Deuteronomio 1:33 - Biblia Dc en Mixe de Quetzaltepec

³³ Oy yë'ë mjatu'uwinwowëtë ets të t'ixta'ay ja it naaxwiinyëtë ma mtsënaaytyaknpëktëtyën. Ko ënety kyoots'aty, yë'ë mëët ja jëën tkutë'kxy ja në'ë tu'u, mëti'ipë mëpaat xypyanëjkxtën; e ko xyiiny'äty, yë'ë mëët ja yoots mtu'uwinye'eyëtë.

Biblia Mixe de Quetzaltepec

³³ Oy yë'ë mjatu'uwinwowëtë ets të t'ixta'ay ja it naaxwiinyëtë ma mtsënaaytyaknpëktëtyën. Ko ënäty kyoots'aty, yë'ë mëët ja jëën tkutë'kxy ja në'ë tu'u, mëti'ipë mëpaat xypyanëjkxtën; e ko xyiiny'äty, yë'ë mëët ja yoots mtu'uwinye'eyëtë.

Deuteronomio 1:33 ပူးပေါင်းရင်းမြစ်များ

Salmos 78:14

Ko xyiiny'äjty yoots ojts mëët tyu'uwinwowëtë, e ko kyoots'ajty jëënmëët tyu'uwinwoowëtë.

Nehemías 9:12

Ets ojts xywyinye'ey mëët ja yoots nëma'a ko xyiiny'äjty e ko kyoots'ajty mëët ja jëën ets ja nyë'ë tyu'u t'ixtë ko ënety tyu'uye'eytyë.

Zacarías 2:5

E yë Wintsën yë'ë ënaanp: Ëjts jëtu'un wa'anaanp kajpnnapotsën jëënmëëtpë ma Jerusalén kajpn pa'ajën ets kajpn itkujky nyaj'ita'anyës yë nmëj'ajt n'oyajtënës.

Ezequiel 20:6

Jä'ä xëëw ojts n'ënëëmëtës ko nyajpëtsëma'antës jap Egiptë ets nyanëjkxa'antës ma ja naax kajpnën mëti'ipës të ntuknipëjktaakëtën, tu'uk ja kajpn ma ja tsi'tsknëë ets ja uuxpa'ak jëtu'un pyëyi'ikyën tä nëëjën, ma tu'uk ja naax kajpnën mëti'ipë ni'ik oyën këtiinëm jyëtu'unëty wiinkëtypë kajpn.

Salmos 105:39

Dios ojts tkexy yë yoots nëma'a këtiipë yë Israel ja'ay nyi'antëty, ets ko kyoots'ajty jëën ojts mëët tu'uwinye'ey.

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Éxodo 14:24

E kujk ënety ëka'any jyajtä'äky ko ja wintsën t'ijxy ja maytsyiptuunpëtëjk japë Egiptë tsyoontën. E ja Dios jap ënety yajpaaty ma ja yootsën, jëtu'unpë kyëxë'ëkyën tä yë jëënën, ënät jëtu'unyë tyimlokëjajtaaytyë ja tsiptuunpëtëjkëty, aakyë'ë ojts nyäy'ijxma'tënëtë.

Jeremias 31:2

Jëtu'un yë Wintsën y'ënä'äny: Ëjts oyës ojts yë njot nwinma'any nyajkëxë'ëky jam të'ëts'itjotm mëët ja naax kajpn mëti'ipë kyukäktën ja o'kën. Ma ënety ja Israel kajpn t'ixta'ayën ja po'kxtakn,