. Mëtoow'it ja jëëytyak nu'kxtakën mëti'ipë ya'atë mtuunpë yam yajnajxypyën.

Salmos 78:68

pën tëy ojts twin'ixy, ja Judá ja y'u'unk y'ëna'k ets ja Sión kopk mëti'ipë oy tsyojkpy jya'apën.

Deuteronomio 12:13

Miitsëty yë'ë mnijawëtëp, ko këtii oy namaa yë jëyujk'ooky xynyino'oktëty mëti'ipë yë Wintsën ntukwintsë'ëkëtyëpën.

Colosenses 2:9

Ja'ayën ja Kristë ojts y'awinpity ets yaj'ixëty ja Dios ma yë'ëjën,

1 Reyes 8:27

Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

1 Reyes 8:20

E jëtu'unts tyam yaj'ixy ko tëëjën ja Wintsën ja y'aaw y'ayuk tjanty tyukniwä'äky. Jëtu'un tä yë'ë y'ënänyën, tëëjës ja nteety njantykyutëkë koos ja kuttujkën ëjts të njëjpwa'akë ma ja Israel ja'ayëtyën ets tëëjës yam tu'uk ja tsyajptëjk njanty kyojë.

1 Reyes 8:16

maju'unëmës yë nnaax nkajpn njuutyën jap Egiptë, kamaajës tu'uk ja naaxwiinyëtë nkawin'ixynyëm ma ja Israel ja'ayëty tnitänëtën ets jam tu'uk ja tsajptëjk kyojëty, maas ja nxëëw yajja'amyätsëtyën. E yë'ëts yë David, ojtsës yë nwin'ixy ets yë'ë nnaax nkajpnës t'ënä'ämëty.

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.

1 Crónicas 22:1

Paaty y'ënäny yë David: Yaa jëtu'un y'itëty yë Dios ja tsyajptëjk mëti'ipë Wintsën'ajtpën ets ja wintsë'këntyakn ma ja Israel ja'ayëty tyaktëty ja jyëyujk'ooky nino'okpyë.

1 Reyes 14:21

Yë Roboam, yë myaank yë Salomón, jam yajkutujky Judá. Wëxtyikxy tu'uk ënety yë jyëmëjt ko tyëjkëy yajkutujkpë, majkmokx mäjtsk jëmëjt ojts tyuny jam Jerusalén kajpnën, ja kajpn mëti'ipë ja Wintsën kë'ëm wyin'ijxën ets jam y'ita'any tsyënëja'any. Yë Roboam tyaak jä'ä ijty xyëëwajtyp Naamá, Amón ja'ay.

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënety të tjajä'äpëjkta'atë,

Éxodo 25:22

E jam ëëtsajtëm näpyatëmëty, jam këjxm ma ja kaaxëni'kxën ma ja tsajpjotmëtë kukäjpxy këxkojy y'itën, jam ntuknijawëty tëkokyë ja ënä'ämën tëyajtën mëti'ipës ja Israel ja'ayëty ntuknikäjxtëpën.

Josue 9:27

Yë'ë ojts tuknipëky ets tuunk'atëty yë nija'axk, nëëkoonk nëëwijtsk ets tyuntëty maa ja naax kajpnën ets ma ja wintsë'këntyaknën jam ma ënety ja Wintsën të twin'ixyën. Tyampaat yë Gabaón ja'ayëty yë'ë jëtu'unpë tyuunk'ajtëp.

Éxodo 15:2

Ëjts nwin'ëëpy nwinyäxypyës yë Wintsën, jä'ä ko yë'ëjës xymyëkmoopy xymyëjaawmoopy ets yë'ëjës xyajnitsokp. Yë'ëjës nTios'ajtyp paatyës nwin'ëy nwinya'axy. Yë'ë näjyëtu'un yë nteetyës ojts tTios'aty, paatyës nmëjjaw nkënu'kxyjawë.

Apocalipsis 14:1

Ets n'ijxyës mëti'ipë yajtijpën Kupixynyën U'unk, jam tyänë ma Sión kopkën. Mëët nimëko'px ja wëxtyikxy majktaxk mil ja ja'ay mëti'ipë ja Dios Teety xyëëw ets mëti'ipë Kupixynyën U'unk xyëëw myëët'ajtëtëpën wyimpokëjxm.

Éxodo 20:24

Paaty yam n'ënëëmëtë ets xy'oytyuntëty tu'uk yë wintsë'këntyakn, yë naax mtukpotstëp ets jamts xymyo'otëtyës yë mjëyujk mtsajpkaajëty ets xynyino'oktëty, jëtu'un'äämpy ntu'unmëty ja nay'ëëw'oy näykyajpx'oyë. Ëjts minaanpës ma miitsëtyën ets nkënu'kxa'antë, oy jëtu'un tyimmaa'atëty maas ënety ntsokyën etsës ja nxëëw mëj jaanty y'itëty.

Deuteronomio 12:4

Jä'ä ko yë Wintsën mëti'ipë Tios'ajtpën, ka'ap jyëtu'unëty yaj'ëwtaty.

