Deuteronomio 1:38 - Biblia Dc en Mixe de Quetzaltepec

³⁸ Ma mijtsën yë'ë nëjkx mkutëkëty yë Josué, yë myaank yë Nun. Paaty mijts jotmëkmo'o, jä'ä ko yë'ë nëjkx tkë'ëmo'oy yë Israel ja'ayëty ja it naaxwiinyëtë.

Biblia Mixe de Quetzaltepec

³⁸ Ma mijtsën yë'ë nëjkx mkutëkëty yë Josué, yë myaank yë Nun. Paaty mijts jotmëkmo'o, jä'ä ko yë'ë nëjkx tkë'ëmo'oy yë Israel ja'ayëty ja it naaxwiinyëtë.

Deuteronomio 1:38 ပူးပေါင်းရင်းမြစ်များ

Éxodo 24:13

Ënet ja Moisés pyëti'ky ets ojts jam pyety ma ja Dios ja kyopkën, ojts pyanëjkxyë ja Josué mëti'ipë ijty xëmë jämyëët'ajtëpën.

Éxodo 33:11

Dios wiinxë jëjpxë ijty mëët ja Moisés tyimmëtyä'äky, jëtu'un ijxtëm yë ja'ay tu'kjëëky tu'kmëku'uk xyony y'ityën, ko myëtyakta'atë, tääts ja Moisés ijty jatëkok wyimpijnë ma ja y'ijtakn tmëët'atyën. Ja tyuunpë mëti'ipë xyëëwajtypyën Josué, yë myaank yë Nun, ka'ap ënety ninu'un tyimtsoony jam ma ja wit tëjkën, ma ja Dios jam kyëtä'äkyën.

Proverbios 22:29

Mëti'ipë ja'ay oytyuunk tyuunpyën, jam muum tyuunkpaaty ma y'itën yë yajkutujkpëtëjk ets ka'ap jyamëty ma ja'ayëtyën mëti'ipë ka'ap tii tkëjxm'atën.

Jeremias 40:10

Ëjts yaajës Mizpá nwë'ëma'any, miitsëty yaa nkutänëja'antë ma Caldeo ja'ayëtyën ko ënety myintë. Miitsëty yajnipätë tsatym nyëë xun, ujtstëëm mëti'ipë yajë'kxpën ets olivë ujts on, jëtu'unts oy mjuuky'atëty ma ja kajpnën ma mtsëënëja'antën.

Deuteronomio 3:28

Tuk'ëwaanë yë Josué tii mëpaat tunyën, jotmëkmo'o, winma'anymyo'o; jä'ä ko tyam yë'ë naax kajpn tyu'uwinye'eyäämpy, tyimja'tëty jam ma ja itjotmën, mëti'ipë jyä'ä'atantëpën, tyampë xy'ixa'anyën.

Deuteronomio 31:14

Ënet yë Wintsën t'ënëmaay yë Moisés: Ëk'ix wäänë jyaak itëty ets m'o'knëty, paatykyëjxm, mëkajpx yë Josué tääts jam nimäjtsk mnëjkxtëty ma ja wit tëjkën ma näpyaatë y'ityën ets ntuk'ëwaanëtëty tii mtuntëpën. Ënet yë Moisés ojts tmëkäjpxy yë Josué ets ojts nimäjtsk nyëjkxtë ma ja wit tëjkën ma näpyaatë y'ityën mëët yë Dios.

Deuteronomio 31:23

E ja Josué, yë myaank yë Nun, tyaa ojts y'ënë'ëmxëty yë Wintsën: Mijts jotmëkmës mtimyyajpaatëty, këtii ninu'un mtimtsyë'ëkëty. Jä'ä ko tëëjës ntuknipëjktaakë ko mijts nëjkx xywyoowja'ty yë Israel ja'ayëty jam ma ja it naaxwiinyëtën mëti'ipës yë'ë të ntukwinwanëtën, e ëjts nyakäämpyës yë näypyutëkë ma mijtsën.

Josue 1:1

Ko yë Moisés y'o'ky mëti'ipë yë Wintsën oy myëtuunën, ënät yë Wintsën ojts tmëkäjpxy yë Josué, Nun yë myaank, Moisés yë pyutëjkëpë ets t'ënëmaay:

Josue 11:23

Jëtu'un'äämpy ja Josué tniwa'ktaay ja jampë ja it naaxwiinyëtë tä ënety ja Wintsën të tuk'ëne'emyën ja Moisés, tää tkijpxwax'ktaay ets tmooytyääy ja Israel ja'ayëty mëti'ipë kyuma'ayën'ajtën. Ko jëtu'un nyäjxy ka'ap ojts maa y'ëktsiptuunëtë.

1 Samuel 16:22

Ojts ja Saúl tu'uk ja noky tkexy ma ja Jesé yajpaatyën ets t'ënëmaay: Tun yë mëyajtën ëxmats wä'än yë David twë'ëmy mëët ëjts. Jä'ä ko yë Saúl janty jotkujk ënety nyäjyawëty ko jyam'aty ja David.