Deuteronomio 11:8 - Biblia Dc en Mixe de Quetzaltepec

⁸ Yë'ë mpatuntëp yë ënä'ämën tëyajtën mëti'ipë tyam të nmo'otën ets mëkta'aktëty, jëtu'unts akujk jotkujk xytyimniwa'aktëty ja it naaxwiinyëtë mëti'ipë nmo'ojantëpën.

Biblia Mixe de Quetzaltepec

⁸ Yë'ë mpatuntëp yë ënä'ämën tëyajtën mëti'ipë tyam të nmo'otën ets mëkta'aktëty, jëtu'unts akujk jotkujk xytyimniwa'aktëty ja it naaxwiinyëtë mëti'ipë nmo'ojantëpën.

Deuteronomio 11:8 ပူးပေါင်းရင်းမြစ်များ

Salmos 138:3

Ko të nmëkäjpxy, tëës xy'ëtsoy ets tëës yë njot nmëjaaw xyajmëj xyajkëjääjë.

Éxodo 20:12

Mwinkutsë'ëkëp yë mteety mtaak ets jëtu'un jeky mjuuky'atëty yaa naaxwiiny naaxkëjxy, ja juukyajtën mëti'ipë yë mWintsën Dios mmooyëpën.

Isaías 40:31

yë'ë tëyëty mëti'ipë yi'iyë Wintsën tyuk'ijxpäjtëpën xëmë amëk jotmëk yajpaata'antë ets jëtu'un nyäjyawëja'anëtë nipe'tym kupe'tym tä witsnën; jyëkyejpy mëk pyëyë'ëktëty ets jyëkyejpy pe'tym ye'eytyëty. Ka'ap y'ënu'kxëja'antë.

Daniel 10:19

etsës të xy'ënëëmë: Këtii mtsë'ëkë ets këtii mmay mtajy. Yë Dios yë'ë mtsojkëp; jotmëk myajpaatëty ets këtii mkumay mkutajë. Tamës ënety jëtu'un xymyëmëtyä'äky, koos jatëkok të näjyawëty nmëkpëky, etsës të n'ënëëmë: Wintsën, mëëtmëtyakës, tëëjës jatëkok yë nmëk'ajtën xymyo'oy.

Efesios 3:16

N'amëtoopy npëjktsoopyës ja Dios ets mjotmëkmo'ojëtëty ets myajpaatëty akujk jotkujk mëët ja mëk'ajtën mëti'ipë tso'onpën ma ja oypyë tsujpën, mëti'ipë myëët'ajtypyën ja Dios ja kyënu'kxymyëk'ajtën,

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

Deuteronomio 11:7

Miitsëty tëë kë'ëm xy'ixtë xynyijawëtë, jä'ä ko wa'ats xy'ijxtë tiijaty yë Wintsën të tunyën.

Deuteronomio 28:47

Mëët ko ënety ja mWintsën të xykya'ëwtaty akujk jotkujk ets winë aaw winëjot ets mëj këjää tii winë të mjamo'oyë.

Deuteronomio 31:23

E ja Josué, yë myaank yë Nun, tyaa ojts y'ënë'ëmxëty yë Wintsën: Mijts jotmëkmës mtimyyajpaatëty, këtii ninu'un mtimtsyë'ëkëty. Jä'ä ko tëëjës ntuknipëjktaakë ko mijts nëjkx xywyoowja'ty yë Israel ja'ayëty jam ma ja it naaxwiinyëtën mëti'ipës yë'ë të ntukwinwanëtën, e ëjts nyakäämpyës yë näypyutëkë ma mijtsën.

Deuteronomio 4:14

Ëjts ojts xytyuk'ëne'emy ets ntukni''ixëtëty ya'atë ja ënä'ämën kuttujkën ets yë'ë xypyatuntëty, ko ënety jam mjajnëtë ma ja itjotmën mëti'ipë mniwa'akantëpën.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Colosenses 1:11

N'amëtow npëjktsowtës ja Dios ets mjotmëkmo'ojëtëty mëët tu'kë'ëyë ja myëj'ajtën y'oyajtën; jëtu'un winë xymyëmëta'aktëty amëk jotmëk, akujk jotkujk ets mëët ja mä'kxtujkën