Deuteronomio 12:11 - Biblia Dc en Mixe de Quetzaltepec

¹¹ Ja it naaxwiinyëtën mëti'ipë ënety ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Biblia Mixe de Quetzaltepec

¹¹ Ja it naaxwiinyëtën mëti'ipë ënäty ja Wintsën të twin'ixyën ets jam yajpaata'any, nëjkxëp ja wyintsë'kën xymyo'otë mëti'ipës yam të nikäjpxyën. Nëjkxëp xytyukwintsë'ëkëtë ja jëyujk mëti'ipë myaj'ooktëpën ets xynyino'oktëty. Nëjkxëp näjyëtu'un xymyo'otë yë ayajk ako'onën ets tu'kpëkpyë yajëpëkyën ma ja majk pëkpyën ets ayajk ako'onën mëti'ipë të xytyukwinwanëtën ets xymyo'oja'antë.

Deuteronomio 12:11 ပူးပေါင်းရင်းမြစ်များ

1 Reyes 12:27

pën ya'atë ja'ayëty nëjkxtaaytyëp jam Jerusalén ets tyaktëty jam yë wintsë'kën tsajptëkotm ma Wintsënën. Nëjkxëp jatëkok tmë'oypyëktë ja Roboam, mëti'ipë jam yajkutujkpën Judá, etsës nëjkx xy'ëkyaj'o'knëtë tääts ja Roboam yë'ë tpanëjkxtëty, mëti'ipë jam yajkutujkpën Judá.

1 Reyes 8:13

E tyam tëëjës tu'uk ja mtsajptëjk nkojyës, ma mtsëënëtyën xëmë.

1 Reyes 8:16

maju'unëmës yë nnaax nkajpn njuutyën jap Egiptë, kamaajës tu'uk ja naaxwiinyëtë nkawin'ixynyëm ma ja Israel ja'ayëty tnitänëtën ets jam tu'uk ja tsajptëjk kyojëty, maas ja nxëëw yajja'amyätsëtyën. E yë'ëts yë David, ojtsës yë nwin'ixy ets yë'ë nnaax nkajpnës t'ënä'ämëty.

1 Reyes 8:29

Ni''ijxkëta'ak ya'atë tsajptëjk xëëny koots ma të xynyikäjpxyën ko jap myajpata'any. Mëtoow'it ja jëëytyak nu'kxtakën mëti'ipë ya'atë mtuunpë yam yajnajxypyën.

2 Reyes 18:22

E pën m'ënantëp miitsëty: yë Wintsën mëti'ipë ëëts nTios'ajtëpën yë'ëjës ntuk'ijxpäjtëp, ¿këtii yë'ëjëty yë Ezequías ja Wintsën ja tsyajptëjk ets ja wyintsë'këntyakn ojts tjijtë'ktaayë ets t'ënëmaay ja naax kajpn ko jämyë mëpaat yë Wintsën yaj'ëwtaty ma ja wintsë'këntyaknën jam Jerusalénkë?

1 Crónicas 22:1

Paaty y'ënäny yë David: Yaa jëtu'un y'itëty yë Dios ja tsyajptëjk mëti'ipë Wintsën'ajtpën ets ja wintsë'këntyakn ma ja Israel ja'ayëty tyaktëty ja jyëyujk'ooky nino'okpyë.

2 Crónicas 6:20

Këtii xy'ëxmatsëty ya'atë mjëën mtëjk xëëny koots, ma të m'ëna'anyën ko m'ita'any jap xëmë. Mëtoow'it ya'atë jëëytyak nu'kxtakën mëti'ipë ya'atë mtuunpë yam yajnajxypyën.

2 Crónicas 7:12

ënät ja Wintsën koots nyänyikëxë'kë ma yë'ëjën ets y'ënëmaayë: Tëës nmëtoy mjëëytyak mnu'kxtakën, e tëëtsës nwin'ixy ko yaa ma ya'atë itjotmën yaa ja nwintsë'kënës yajyakëty.

Esdras 6:12

Ja Wintsën mëti'ipë wyin'ijxën ja Jerusalén kajpn ets yë'ë tjä'ä'ata'any, nëjkxëp tyajkutëkoy ja naax kajpn mëti'ipë ënety ëxëëk tunanëpën ets mëti'ipë yajjotkëjxëpën ma ja tsajptëjk jam Jerusalén tuunk'atën. Ëjts Darío, mëti'ipë yajkutujkpën, jëtu'unës ya'atë ja ënä'ämën mpëjktä'äky. Yajpatunëp jëtu'un tääjës yam nikäjpxyën.

Salmos 100:2

Mëët ja akujkajtën jotkujk'ajtën ëwtatë mënu'kxta'aktë ja Wintsën; mëët ja yaxën jojkën ets ja xoontakën mintë Dios wintum.

Salmos 116:17

Nmo'ojäämpy yë wintsë'kën ets jëtu'un nyajnaxa'anyës yë kukkajpxën ja'awëkyëtakkën, etsës n'ëwtata'any yë mxëëw, Wintsën.

