Deuteronomio 11:15 - Biblia Dc en Mixe de Quetzaltepec

¹⁵ Dios nëjkxëp jam kamwinm tu'uwinm tyajpëtsëmy yë aay ujts mëti'ipë jyë'kxtëp pyëktëpën yë mjëyujk mtsajpkaa ets miitsëty ka'ap nëjkx yë mjë'kx mpëky xyaj'ëmaaytya'aktë.

Biblia Mixe de Quetzaltepec

¹⁵ Tios nëjkxëp jam kamwinm tu'uwinm tyajpëtsëmy yë aay ujts mëti'ipë jyë'kxtëp pyëktëpën yë mjëyujk mtsajpkaa ets miitsëty ka'ap nëjkx yë mjë'kx mpëky xyaj'ëmaaytya'aktë.

Deuteronomio 11:15 ပူးပေါင်းရင်းမြစ်များ

Deuteronomio 6:11

Ja jëën tëjk ujts yajpaaty mëët winë mëti'ipë oyëtyën; mëti'ipë ka'ap miitsëty të xy'atsëëm'utstën ets mëët ja nëëjut mëti'ipë ka'ap të xytyajtën; näjyëtu'un ja tsatsymkyam, tsajpmokam, mëti'ipë jamën mëj këjää jam yajpaatë, ka'apë myiitsëty xynyijawëtën wi'ix të wyintu'upëkyën. E yë'ëts nëjkx xyjyë'kxtë ets akëtä'äky jotkëtä'äky myajpaatëty.

Salmos 104:14

Mijts myajyoompy myajji'tsyp yë aay ujts mëti'ipë jëyujk tsajpkaa jyë'kxtëp pyëjktëpën, ets mëti'ipë näjyëtu'un yë naaxwiinyëtë ja'ay kyäytyëp y'uuktëpën winjëpom,

Joel 2:19

jëtu'un y'ënäny: Tyam ntuknikäxtëty yë tsajpmok, yë tsatym nyëë ets on, mapaat mku'uxëtën; ka'apës nijëna'a n'ëkyajkutukanë ets naax kajpn mëti'ipës ka'ap xy'ixy'ätyën mtukxi'ikëtëty.

Joel 2:22

Këtii mtsë'ëkëtëty aayjëyujk ujts jëyujkëty, tsuxkëjaanp jatëkok yë aay ujts, tëëmpätaanp jatëkok yë aay kepy, jää'ataanp jatëkok yë higos ets tsatym mëjwiin këjää.

Deuteronomio 8:10

Ko ënety jam myajpatnëtë ets ku'uxyë mkaaynyë m'uknëtë, mkukajpx mja'awëkyëta'aktëp yë Wintsën. Mëët ko ënety oypyë ja naax kam të mo'ojëtë.

Hageo 1:6

Miitsëty may mni'iptë ets wäänë mpëjktä'äky xyajpëtë'ëktë; mjakaaytyëp ets ka'ap mku'uxëtë; mjänëë'uktëp ets ka'ap mtëëtsë myontë; mjanämyu'uxëtëp ets je'eyëm mtëpooktë; mëti'ipë mëtuunpën ka'ap ja myëju'uny tyajnipety.

Joel 1:18

Ëjp tu'kp ja tsajpkaa. Yë tsajpkaato'oxy nëkoopë jyi'kxy t'ixta'atë; yë kupixyny jëtu'unyë y'o'ktaaynyëtë.

Jeremias 14:5

Yë'ëpaat yë ujtsjëyujk y'ëxmajtsnëp ja y'u'unk mëti'ipë naamnëm mëxu'unk'ajtpën, jä'ä ko ka'ap tii ujtsnë tii jyë'kxëpën.

1 Reyes 18:5

Tä ja Ahab t'ënëmaay ja Abdías: Ja'am n'ëktukjëtijtëmë it naaxwiinyëtë, kooxyëp muum napatmëty yë nëë mëti'ipë y'uuktëpën yë jëyujk tsajpkaa. Jä'ä ko pën ka'ap maa nëë tsojk jëyujktuk n'ëkwë'ëmënëty.

Joel 2:26

Nëjkxëp jatëkok mkaytyë m'uuktë ku'uxyë ets nëjkx xymyëjjaw xykyënu'kxyjyawëtë yë Wintsën, miits yë mTiosëty. Nijëna'a yë nnaax nkajpnës nëjkx kya'ëktsëtyuunë,