Tyam ets jëtu'un tyu'uye'eyä'äny, yë Wintsën jëtu'un txijt yu'kxa'any yë Israel kajpn tä aay kepy xyijtyu'kxyën ko yë mëj nëëkom jyënäky. Nëjkxëp tkë'ëtsë'ëky ma ya'atë naax kamën oypyë tsujpë ets tyajwojpkëtaka'any jëkäm, tyimninaxëp ja mëjnëë mëti'ipë yajtijpën Éufrates, mëët ko të tyajnikojtutpë ja Astarté ka'apë Wyintsënëtyën, ka'apë mëpaat yaj'ëwtatyën, mëti'ipë mëët ja naax kajpn mëj këjää të tyajpokytyunyën mëti'ipë ja Wintsën të tukyajjoot'anpëktën.
Deuteronomio 12:3 - Biblia Dc en Mixe de Quetzaltepec3 Mjijtë'ktaayëtëp yë pyotsyëty ma ja wintsë'kën tyaktën, piw nuuk tuunta'atë yë tsaa ets nino'oktë yë kepy tsyetsy ets yajkutëkooytya'atë tëkokyë mëti'ipë y'ëwtajtëpën. Nitii xykyayajwë'ëmtëty mëti'ipë y'ëwtajtëpën ets jëtu'un ka'ap nijëna'a y'ëkyajja'amyäjtsnëtëty. အခန်းကိုကြည့်ပါ။Biblia Mixe de Quetzaltepec3 Mjijtë'ktaayëtëp yë pyotsyëty ma ja wintsë'kën tyaktën, piw nuuk tuunta'atë yë tsaa ets nino'oktë yë kepy tsyetsy ets yajkutëkooytya'atë tëkokyë mëti'ipë y'ëwtajtëpën. Nitii xykyayajwë'ëmtëty mëti'ipë y'ëwtajtëpën ets jëtu'un ka'ap nijëna'a y'ëkyajja'amyäjtsnëtëty. အခန်းကိုကြည့်ပါ။ |
Deuteronomio 12:3
25 ပူးပေါင်းရင်းမြစ်များ
Tääts ni'ëmukë nyëjkxtaaytyë ma ja Baal ja tsyajptëjkën ets tjijtë, wa'ats tukjijtëtyääytyë ja wyintsë'këntyakn, xit ko'ow tuuntaaytyë. E ja Matán mëti'ipë teety'ajtpën ma ja Baal ja tsyajptëjkën jämyë tyaj'o'ktë ma ja wintsë'këntyaknën. Ko jëtu'un kyëjxtaay nyajxtaay ënät ja teety ojts jam tyajwë'ëmy ja këwent'ajtpë ma ja Wintsën ja tsyajptëjkën;
Ojts tjijta'ay ja tëjk ma ja awinax y'itën, tyukpu'ujëtyääy ja tsaa mëti'ipë ënety tyijtëpën kënu'kxy, jëtu'unyë tpu'utaktaay ja Aserá ja y'awinax ets ja tsa'any mëti'ipë aak pujxnën mëti'ipë ënety ja Moisés të tyajkojyën; wa'ats tyajma'taay, yë'ë ijty yë Israel ja'ayëty wyino'k wyinxaamtëp mëët yë poom, jä'ä tijtë Nehustán.
Ojts tyajjëwa'kta'ay ja wintsë'këntyakn, awinax ets ja tsajptëjk ma ja'ay ijty t'ëwtatën ka'apë Wyintsënëtyën; ojts tjijtë'kta'ay ja tsajptëjk mëti'ipë yajpatëpën tunkëjxm kopkkëjxm, piw nuuk tuuntaay ja tsaa mëti'ipë nipiiwpety yaj'ijtëpën, ja kënu'kxypyë tijtën; jëtu'unyë tpu'utaay tkë'tstaay ja Aserá awinax.
Ko kyijxy nyäjxy ja xëëw, ja Israel ja'ayëty ojts nyëjkxta'atë kajpntum ets tjijtë'ktaaytyë ja potsy ets ja tsaa mëti'ipë ënety ja ja'ay tyijtëpën ko myëj'ajtënmëëtëty ets tukjijtëtyääytyë ja Aserá y'awinax ets tëkokyë mëti'ipë ënety wiink yaj'ijxpën, jëtu'un ja mëti'ipë jam yajpatpën ma Efraín ja kyajpnën ets ma ja Manasés ja kyajpnën. Kom'oknëm ja Israel ja'ayëty nyëjkxtaaytyë ma jyëën tyëjkëtyën.
Ma tyuktujk jëmëjtpetyën, ma Josías tyëkën yajkutujkpë, jää yë Josías ojts ëka'any yë Wintsën t'ixta'ay, mëti'ipë y'ëwtajtën yë y'aptëjk. E ma majkmäjtsk jyëmëjpetyën jää tjëpëjktaay ja Aserá y'awinax ets ja nyitsajptëjk ja ka'apë Wyintsënëtyën ets mëti'ipëjaty ënety oytyunyën mëët yë pujxn, jampë yajpaatyën Judá ets Jerusalén,
Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.
ကြော်ငြာတွေ