Deuteronomio 11:25 - Biblia Dc en Mixe de Quetzaltepec

²⁵ Ni pën nëjkx xykyayajmëta'aktë ko ënety mtsiptuntë. Jä'ä Ko yë Wintsën yë'ë yajkëta'akäämpy yë mëktsë'ëkë ma mmëtsiptëjkëtyën ma ënety muum mnaxtën, jëtu'un tä të twinwanën.

Biblia Mixe de Quetzaltepec

²⁵ Ni pën nëjkx xykyayajmëta'aktë ko ënäty mtsiptuntë. Jä'ä Ko yë Wintsën yë'ë yajkëta'akäämpy yë mëktsë'ëkë ma mmëtsiptëjkëtyën ma ënäty muum mnaxtën, jëtu'un tä të twinwanën.

Deuteronomio 11:25 ပူးပေါင်းရင်းမြစ်များ

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Deuteronomio 7:24

Yë yajkutujkpëtëjk mëti'ipë ënety jam ënä'ämtëpën, miits mkë'ë'am nëjkx kya'atë, nëjkxëp xyaj'o'kta'atë ets nijëna'a kya'ëkyaja'amyäjtsnëtëty yaa naaxwiiny naaxkëjxy. Ko ënety miitsëty mtsiptuntë, ni pën nëjkx xykyayajmëta'aktë ets jëtu'un nëjkx niwinëty xyajkutëkooytya'atë.

Éxodo 23:27

Ëjts nyajkutukëp ets oypyënëty nëjkx mtsë'ëkëty mjawëty, oy ënety maanaax maakajpn mtimnyäxy, yë mëtsiptëjk jëtu'unyë mkukä'äk mkuputëtëty.

Josue 5:1

Tëkokyë yë yajkutujkpëtëjk mëti'ipë ënety jam yajpatëpën xëëwkëtä'äkytsyow ma ja Jordán mëjnëëjën, ets ja yajkutujkpëtëjk Canaán ja'ayëty, jampë tsyëënëtën winkon ma ja naax mejy'itkujkpyën; ojts nijawëtë ko ënety ja Dios ja Jordán mëjnëë të tyajtë'ëtsy ma ja Israel ja'ayëty nyajxtën, paaty ojts tsyë'ëkëtë ets ka'ap tnipëtë'ktë ja Israel ja'ayëty.

Deuteronomio 2:25

Ëjts yam jëtu'un ntuknipëjktakëp ets tëkokyë yë naax kajpn mtsë'ëkëtëty. Ko tmëtoy'atëty mwinkontë, jëtu'un tsyëyuuypyëjkta'atëty ets ka'ap jyotkujk'atëty mëët ja tsë'ëkë.

Josue 2:9

Ëjts wa'atsës nijawë ko ya'atë naax kajpn tëë yë Wintsën mo'ojëtë, paatykyëjxm yë naax kajpn tëë tsë'ëkë tyuktëjkëtya'ajëtë mëët miitsëty. Tëkokyë jënu'un yaa yajpaatën yajxon tsyë'kënëtë mëët miitskyëjxmëty.

1 Crónicas 14:17

jëtu'un'äämpy ja David mëj'äämpy ja ja'ay nyikäjpxyë ets ojts ja naax kajpn tsyë'ëkëty jyawëty.