Deuteronomio 10:12 - Biblia Dc en Mixe de Quetzaltepec

¹² E tyam miitsëty Israel ja'ayëty. ¿Tii ja Dios m'amëtoowëtëp? Dios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

Biblia Mixe de Quetzaltepec

¹² E tyam miitsëty Israel ja'ayëty. ¿Tii ja Tios m'amëtoowëtëp? Tios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

Deuteronomio 10:12 ပူးပေါင်းရင်းမြစ်များ

1 Reyes 3:3

Salomón tsyojkpy jya'ap ënety ja Wintsën ets tyuunpy tä ja David të ënety të tyuk'ëne'emyën, oy jam ja wyintsë'kën xëmë tyäky ma ja tun kopkën,

2 Reyes 10:31

E oy ojts jëtu'un ja Wintsën jya'ënë'ëmxëty, yë Jehú ka'ap ojts yajxon winë oy tuunta'ay tä ja Wintsën tjatsojkyën, jä'ä ko ka'ap ojts t'ëxmatsy ja ëxëëktu'un ëxëëk kajpxën mëti'ipë tyuunën ja Jeroboam ko tyajpokytyuuny ja Israel ja'ayëty.

2 Reyes 18:3

Yë tyu'unën kyajpxën yë Ezequías oy ojts yë Wintsën t'ixy, jëtu'un tä ja y'ap y'okën David.

2 Reyes 18:6

Mëk nyäyaj'ijtë ma Wintsënën ets ka'ap ninu'un t'ëxmajtsy; ojts tkuuytyuny ja ënä'ämën tëyajtën mëti'ipë ënety ja Wintsën të tni'ënä'ämën ma Moisésën.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

2 Crónicas 15:12

Ets ëmuumtu'ukjot tukkajpxpäjtë ja Wintsën ja xyëëw ets y'ënantë ko yë'ë xëmë tmëkajpxa'antë winë aaw winëjot, ja Wintsën mëti'ipë ja tyeety y'apëty y'ëwtajtën.

Job 36:11

Pën yë'ëjëty ja'akyujkëtëp ets pën mëtoowtëp, oy xoontä'äky jyuuky'ata'antë.

Salmos 119:2

Janty jotkujk yë ja'ay jyuuky'atë mëti'ipë jyä'äkyujkëtëpën ja Wintsën ja y'ënä'ämën tyiyajtën,

Salmos 128:1

Janty jotkujk mijts myajpaaty mëët ko ja Wintsën xytsyoky xyjyawë ets ko xymyëmëtoy.

Salmos 145:20

Yë Wintsën kyuwäämpy mëti'ipë tsojkëyëpën ja'awëyëpën, e yë ëxëëkja'aytyëjk yajkutëkoopy poj'am.

Salmos 18:1

Wintsën, mijts nmëk'ajtën'ajtyp; mijts ntsojkpy nja'ap.

Salmos 34:9

Oyjyawëtë yë Wintsën, miitsëty ninu'un të mnatyukë'ëpëkëtën, jä'ä ko ka'ap nitii tyajtëkoy'ata'antë ja ja'ayëty mëti'ipë y'oyja'awëtëpën ja Dios.

Salmos 81:13

Koos jeexyë yë nnaax nkajpn të xymyëmëtoy ets ko jeexyë Israel kajpn të tpanëjkxy yë nnë'ë ntu'ujës,

Salmos 81:14

tu'k ijxmi'kxyë jeexyë yë myëtsiptëjk të nyajkutëkoyës etsës jeexyë të ntëytyuunta'ay tëkokyë mëti'ipë mëtsip'ajtëpën.

