Deuteronomio 10:14 - Biblia Dc en Mixe de Quetzaltepec

¹⁴ Yë'ë yajxon nijawëtë, ko yë mWintsënëty yë'ë winë jyä'ä'ajtääpy, wä'än tyë'ëjëty yë pojjotypë, tsajpkëjxmëpë, naaxwiinypë ets tëkokyë jënu'un jää winë yajpaatyën.

Biblia Mixe de Quetzaltepec

¹⁴ Yë'ë yajxon nijawëtë, ko yë mWintsënëty yë'ë winë jyä'ä'ajtääpy, wä'än tyë'ëjëty yë pojjotypë, tsajpkëjxmëpë, naaxwiinypë ets tëkokyë jënu'un jää winë yajpaatyën.

Deuteronomio 10:14 ပူးပေါင်းရင်းမြစ်များ

Génesis 14:19

ojts tkënu'kxy yë Abram mëët ya'atë aaw ayuk: Yë Dios Ni'ik Këjxmëpë mkënu'kxëtëp mjëkyäpëtëp, mëti'ipë yajkojën yë tsajp ets naaxwiinyëtë.

Génesis 14:22

Tyaa Abram y'ëtsooy: Tëës yë Dios nwinwanë, yë Dios Ni'ik Këjxmëpë, mëti'ipë tsajp ets naaxwiinyëtë yajkojën,

1 Reyes 8:27

Je'eyëp ko ¿Wä'än jëtää tyiyëty ko yë Wintsën jyëkyejpy jyuuky'atëty naaxwiiny naaxkëjxyë? Ix yë tsajp, ix jënu'un myëjëty ets ka'ap myäyë nyikojta'ajëtëty. E ya'atë tsajptëjk mëti'ipës yam të nkojyën tim yi'inëm yë'ë.

2 Crónicas 6:18

E kë'ëmtsës yam näyyajtëyë, ko yë Wintsën ¿wä'än jëtää tjëkyepy y'ijtmukëty mëët yë naaxwiinyëtë ja'ayë? Yajnija'ap ko tsajp ets poj yoots ka'ap myëtä'äky mëët yë'ë, e tyam ¿wä'än jëtääjën ënät jap m'ëk'itaanpëtyë ma tu'uk ja tëjkën mëti'ipë mijts të mjayajtuknikojënë?

Nehemías 9:6

Ets ja Esdras y'ënäny: Mijts Wintsën ni pën jëtu'un mkamëpaatëtëty tä mijtsën. Jä'ä ko mijts ojts ja tsajp xyajkojy ets mëti'ipë jam waanëkëjxyën ets tëkokyë ja nyimëtsa'a; mijts ojts xyajkojy ja naaxwiinyëtë ets mëti'ipë jää yajpatpën, mijts ja juukymyejy të xyajkojy ets tëkokyë mëti'ipë jap yajpatëpën. Mijts näjyëtu'un myajjuuky'ajtääpy oy tyimtiijëty mëti'ipë juukyajtënmëëtën. Paatykyëjxm m'ëwtatëtë ja mëtsa'a jampë tsajpkëjxm yajpaatën.

Job 41:11

¿Pën juuky ë'kwë'ëmëp, ko pën tmatsy? Ni pën.

Salmos 115:16

Yë tsajp, Dios yë kyë'ë'am'ajtyp, ets naaxwiinyëtë ja'ay ojts yajtukë'ëtëkë.

Salmos 148:4

Mmëjpëjkta'ak mijts tsajp ni'ik këjxmëpë yë Wintsën; mijts, nëë mëti'ipë jap tsajpnëkëjxy yajpatpën.

Salmos 24:1

Yë naaxwiinyëtë, Wintsën yë jyä'ä, aakyë'ë jyä'ä'ajtääpy tu'kë'ëyë jënu'un winë y'ityën naaxwiiny ets jënu'un jyuuky'ätyën ma yë'ëjën.

Salmos 50:12

Kooxyëpës jeexyë n'ëkyuu'ookyë, kajxyëp yam mijts ntukmëmëtyä'äky, jä'ä ko yë naaxwiinyëtë ëjts yë njä'ä ets tëkokyë jënu'un jää winë yajpaatyën.

Salmos 68:33

mëti'ipë jam ënyääpyën tsajpjotm mëti'ipë kë'ëyxyëëw kë'ëyjyëmëjt ijtpën. Mëtoow'itë wi'ix yë y'aaw y'ayuk yajmëtoyën, yë y'aaw y'ayuk mëti'ipë mëj'ajtën mëëtën.

Éxodo 19:5

E paaty pën miitsëty xymyëmëtoowtëpës ets mpatuuntëp ja n'aaw n'ayukës, miits jëtu'un nëjkx nkajpn'atë ets oy miits ntsoktëty njawëtëty ma tëkokyë yë naax kajpnën, jä'ä ko tëkokyë yë naaxwiinyëtë ëjts yë xypyatääpy.

Éxodo 9:29

Ets ja Moisés y'ëtsooy: Je'eyës yaa mpëtsëmëty etsës yam yë Dios nmëpëjktsowa'any mëët mijtskyëjxm ets wä'än ja tëtsn tuu tnaxy, näjyëtu'un këtiipë y'ëkwëtsujknëty ets ënääw y'ëk'ënanëty. Jëtu'un'äämpy xynyijawëty ko yë naaxwiinyëtë Dios yë jyä'ä'ajtyp.

Isaías 66:1

Jëtu'un yë Wintsën y'ënä'äny: Ëjts jamës nkutujktakn tsajpjotm, e naaxkëjxy ntekyës jää nyaj'ijtyp. ¿Maas yë njëën ntëjk xynyakojtëty? ¿Maas xynyayajpo'kxa'antë?

Hechos 17:24

Ja Dios, mëti'ipë yajkojën ja naax ets tu'kë'ëyë mëti'ipë yaa naaxwiiny ijtpën, yë'ë nyiwintsën'ajtääpy tu'kë'ëyë winë ma ja tsajpën ets ja naaxën. Ka'ap jap y'ity ma ja tsajptëjkën mëti'ipë ja'ay y'oytyuuntëpën

1 Corintios 10:26

jä'ä ko tu'kë'ëyë winë mëti'ipë jää'ajtpën naaxwiiny, yë Wintsën yë jyä'ä.

1 Corintios 10:28

Pën jamts m'ënë'ëmxëtë: Tëë ya'atë tsu'utsy nyiwintsë'kën yajpëjktä'äky, ka'ap xyjyë'kxtëty këtiipë wiink t'ixëty mëti'ipë ënety të mtuk'ëwa'anxëtën ets këtiipë yajpokjyawëty mëti'ipë ënety mtuuntëpën.

2 Corintios 12:2

N'ixy'ajtës tu'uk ja ja'ay mëti'ipë myëpëjkën ja Kristë, jam jajëmëjt nyijkxy majkmajktsën ma yajmëpa'tëkën ma ja mëtëkëëkpë ja tsajpën. Ka'apës nnijawë pën ojts mëët yajmënëjkxy ja nyi'kx kyopk ëkë yi'iyë ja jya'awën, Dios nyija'ap.

Deuteronomio 10:13

Ets xypyatuunëtëty yë y'ënä'ämën tyiyajtën ets kyutujkën jëtu'un'äämpy akujk jotkujk mjuuky'atëty.

Deuteronomio 33:26

Ni pën tkamëpaatëty yë Dios jampë yajpaatyën Jesurún, mëti'ipë jokjoty yootsjoty yajpatpën tsajpkëjxm, poj'am mnimina'anyë ets mputëkëtëty.