Deuteronomio 10:5 - Biblia Dc en Mixe de Quetzaltepec

⁵ Ënätës ojts jam ntso'onë kopkkëjxm mëët ja tsaatsetsy ma këxja'ay myinyën ja majkpë ja ënä'ämën. Japës npëjktäky kaaxëjoty, jëtu'un tääjës ënety ja Wintsën të xytyuk'ëne'emyën ets tyampaat tap ja y'ity.

Biblia Mixe de Quetzaltepec

⁵ Ënätës ojts jam ntso'onë kopkkëjxm mëët ja tsaatsetsy ma këxja'ay myinyën ja majkpë ja ënä'ämën. Japës npëjktäky kaaxëjoty, jëtu'un tääjës ënäty ja Wintsën të xytyuk'ëne'emyën ets tyampaat tap ja y'ity.

Deuteronomio 10:5 ပူးပေါင်းရင်းမြစ်များ

Éxodo 40:20

Ojts ja Moisés t'apëkë ja tsaatsetsy ma myinyën ja ënä'ämën tëyajtën jap kaaxëjoty mëti'ipë myë'ijtypyën ja käjpxytyu'unën ets ja kaaxë ojts ja nyiwitsë tpëjktäky, näjyëtu'un ja nyi'akë'ë mëti'ipë yajtuk'ajupëpën ets tmënëjkxy jap ma ja Dios ja jyëën tyëjkën, ojts tkutëëytyä'äy ja wit'atëëytyuk ets t'atëëytyujky ja kaaxë, jëtu'un ijxtëm ënety ja Wintsën të tni'ënä'ämën.

Éxodo 34:29

Ënet ojts ja Moisés jam tsyo'onë ma ja Sinaí kopkën, mëët mäjtsk ja tsaatsetsy ma tkëxjaayën ja ënä'ämën tëyajtën, ko jam kyëtäky ma ja kopk'ëjxën, ka'ap ninu'un tja'awëy ko ja wyiin jyëjp atë'kxp, mëët yë'ëkyëjxm ko ja Dios ënety mëët të myëtyä'äky.

Josue 4:9

Ëpëky ojts yë Josué näjyëtu'un tkoontä'äky majkmäjtsk yë tsaa jap nëëjoty ma ënety ja teetytyëjkëty të tmëtänëtën ja kaaxë mëti'ipë ja käjpxytyu'unën myë'ijtypyën. Tääpë tsaa jap ojts wyë'ëmtë tyampaat.

Deuteronomio 10:2

Ëjts nkëxja'ajäämpy ja aaw ayuk ma tääpë tsaatsetsyën, jëtu'un tä y'ijtyën ja mëjëyëjpë mëti'ipë ojts mijts xytyukpu'ujën ets jap xypyëjkë'ëkëty ma ja kaaxën.

Deuteronomio 9:15

Koos ojts jam ntso'onë ma ja kopkën, mëti'ipë toopyën, ëjts nmëët'ajtypyës ënety mäjtsk ja tsaatsetsy mëti'ipë ja käjpxytyu'unën myëët'ajtypyën.

Éxodo 32:15

Tä ja Moisés ojts jam tsyo'onë kopkkëjxm, tam ja tsaatsetsy mäjtsk tkë'ëkë'ëy'äty, mëti'ipë aak tsaajën, ma ja ënä'ämën tëyajtën jam kyëxja'ayëtyën.

Éxodo 25:16

Jap kaaxëjoty xypyëjkta'akëty ja ënä'ämën tëyajtën mëti'ipë yam nmo'ojäämpyën.

Éxodo 25:21

Ënet ok xytyuk'ajupëty ja kaaxë'aaw ets jap kaaxëjoty tëë ënety jap xypyëjktä'äky ja tsaa ma ja ënä'ämën tëyajtën myinyën këxja'ay, mëti'ipë nmo'ojäämpyën.

Éxodo 34:28

Yë Moisés ojts jam pyo'oxy kopkkëjxm mëët yë Dios, jä'ä jam y'ijty wëxtyikxy xyëëw wëxtyikxy tsyu'um ets nitii ojts tka'uuky tkajë'kxy. Jam tkëxjaaytyääy ja aaw ayuk ma ja tsaatsetsyën mëti'ipë ënety të t'oytyunyën, tëkokyë mëti'ipë ja Dios ojts tnikäjpxyën, mëët ko ja käjpxytyu'unën tuny, ja majkpë ja ënä'ämën tëyajtën.