Éxodo 23:25

Yë'ë jëtu'un m'ëwtatëp yë mWintsën ets yë'ë mo'ojanëp yë mka'ayën m'ukën. Nëjkxëpës näjyëtu'un njëpëky njëtuny yë pa'am ëyo'on ma miitsëtyën.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Ezequiel 11:20

Ënet nëjkx jyuuky'atë jëtu'un tääjës ja n'ënä'ämën ntëyajtën myinyën ets nëjkx tpatuntë. Nëjkxëpës nkajpn niwa'antë etsës nëjkx xyTyios'atë.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Sofonías 3:9

Ko ënety jëtu'un tpaaty ja xëëw jëmëjt, jääjës nëjkx nyajwatsta'ay ja naax kajpn ja y'aaw y'ayuk ets nitëkokyë xymyëkajpxtëtyës ets xymyëtuntëtyës.

Mateo 22:37

Ets ja Jesús y'ëtsooy: Tsok ja Wintsën mëët tu'kë'ëyë ja mjot mja'awën, mjot mwinma'any ets mma'ayën mtajën.

Lucas 10:27

Tääts ja tsajptëkotyëtë yaj'ijxpëjkpë y'ëtsooy: Tsok ja Wintsën mëët tu'kë'ëyë ja mja'awën, mëët tu'kë'ëyë ja mjot mwinma'any, mëët tu'kkë'ëyë ja mmëkajtën ets tsok yë mmëku'uk ijxtëm kë'ëm mnätsyokyën.

Lucas 11:42

Miits fariseë ja'ayëty mon tuk myajpaatë, ko tu'pëky xyjyajëpëktë ma ja majk pëkpyën ets ja Dios xyjyatukwintsë'ëkëtë; tä ja menta, rudë ets wiinkëtypë aay ujts mëti'ipë tojkx tsooy'ajtpën; je'eyëp ko ka'ap xymyëjpëjkta'aktë ja mëtëypyë ja nipaye'eyën ets ja Dios ja tsyojkën jya'awën.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Romanos 1:9

Dios, mëti'ipës ëmuumtu'ukjot nmëtuumpyën ets nnikäjpxy nnimëtyä'äkyës ja y'u'unk, yë'ë y'ijxyp nyija'ap ko miits xëmë nja'amyätstë koos ja Dios nmëkäjpxy.

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Deuteronomio 10:11

Tyaajës ojts xy'ënëëmë: Nëjkx ets tuknipëjktaakë, tääts tääpë kajpn xywyoowtsoonëty wä'än tniwa'aktë ja it naaxwiinyëtë mëti'ipës ja y'ap y'okëty ojts ntukwinwanëtën.

Deuteronomio 10:13

Ets xypyatuunëtëty yë y'ënä'ämën tyiyajtën ets kyutujkën jëtu'un'äämpy akujk jotkujk mjuuky'atëty.

Deuteronomio 11:1

Tsoktë jawëtë yë mWintsënëty ets patuntë yë y'ënä'ämën tyiyajtën, yë y'aaw y'ayuk ets kyutujkën.

Deuteronomio 11:13

Pën miitsëty mkuuytyuuntëp ja y'ënä'ämën tyiyajtën mëti'ipë tyam të nmo'otën, pën mtsojktëp mja'awëtëp ja Wintsën mëti'ipë miits mTiosajtëpën ets pën m'ëwtajtëp winë aaw winëjot.

Deuteronomio 26:16

Yë mWintsën yë'ë tyam mtuk'ënä'ämëp ets xypyatunëty yë y'ënä'ämën tyiyajtën ets jä'ä xytyunëty winë'aaw winëjot.

Deuteronomio 27:10

Paaty yë'ë jëtu'un mëmëtowtëp ets patuunëtë yë y'ënä'ämën tyiyajtën ets y'aaw y'ayuk, mëti'ipë të mtuknipëkëtën.

Deuteronomio 30:16

Pën mtuuntëp ijxtëm yam ntuk'ënä'ämtën ets pën mtsojktëp mja'awëtyëp ja mWintsën mëti'ipë mTiosajtëpën ets pën mpanëjkxtëp ja nyë'ë tyu'u ets pën mpatuuntëp ja y'ënä'ämën tyiyajtën ets ja y'aaw y'ayuk, jotkujk nëjkx mjuuky'atë ets Wintsën mëti'ipë miits mTiosajtëpën nëjkxëp mkënu'kxëtë näjyëtu'un ja m'u'unk m'ëna'këty jam ma ja it naaxwiinyëtën mëti'ipë mjä'ä'atantëpën.

