Deuteronomio 12:18 - Biblia Dc en Mixe de Quetzaltepec

¹⁸ Ko tyaapë xyjyë'kxa'antëty ma mWintsën Tiosëtyën ets xyajtuna'antëty mëti'ipës yam nikäjpxypën, jam mëpaat xyjyë'kxtë ma ënety yë Wintsën të twin'ixyën ja it naaxwiinyëtë, mëët ja m'u'unk m'ëna'këty ets ja Leví ja'ayëty. Jëtu'un xytyukxon xytyuk'itëty, mëti'ipë ënety të xynyitunën.

Biblia Mixe de Quetzaltepec

¹⁸ Ko tyaapë xyjyë'kxa'antëty ma mWintsën Tiosëtyën ets xyajtuna'antëty mëti'ipës yam nikäjpxypën, jam mëpaat xyjyë'kxtë ma ënäty yë Wintsën të twin'ixyën ja it naaxwiinyëtë, mëët ja m'u'unk m'ëna'këty ets ja Leví ja'ayëty. Jëtu'un xytyukxon xytyuk'itëty, mëti'ipë ënäty të xynyitunën.

Deuteronomio 12:18 ပူးပေါင်းရင်းမြစ်များ

Deuteronomio 12:7

Jam mkaytyëty m'uuktëty ma ja mWintsën Tiosën ets mëët ja m'u'unk m'ëna'këty ets ja mjëëky mëku'ukëty, nëjkxëp xytyukxon xytyuk'itë ja mjë'kxy mpëkyëty mëti'ipë ënety të y'ity të wyintëyën ets ja mWintsën të tkënu'kxyën.

Deuteronomio 14:23

Mëti'ipë ënety mpupëjktëpën oy yë'ëjëty yë tsajpmok, tsatym nyëë, ëkë on; ëkë wä'än yë'ëjëty ja më''ëka'anypë myinyën naaxwiiny, ejxtëm ja mjëyujk mtsajpkaajëtyën, mtsajppaxëty, ëkë mkupixynyëty, jam nëjkx xytsyu'utstë xyjyë'kxtë jam wyintum ma ja mWintsënëtyën, ma ja it naaxwiinyëtën mëti'ipë ënety yë'ë kë'ëm të twin'ixyën ets jam yaj'ëwtat yajmëjjawëty. Jëtu'un'äämpy xytyukjatëty wi'ix mëpaat ja Wintsën xëmë xywyinkutsë'ëkëtën.

Deuteronomio 12:5

Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Dios yajtukmëjjawëtyën.

Hechos 16:34

Tää ja Pablo ets ja Silas wyoowëtë ja pujxntëjk këwent'ajtpë ma tyëjkën kääpyë ukpë. Janty jotkujk nyäjya'awëyë mëët ja jyä'äy ko ënety tëë ja Dios tmëpëktë.

Hechos 2:46

Jëpom jëpom ijty nyiye'eypyätë ma ja tsajptëjkën ets ma ja tyëjkëtyën ets ja tsajpkääky tujkwa'kxtë ets ijty xoontä'äky kyäytyë y'uuktë yujy tëtä'äky.

Isaías 12:3

Näyjyëtu'un miitsëty xoontä'äky nëjkx m'uuktë mpëktë ma ja nitsokën yajpaatyën jëtu'un tä nëë muum nyaaxwinpëtsëmyën,

Proverbios 3:17

Ko yë'ë mpanëjkxmëty janty'oy wyimpëtsëmy jyëjpëtsëmy. Ets ko jam njuuky'ajtmëty ma jëtu'unpë ja në'ë aaw tu'u'aawën janty akujk jotkujk nyajpatmëty.

Salmos 68:3

E ja'ayëty mëti'ipë oy yë jyot wyinma'anyëtyën, akujk jotkujk nyäyjyawëtë; xoontakp jam yajpaatë Dios wintum, ets y'ätstë xyoonta'aktë mëët ja jotkujk'ajtën.

Salmos 32:11

Xoonta'aktë jam ma Wintsënën, miitsëty naaxwiinyëtë ja'ayëty ninu'un oy mja'ay'atën ets ninu'un winë mëtëy xytyuntën. Xoonta'aktë ets tukyaax tukjokëtë ko jotkujk myajpaatë.

Deuteronomio 15:20

Tääpë jëyujk të yajnimëtya'aktën winë jëmëjt nëjkx xytsyu'utstë mëët ja m'u'unk mto'oxytyëjk jam ma mWintsënën, ma ja it naaxwiinyëtën mëti'ipë ënety yë'ë kë'ëm të twin'ixyën.

Deuteronomio 12:19

Ma jam myajpaatën naaxjotm kajpnjotm nijëna'a xykyaja'atyëkoytyëty yë Leví ja'ayëty.

1 Samuel 1:4

Ko ja Elcana ijty tyäky ja wyintsë'kën, pyupëjkpy ja tsu'utsy mëti'ipë myoopyën ja Peniná ets ja y'u'unk y'ëna'k.

Eclesiastés 3:12

Ëjts nija'apës ko yë naaxwiinyëtë ja'ay yi'iyë tsyojkpy wi'ix tukxoonta'akëtyën yë jyuukyajtën,

Eclesiastés 5:18

Yi'iyës ëjts oy njaak'ijxyp ko ja'ay kyäy y'uuky ets ko tukxoontä'äky mëti'ipë jam pëtsëëmpën ma kyam tyu'ujën mëti'ipë të tnitunën naaxwiiny naaxkëjxy ma yaa wäänë jyuuky'ajtkojyën mëti'ipë Dios xymyo'oyëmën, jä'ä ko jëtu'unyë jëtu'un mëpaat njak winma'anypyätëmë.

Deuteronomio 12:14

Ko tii yë Wintsën xytyukwintsë'ëkëja'antëty, jam xymyo'otëty ma ënety yë'ë kë'ëm të twin'ixyën. Jam nëjkx xytyuntë tëkokyë ya'atë mëti'ipë yam të ntuk'ëwaanëtën.