Deuteronomio 1:37 - Biblia Dc en Mixe de Quetzaltepec

³⁷ Ets mëët miits mpokykyëjxmëty ojtsës yë Wintsën näjyëtu'un xytyukjoot'anpëky, etsës xy'ënëmaay: Mijts ka'ap nëjkx mtëkë ma tääpë naax kamën.

Biblia Mixe de Quetzaltepec

³⁷ Ets mëët miits mpokykyëjxmëty ojtsës yë Wintsën näjyëtu'un xytyukjoot'anpëky, etsës xy'ënëmaay: Mijts ka'ap nëjkx mtëkë ma tääpë naax kamën.

Deuteronomio 1:37 ပူးပေါင်းရင်းမြစ်များ

Deuteronomio 3:27

Pät jam kopkkëjxm ma txëëwatyën Pisgá ets xynyajts'ixëty tääpë itjot, jampaat ëpa'tkë'ëmtsow, anëkëjxytsyow, a'oytsyow ets anajnytsyow. Yë Jordán mëjnëë ka'ap xytyuknaxëty.

Deuteronomio 3:28

Tuk'ëwaanë yë Josué tii mëpaat tunyën, jotmëkmo'o, winma'anymyo'o; jä'ä ko tyam yë'ë naax kajpn tyu'uwinye'eyäämpy, tyimja'tëty jam ma ja itjotmën, mëti'ipë jyä'ä'atantëpën, tyampë xy'ixa'anyën.

Deuteronomio 31:2

Ëjts yë'ëjës yam nikajpxäämpy, ijxtëm miits xy'ixtën xynyijawëtën, ko tëëjës nmëjja'ayënë. Tyamës yë njëmëjtnë mëko'px ja i'px, ka'ap t'ëkjëkyäjpnë nëjkxëtyës xiitsow yaatsow. E ko tëëjës yë Wintsën xy'ënëëmë ko ka'apës nëjkx n'ëktuknajxnë ja Jordán mëjnëë.

Deuteronomio 32:52

Paaty tyam je'eyë jëkämy xyjyaaknajts'ixëty ja it naaxwiinyëtë, mëti'ipë yë Israel ja'ayëty nmo'ojantëpësën, e mijts ka'ap nëjkx jam m'ëk ja'ajnë.

Deuteronomio 34:4

Tä ja Wintsën y'ënëmaayë: Ya'atë it ya'atë naaxwiinyëtë jëtu'un ojts ntukwinwanëtës yë Abraham, Isaac ets Jacob ets n'ënëmaaytyës yë y'u'unk y'okëty yë'ë nëjkx ya'atë naaxwiinyëtë tjä'ä'atë. Täätsës të ntuknipëjktaakë, ko mijts oy je'eyë jëkäm xyjyaaknajts'ixëty, jä'ä ko ka'ap nëjkx jam m'ëk ja'ajnë.

Deuteronomio 4:21

E mëët ko miitsëty ka'ap ninu'un mkäjpxyjyä'äkyukëtë, ojtsës yë Dios xytyukjoot'anpëky ets y'ënäny ko ka'apës ntëkëty jam ma oy it oynyaaxën, mëti'ipë miits mjä'ä'atantëpën, ma yajtuknaxa'anyën ja Jordán mëjnëë.

Deuteronomio 4:22

E paaty yam n'ënëëmëtë oyës nëjkx yaa n'ooky ets ka'apës ja Jordán mëjnëë ntuknaxëty. Miitsëty nëjkxëp xytyuknaxtë ets nëjkxëp tääpë it naaxwiinyëtë xynyiwa'aktë.