Deuteronomio 30:20

Tsoktë jawëtë yë mWintsën, mëmëtowtë ets tu'ukyë yë'ë xypyanëjkxtëkëtëty. Jä'ä ko, ënät mjuuky'atëty ets jeky jam mtsëënëtëty ma ja it naaxwiinyëtën, mëti'ipë ojts tukwinwanën mëët ja aaw ayuk ja kutujkënmëëtpë ja Abraham, Isaac ets Jacob mëti'ipë miits m'ap'ajt m'ok'ajtëpën.

Deuteronomio 4:29

E pën miitsëty mja'amyäjtstëp jatëkok ja mWintsënëty mëti'ipë mTiosajtëpën ets winë aaw winëjot xymyëkajpxtë, nëjkxëp xypyaatë.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Deuteronomio 5:33

Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Deuteronomio 6:13

Yë Wintsën yë'ë m'ëwtatëp ets mëtuntëp xëmë ets ko tii xynyikajpxa'antëty mëët yë kuttujkën, yë Dios yë xyëëw myajtuunëtëp.

Deuteronomio 6:2

Jëtu'un'äämpy nëjkx ja mWintsënëty mëj'äämpy xypyëjkta'aktë. Ets xypyatuntëty ya'atë ënä'ämën tëyajtën mapaat mjuuky'atën yaa naaxwiiny naaxkëjxy, näjyëtu'un ja m'u'unk m'ëna'këty, m'u'unk m'okëty ets ja mjuukyajtën yontëty jyäktëty.

Deuteronomio 6:24

Ok ja nWintsënëtyës Dios ojts xytyuk'ënä'ämtës ets npatuntëtyës ja y'ënä'ämën ets nwinkutsë'ëkëtëtyës tääts ja juukyajtën yajmëët'atëty tä tyam yaj'ixyën.

Deuteronomio 6:5

Tsok jawë yë Wintsën Dios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

1 Timoteo 1:5

Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

Hebreos 12:28

Ja Dios xymyo'oja'anëm mëti'ipë ka'ap yu'kxyën, paaty ja Dios nkukajpxëmëty ets nmëjja'awëmëty njaantyja'awëmëty oyjyot oywyinma'any mëët ijxtëm tsokyën.

Josue 22:5

Mëti'ipë tëy miits n'amëtoowtëpën ets xytyuntëty, yë'ë ko xypyatuntëty xëmë ja ënä'ämën tëyajtën mëti'ipë ja Moisés yajmooyën, yë Dios yë myëtuunpë. Mtsoktëp mjawëtëp xëmë ja mWintsën Tiosëty ets yë'ë ja nyëë'aaw tyu'u'aaw mtimpyanëjkxëtëp, mëtowtëp ets mkäjpxyjyä'äkyukëtëp; yë'ë mka'ëxmatstëp ets winë aaw winëjot xymyëtuntëty ets tu'ukyë winma'any tu'ukyë winma'any.

Josue 24:14

Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.

1 Juan 2:15

Këtii xy'atsoktëty ja naaxwiinyëtë juukyajtën ets mëti'ipë jää yajpatpën naaxwiiny. Pën ja naaxwiinyëtë y'atsojkpy, ka'ap ja Dios Teety ja tsyojkën tmëëtëty,

1 Juan 5:5

Pën myëpëjkpy ko ja Jesús Dios y'U'unk'atyë, jä'ä myëmëtäkpy ja naaxwiinyëtë winma'any.

1 Samuel 12:20

Tä ja Samuel y'ëtsooy: Këtii mtsë'ëkëtë. Tëy ko tëë mpokytyuntë e këtii mmaytyë mtajtë, tyam yi'iyë yë Wintsën tsyojkpy ets këtii xynyawa'ktu'utëty ets xy'ëxmatstëty, tu'ukyë yë'ë timy'ëwtatë winë'aaw winëjot.