Salmos 66:13

Tëkëjaanpës ma mtsajptëjkën etsës nyaka'any tu'uk yë wintsë'kën nino'okpyë mijts mwintuuy; jëtu'un'äämpyës ja nwaantakën nyaj'ëtukëty,

Salmos 78:68

pën tëy ojts twin'ixy, ja Judá ja y'u'unk y'ëna'k ets ja Sión kopk mëti'ipë oy tsyojkpy jya'apën.

Éxodo 25:8

Ets xy'oytyuntëty tu'uk yë tsajptëjk, maas ëjts nyajpaatëtyën etsës mëët yë'ëjëty ntsëënëtyës njuuky'atëtyës.

Éxodo 29:45

Ëjtsës kë'ëm jam timyajpaataanp ma Israel ja'ayëtyën ets ëjtsës xyTios'atëp.

Jeremias 7:12

Nëjkxtë jam Siló, maas yë ntsajptëjkën mëti'ipës ëka'any nwin'ijxën ets jam ntsëënëja'anyës, ixtë wi'ixës ntuunyën mëët ko ja Israel ja'ayëty ojts xymyëtëkoytyës.

Deuteronomio 12:13

Miitsëty yë'ë mnijawëtëp, ko këtii oy namaa yë jëyujk'ooky xynyino'oktëty mëti'ipë yë Wintsën ntukwintsë'ëkëtyëpën.

Deuteronomio 12:14

Ko tii yë Wintsën xytyukwintsë'ëkëja'antëty, jam xymyo'otëty ma ënety yë'ë kë'ëm të twin'ixyën. Jam nëjkx xytyuntë tëkokyë ya'atë mëti'ipë yam të ntuk'ëwaanëtën.

Deuteronomio 12:18

Ko tyaapë xyjyë'kxa'antëty ma mWintsën Tiosëtyën ets xyajtuna'antëty mëti'ipës yam nikäjpxypën, jam mëpaat xyjyë'kxtë ma ënety yë Wintsën të twin'ixyën ja it naaxwiinyëtë, mëët ja m'u'unk m'ëna'këty ets ja Leví ja'ayëty. Jëtu'un xytyukxon xytyuk'itëty, mëti'ipë ënety të xynyitunën.

Deuteronomio 12:21

Pën ja it naaxwiinyëtë jëkäm wyi'imy ma ënety ja Wintsën të twin'ixyën, miitsëty mjëkyäjptëp yë tsajpkaa ets tsajppaxy xyaj'ooktëty ets xytsyu'utstëty, mëti'ipë ja Wintsën mooyëtëpën, ma ënety jam myajpaatën.

Deuteronomio 12:26

E pën tëë xytyuknipëjktaakëtë ets m'ayajk m'ako'onën xyaka'antë, ëkë tëë tii yë Wintsën xytyukwinwanëtë, jam nëjkx xyaktë ma ënety ja it naaxwiinyëtë të twin'ixyën.

Deuteronomio 12:5

Ma miits yë mja'ayëtyën, yë Wintsën nëjkxëp twin'ixy tu'uk yë it naaxwiinyëtë ma nëjkx yaj'ëwtatyën, e miitsëty jam nëjkx mnëjkxtë.

Deuteronomio 14:23

Mëti'ipë ënety mpupëjktëpën oy yë'ëjëty yë tsajpmok, tsatym nyëë, ëkë on; ëkë wä'än yë'ëjëty ja më''ëka'anypë myinyën naaxwiiny, ejxtëm ja mjëyujk mtsajpkaajëtyën, mtsajppaxëty, ëkë mkupixynyëty, jam nëjkx xytsyu'utstë xyjyë'kxtë jam wyintum ma ja mWintsënëtyën, ma ja it naaxwiinyëtën mëti'ipë ënety yë'ë kë'ëm të twin'ixyën ets jam yaj'ëwtat yajmëjjawëty. Jëtu'un'äämpy xytyukjatëty wi'ix mëpaat ja Wintsën xëmë xywyinkutsë'ëkëtën.

Deuteronomio 15:19

Tëkokyë yë jëyujk yä'äypyë mëti'ipë ëka'any miintëpën naaxwiiny, yë'ë mëpaat xytyuknipëjkë'ëkëtë ja mWintsën. Këtii ënätyë xyajtuunë'kojëty yë mtsajpkaa yä'äy, mëti'ipë ëka'any të myëxu'unk'atyën, ka'ap yë nyi'u'kxy ënätyë xypyëjkëty yë mkupixyny, mëti'ipë kä'äxkopkën.

Deuteronomio 15:20

Tääpë jëyujk të yajnimëtya'aktën winë jëmëjt nëjkx xytsyu'utstë mëët ja m'u'unk mto'oxytyëjk jam ma mWintsënën, ma ja it naaxwiinyëtën mëti'ipë ënety yë'ë kë'ëm të twin'ixyën.