Deuteronomio 12:18

Ko tyaapë xyjyë'kxa'antëty ma mWintsën Tiosëtyën ets xyajtuna'antëty mëti'ipës yam nikäjpxypën, jam mëpaat xyjyë'kxtë ma ënety yë Wintsën të twin'ixyën ja it naaxwiinyëtë, mëët ja m'u'unk m'ëna'këty ets ja Leví ja'ayëty. Jëtu'un xytyukxon xytyuk'itëty, mëti'ipë ënety të xynyitunën.

Deuteronomio 14:23

Mëti'ipë ënety mpupëjktëpën oy yë'ëjëty yë tsajpmok, tsatym nyëë, ëkë on; ëkë wä'än yë'ëjëty ja më''ëka'anypë myinyën naaxwiiny, ejxtëm ja mjëyujk mtsajpkaajëtyën, mtsajppaxëty, ëkë mkupixynyëty, jam nëjkx xytsyu'utstë xyjyë'kxtë jam wyintum ma ja mWintsënëtyën, ma ja it naaxwiinyëtën mëti'ipë ënety yë'ë kë'ëm të twin'ixyën ets jam yaj'ëwtat yajmëjjawëty. Jëtu'un'äämpy xytyukjatëty wi'ix mëpaat ja Wintsën xëmë xywyinkutsë'ëkëtën.

Deuteronomio 14:24

Pën yë Dios mkënu'kxëtëp ënety mëët yë mpëjktä'äkyëty ets xyjyayaka'antëty ma tu'kpëky yajëpëkyën ja majk pëkpyë, e jëkäm ja it naaxwiinyëtë yajpaaty mëti'ipë të twin'ixyën ma yajmëjjawëtyën.

Deuteronomio 15:20

Tääpë jëyujk të yajnimëtya'aktën winë jëmëjt nëjkx xytsyu'utstë mëët ja m'u'unk mto'oxytyëjk jam ma mWintsënën, ma ja it naaxwiinyëtën mëti'ipë ënety yë'ë kë'ëm të twin'ixyën.

Deuteronomio 16:6

Jämyë xyaktëty ma ja it naaxwiinyëtën, mëti'ipë ënety yë'ë kë'ëm të twin'ixyën ets ja xyëëw jam yajmëjjawëty; yë wintsë'kën jënäkyxyëëw mëpaat yë Wintsën mëti'ipë mTiosajtëpën xymyo'otë, ma ja xëëw tyimtun'akëtaknën, jä'ä ko jä'ä xëëw jap mtso'ontë Egiptë.

Deuteronomio 17:8

Pën tsip oy ja nëë poky mëti'ipë yajnipaye'eyaanpën, ijxtëm ko pën ja myëku'uk tyaj'ooky, ëkë mëët të tsyiptuny, ko ënety pën të nyäyajtsëtyutyë, ëkë pën wi'ix të nyätyunyë jam kajpntum; jam mnëjkxtëty poj'am ma ja Wintsën ja y'it nyaaxwiinyëtën mëti'ipë të twin'ixyën,

Deuteronomio 31:11

Jam ma Israel ja'ayëty të nyiye'eypyätën ma ja it naaxwiinyëtën mëti'ipë ja mWintsënëty të twin'ixyën, ënät yajkajpxëty ya'atë ënä'ämën jam mayjyä'äyjyotm.

Josue 22:11

Ko ja wiinkëtypë ja Israel ja'ayëty tnija'awëtyë ko yë Rubén, Gad ets nikujkwä'kxy ja Manasés ja jyä'äyëty tëë tyajpëtë'ëktë tu'uk ja wintsë'këntyakn jam ma mëët nyäpyaatëtën ja Canaán it, winkon ma ja Jordán mëjnëëjën, ma ja Israel ja'ayëty ënety tnitënaaynyëtën.

Esdras 3:2

Ja Josué, Josadac yë myaank ets ja myëku'uktëjk ninu'un tyeety'atën, näjyëtu'un yë Zorobabel, Salatiel yë myaank ets ja jyiiky myëku'uk. Ojts tyajtso'onta'aktë ja tuunk ma tkojë'ëktën ja Wintsën ja wyintsë'këntyakn, ma tyaktëtyën ja wintsë'kën nino'okpyë, tä jap myinyën këxja'ay ma ja ënä'ämën tëyajtënën mëti'ipë ja Moisés yajkën, Dios yë tyuunpë.

Esdras 6:12

Ja Wintsën mëti'ipë wyin'ijxën ja Jerusalén kajpn ets yë'ë tjä'ä'ata'any, nëjkxëp tyajkutëkoy ja naax kajpn mëti'ipë ënety ëxëëk tunanëpën ets mëti'ipë yajjotkëjxëpën ma ja tsajptëjk jam Jerusalén tuunk'atën. Ëjts Darío, mëti'ipë yajkutujkpën, jëtu'unës ya'atë ja ënä'ämën mpëjktä'äky. Yajpatunëp jëtu'un tääjës yam nikäjpxyën.

