Deuteronomio 11:7 - Biblia Dc en Mixe de Quetzaltepec

⁷ Miitsëty tëë kë'ëm xy'ixtë xynyijawëtë, jä'ä ko wa'ats xy'ijxtë tiijaty yë Wintsën të tunyën.

Biblia Mixe de Quetzaltepec

⁷ Miitsëty tëë kë'ëm xy'ixtë xynyijawëtë, jä'ä ko wa'ats xy'ijxtë tiijaty yë Wintsën të tunyën.

Deuteronomio 11:7 ပူးပေါင်းရင်းမြစ်များ

Salmos 106:2

¿Pën ëkmayëtëp tnimëtya'akëty wi'ix yë Wintsën të myëtä'äkyën, ¿Pën ëkmayëtëp tmëjpëjkta'akëty ijxtëm pyaat'atyën?

Salmos 145:12

Wä'än tëkokyë yë naaxwiinyëtë ja'ay yajtuknija'awëtya'atë yë mmëjajtën ets tyë'kxën jyajjën yë m'ënä'ämtakn.

Salmos 150:2

Mmëjpëjkta'aktë ko winë mëj këjää të tuny. Mmëjpëjkta'aktë ko myëjwiin kyëjääjëty.

Deuteronomio 11:6

Wi'ix ojts tyajjaty tyajkëpetyën yë Datán ets Abiram, yë y'ëna'k yë Eliab, yë jyä'äy yë Rubén. Wi'ix ja naaxwiinyëtë y'ëwatsyën ets ojts jap kyënajxta'atë mëët tëkokyë ja y'u'unk y'ëna'këty, ja y'u'unk tyo'oxytyëjkëty, ja jyëën tyëjkëty ets tëkokyë jënu'un ënety winë tmëët'atën. Tyaapë ma jëtu'un jyä'äjty kyëpejtyën, wa'ats ojts yë Israel ja'ayëty t'ijxta'a tnija'awëtya'atë.

Deuteronomio 11:8

Yë'ë mpatuntëp yë ënä'ämën tëyajtën mëti'ipë tyam të nmo'otën ets mëkta'aktëty, jëtu'unts akujk jotkujk xytyimniwa'aktëty ja it naaxwiinyëtë mëti'ipë nmo'ojantëpën.

Deuteronomio 27:10

Paaty yë'ë jëtu'un mëmëtowtëp ets patuunëtë yë y'ënä'ämën tyiyajtën ets y'aaw y'ayuk, mëti'ipë të mtuknipëkëtën.

Deuteronomio 29:2

Ko ja Moisés tyajtu'ukmujktaay ja naax kajpn, ënät t'ënëmaay: Miitsëty Israel ja'ayëty, tëë xy'ixtë wi'ix yë Wintsën o'ktëy të tunyën yë yajkutujkpë mëët yë wyintsëntëjk jënu'un mëët tyuunmukyën jap Egiptë.

Deuteronomio 4:3

Miitsëty ojts kë'ëm xytyim'ixtë wi'ix yë Wintsën tuunyën yë Baal-peor ets wi'ix tyajkutëkooytyääyën tëkokyë ja ja'ay jampë ënety yajpaatën ma tääpë it naaxwiinyëtën, mëti'ipë wiink wintsën y'ëwtajtëpën.

Deuteronomio 5:3

Ka'ap yi'iyëty mëët ja käjpxytyu'unën tuuny ja n'ap'ajt n'ok'ajtëmë, näjyëtu'un mëët ëëts'ajtëmë jënu'un tyam yaa nyajpatëmën.

Deuteronomio 7:19

Yë ëkja'amyätstë wi'ix yë Dios yë mëj ëyo'on kanaakjëjp jap tyajkëtäkyën Egiptë ets miitsëty ojts kë'ëm xy'ixtë, wi'ix ojts yë myëj'ajtën tyaj'ixyë ets ja kyutujkën ets jëtu'un jap myajpëtsëëmëtë. Näyjyëtu'un ja Dios tuna'any ja naax kajpn mëti'ipë miitsëty mtsë'këtyëpën.

Josue 24:31

Yë Israel ja'ayëty myëtuuntë yë Wintsën ko jyuuky'äjty yë Josué ets ko ojts y'o'knë ojts tjaakmëtuntë, ma ënety jyaak juuky'atënëm ja mëjja'aytyëjkëty mëti'ipë y'ijxtë nyija'awëtyën tiijaty ja Wintsën tyuunën.