Deuteronomio 17:8

Pën tsip oy ja nëë poky mëti'ipë yajnipaye'eyaanpën, ijxtëm ko pën ja myëku'uk tyaj'ooky, ëkë mëët të tsyiptuny, ko ënety pën të nyäyajtsëtyutyë, ëkë pën wi'ix të nyätyunyë jam kajpntum; jam mnëjkxtëty poj'am ma ja Wintsën ja y'it nyaaxwiinyëtën mëti'ipë të twin'ixyën,

Deuteronomio 18:6

Ko tu'uk yë Leví ja'ay nyëjkxa'anëty ma ja it naaxwiinyëtën mëti'ipë ënety ja Wintsën të twin'ixyën, oymyaakajpnëty tsyoonëty,

Deuteronomio 23:16

Ixmatstë wä'än tjuuky'äty ma miitsëtyën, yë'ë nyija'ap maa jyuuky'ata'any, ni pën mëpaat nëkoo kyayajjotkëxyë ets kyane'emyë.

Deuteronomio 26:2

Ja aaytyëëm ujtstëëm, ëkë ja aaypyajk ujtspajk mëti'ipë ënety ëka'any myajpëtë'kpyën, yë'ë mwin'ixëp yë oyëtypë tsujëtypë ets jap xy'apëkëty ma tu'uk yë katsyën, tääts xymyënëjkxëty jam ma ja it naaxwiinyëtën, mëti'ipë yë mWintsën ënety kë'ëm të twin'ixyën, ko jam yë xyëëw yaj'ëwtatëty yaja'amyätsëty.

Deuteronomio 31:11

Jam ma Israel ja'ayëty të nyiye'eypyätën ma ja it naaxwiinyëtën mëti'ipë ja mWintsënëty të twin'ixyën, ënät yajkajpxëty ya'atë ënä'ämën jam mayjyä'äyjyotm.

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënety të tjajä'äpëjkta'atë,

Josue 22:11

Ko ja wiinkëtypë ja Israel ja'ayëty tnija'awëtyë ko yë Rubén, Gad ets nikujkwä'kxy ja Manasés ja jyä'äyëty tëë tyajpëtë'ëktë tu'uk ja wintsë'këntyakn jam ma mëët nyäpyaatëtën ja Canaán it, winkon ma ja Jordán mëjnëëjën, ma ja Israel ja'ayëty ënety tnitënaaynyëtën.

Josue 22:16

Ëëtsëty yë'ë Dios yë nyaax kyajpn yam yë y'aaw y'ayuk nmëmiinëtëpës; ¿Tii ko yë wiink winma'any xypyaatë ets ja Wintsën xymyëtëkoytyë, mëti'ipë yë Israel ja'ayëty Tyios'ajtëpën? ¿Wi'ix ko ya'atë wintsë'këntyakn të xykyojtë ets xykyäjpxy kumëtoownaxtë ja Wintsën?

Josue 22:23

Pën ya'atë wintsë'këntyakn yë'ëkyëjmës të nyajkojtë ets Wintsën n'ëxmatsa'antës, ëkë ets ntukwintsë'ëkëja'antës yë wyintsë'kën nino'okpyë ets aaytyëëm ujtstëëm, ëkë ets ja nay'ëëw'oy näykyajpx'oyë ntuna'antës mëët yë'ë, wä'än kë'ëm tpaye'ey yë Wintsën pën tëëjës nmëtëkoytyë.

Josue 22:27

Ëëtsëty tyaajës të nmay të ntajtë ko tääpë wintsë'këntyakn të nyajkojtës yë'ë wa'anëp ijxpät ma ëëtsajtëmën ets ma n'u'unk'ajt n'ok'ajtëmën; jëtu'un tjëkyäpëty ëëts ja Wintsën näjyëtu'un ntuknimintëtyës ja wyintsë'kën ets mëët ntuntëtyës ja nay'ëëw'oy näykyajpx'oyë. Jëtu'unkyëjxm ka'ap miits ja m'u'unk m'ok jëna'a y'ëna'antëty: Miitsëty ka'ap mpaatëtë xy'ëwtatëty näjyëtu'un yë Dios.

Josue 22:29

Dios ëëts xypyutëkëtëp ets ka'ap yajkäjpxykyumëtoownaxëty ets ka'ap yaj'ëxmatsëty; ka'ap mëpaat yajkojy wiinkpë wintsë'këntyakn ma yajyakëtyën ja nino'okpyë wintsë'kën ëkë maa yajyakëtyën yë aaypyajk ujtspajk ëkë wiinkëtypë wintsë'kën ets wiink tios yajmoopyëty, yaj'ixtijëty ja nWintsën'ajtëm Dios, jampë yajpaatyën ma ja wit tëjkën ma näpyaatë y'ityën.

Josue 9:27

Yë'ë ojts tuknipëky ets tuunk'atëty yë nija'axk, nëëkoonk nëëwijtsk ets tyuntëty maa ja naax kajpnën ets ma ja wintsë'këntyaknën jam ma ënety ja Wintsën të twin'ixyën. Tyampaat yë Gabaón ja'ayëty yë'ë jëtu'unpë tyuunk'ajtëp.

1 Samuel 1:21

Ënet ja Elcana ojts kom jëmëjt jam nyijkxy Siló mëët tëkokyë ja y'u'unk tyo'oxytyëjk ets ja wyintsë'kën tyaka'any mëti'ipë winjëmëjt yäjkpyën.