Esdras 7:17

Yë'ës mtukjuyëp ja tsajpkaa ets ja tsajpkaa ëna'k, ets tsajppax ets ja kupixyny, mëët ja nyi'ujts pajk tä yë tsajpmokën ets nëëjën, mëti'ipë mtukwintsë'ëkëtëpën ja Wintsën, jam ma wintsë'këntyaknën mëti'ipë jap tsajptëkoty yajpatpën jam Jerusalén.

Jeremias 7:14

Paatykyëjxm, näjyëtu'un tä ntuunyën ja Siloé tsajptëjk, jëtu'unës ntuna'any ya'atë tsajptëjk mëti'ipës të nyajtuknipëjktaakën, miits ojts njamo'otë ets m'ap m'okëty, mëti'ipë miitsëty mtuk'ijxpäjtëpën.

Jeremias 26:2

ets t'ënëmaay: Jam mwa'ak'oyëty tsajptëjk'ëkë'ëm, jam xynyikajpxta'ajëty tu'kë'ëyë ja aaw ayuk mëti'ipë të ntukmëmëtyä'äkyën, wä'än ja ja'ay tmëtowtë mëti'ipë tso'ontëpën Judá, mëti'ipë miintëpën ma tsajptëjkën. Nitii xykyaninaxëty wa'ats xynyikajpxta'ajëty.

Deuteronomio 16:7

Ja tsu'utsy mëti'ipë të wyintsë'kën'atyën, jëyëjp xyajkë'ëwtëty ets xytsyu'utstëty, ma ja it naaxwiinyëtën mëti'ipë ënety ja Wintsën mëti'ipë mTiosajtëpën kë'ëm të twin'ixyën, tääts komjëpom mnëjkxnëtëty ma mtëjkëtyën.

Deuteronomio 16:11

Jëtu'un nëjkx ja Wintsën tu'uk ja myëjxëëw xyaj'apaatëtë jam ma ja it naaxwiinyëtë kë'ëm të twin'ixyën ets ja xyëëw jam yaja'amyätsëty; ko tyaapë xëëw xyaj'apaatëtëty, tam'ajtp ënety ja m'u'unk m'ëna'këty, mëtuunpë, Leví ja'ayëty, jaaypyaat jaaypyo'kxy, ku'ooky'u'unkëty ets ku'ookytyo'oxëty.

Deuteronomio 16:15

Ma ya'atë xëëwën mëti'ipë tuunëpën jajtëpën, yë Wintsën yë'ë nëjkx xymyëjjaw xyjyääntyjyawëtë ets wëxtujk xëëw y'itëty. Jam nëjkx xynyixëëwtuntë ma ja it naaxwiinyëtën mëti'ipë ënety yë'ë kë'ëm të twin'ixyën. Jëtu'un ja Wintsën mëj'äämpy tkënu'kxëty ja mpëjktä'äkyëty ets ja mëti'ipë mnitu'unëtyëpën ets miits myajpaatëty janty tsuj janty xoontä'äky.

Deuteronomio 18:6

Ko tu'uk yë Leví ja'ay nyëjkxa'anëty ma ja it naaxwiinyëtën mëti'ipë ënety ja Wintsën të twin'ixyën, oymyaakajpnëty tsyoonëty,

1 Reyes 12:27

pën ya'atë ja'ayëty nëjkxtaaytyëp jam Jerusalén ets tyaktëty jam yë wintsë'kën tsajptëkotm ma Wintsënën. Nëjkxëp jatëkok tmë'oypyëktë ja Roboam, mëti'ipë jam yajkutujkpën Judá, etsës nëjkx xy'ëkyaj'o'knëtë tääts ja Roboam yë'ë tpanëjkxtëty, mëti'ipë jam yajkutujkpën Judá.

2 Reyes 18:22

E pën m'ënantëp miitsëty: yë Wintsën mëti'ipë ëëts nTios'ajtëpën yë'ëjës ntuk'ijxpäjtëp, ¿këtii yë'ëjëty yë Ezequías ja Wintsën ja tsyajptëjk ets ja wyintsë'këntyakn ojts tjijtë'ktaayë ets t'ënëmaay ja naax kajpn ko jämyë mëpaat yë Wintsën yaj'ëwtaty ma ja wintsë'këntyaknën jam Jerusalénkë?

Nehemías 1:9

e ojts näjyëtu'un xynyikäjpxy pën ëëts jootwinpijtëpës ets mpatuuntëpës ja m'ënä'äm mtëyajtën ets oy ëëts axit ako'owë ënety nyajpaatë, koos mpatuntëty ja m'ënä'ämën mtëyajtën, mijts jamës nëjkx xyajtsoontë ets xyajmintës jatëkok ma ja kënu'kxypyën ja naax kajpn ma mijts xywyin'ijxyën ets jam ja mxëëw y'itëty ets yaja'amyatsëty.

Jeremias 7:12

Nëjkxtë jam Siló, maas yë ntsajptëjkën mëti'ipës ëka'any nwin'ijxën ets jam ntsëënëja'anyës, ixtë wi'ixës ntuunyën mëët ko ja Israel ja'ayëty ojts xymyëtëkoytyës.