Deuteronomio 1:30 - Biblia Dc en Mixe de Quetzaltepec

³⁰ Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Biblia Mixe de Quetzaltepec

³⁰ Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Deuteronomio 1:30 ပူးပေါင်းရင်းမြစ်များ

2 Crónicas 32:8

Yë'ëjëty yi'iyë tyukjotmëk'ajtëp ko nyimay'atë, ëëts'ajtëmë yë'ë ntukjotkujk'ajtëm yë Wintsën, jä'ä ko yë'ë xypyutëkëja'anëmë ko pën mëët ntsiptu'unmëty. Ko ja ja'ay jëtu'un tmëtoowtë ja aaw ayuk tkäjpxy ja yajkutujkpë Ezequías, ënät jyotmëkpëjktë.

Nehemías 4:14

Koos n'ijxy ko tsë'këtyëp, ënätës n'ënëmaay ja yu'kya'kpëtëjkëty, ja yajkutujkpëtëjk ets ja mayjyä'äyëty: Këtii xytsyë'ëkëtëty. Ja'amyätstë ko Wintsën mëj ni'ik ets kutsë'ëkë, nitsiptuntë mjëëky mëku'ukëty, m'u'unkëty m'ëna'këty ets mkujëën mkutëjkëty.

Nehemías 4:20

Paaty yam n'ënëëmëtë: Jam ma myajpaatën, ko xymyëtoowpaatëty ja xuxn xyu'uxy, ënätyë ëëts xypyuwa'akëtëty ets nTeety'ajt nKoon'ajtëm tëë tnijawë wi'ix xynyitsiptuna'anëmë ëëtsajtëmë.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Éxodo 10:21

Ënet ja Dios ojts t'ënëëmë ja Moisés: Xajë'ëk yë mkë'ë ets yujkxaj tsajpkëjxm ets kyootsëtya'ajëty ma tëkokyë Egiptë kyajpnën, yajxon jëtu'un kyootsëtyëkoyëty, jëtu'un yaj'ixëty mëpaatëp yowë yajtoonë.

Éxodo 14:14

Miitsëty këtiimës mmaytyë mtajtë, yë Dios yë'ë mnitsiptunanëtëp.

Éxodo 14:25

Ënet mya'taay ja kepy wintëkäämpë nyiye'eypyäjn ets oywyi'ix ojts jyaak nëjkxtë, paaty ojts y'ëna'antë ja Egiptë ja'ayëty: Nikë tsojk ntimkyukäkëmë yë Israel ja'ayëty, jä'ä ko jëtu'un kyëxë'knë yë Tyiosëty yë'ë yowë kuwanëtëp ets yë'ë nitsiptuunëtëp ma ëëtsajtëmën.

Éxodo 19:4

Miitsëty tëë kë'ëm xy'ixtë wi'ixës ëxëëk të ntunyën yë Egiptë ja'ayëty ets wi'ix miitsëty yaa të nyajmintën maas yaa nyajpaatyën, pojën yaj'ixy të mintë jëtu'un tä jeexyë jam mkäknëtyën.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Romanos 8:37

Ko tii xyjyajtëm xykyëpäjtëm, nmëmëtakëm, jä'äkyëjxm ko ja Kristë xypyutëjkëmë, mëti'ipë ni'ik xytsojkëmën.

Deuteronomio 1:29

Ënet ojts miitsëty n'ëtsowtë: Këtii nëkoo mkumay mkutajëtë, këtii tääpë ja'ayëty xytyimtsë'ëkëtë.

Deuteronomio 11:3

Wi'ix mëj këjää jap winë tuunyën Egiptë, ko ja ëyo'on tyajkëtäky ma yajkutujkpën ets ma tu'kë'ëyë ja nyaax kyajpnën.

Deuteronomio 29:2

Ko ja Moisés tyajtu'ukmujktaay ja naax kajpn, ënät t'ënëmaay: Miitsëty Israel ja'ayëty, tëë xy'ixtë wi'ix yë Wintsën o'ktëy të tunyën yë yajkutujkpë mëët yë wyintsëntëjk jënu'un mëët tyuunmukyën jap Egiptë.

Deuteronomio 3:22

Ni pën xykyatsë'ëkëty. Jä'ä ko yë mWintsën mkuwa'ananëp ets mnitsiptunanëp.

Deuteronomio 31:3

E miitsëty yë'ë yam ntukmëtowantëp ko këtii mmaytyëty mtajtëty, yë Wintsën yë'ë xëmë yajpaataanp ma miitsëtyën ets yë'ë nëjkx kë'ëm tyajkutëkooytyä'äy ja naax kajpn maajaty ënety mnaxtën ets nëjkx xynyiwa'aktë ja it naaxwiinyëtë. Yë Josué yë'ë nëjkx mtu'uwinye'eyëtë ets yë'ë nëjkx mnikopk'atëtë, jëtu'un tä yë Wintsën të tnikäjpxyën.

Deuteronomio 34:11

ëkë tyaj'ixëtëty mëjwiin këjää ja Wintsën ja myëj'ajtën tä yë Moisés jap tuunyën Egiptë yajkutujkpë wyintuuy, ko ja ëyo'on jap kyëtäky mëjwiin këjää ma ja yajkutujkpën ets ma ja wyintsëntëjkën,

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Dios jap Egiptë?

Deuteronomio 7:18

Tyam miits n'ënëëmëtë, ko këtii xytsyë'ëkëtëty. Yë'ë ëkja'amyätstë wi'ix yë Wintsën tuunyën yë yajkutujkpë ets tëkokyë yë Egiptë ja'ayëty.

Josue 10:14

Tyampaat ka'ap maa yajmëtoy'äty yë xëëw y'ëkwë'ëmnë, tä ojts wyi'imyën tëëyëp ma ja Dios tmëtoow'ijtyën tu'uk ja ja'ay mëti'ipë mëkajpxën, jä'äkyëjxm ko ja Wintsën tputëjkëy ja Israel kajpn.

Josue 23:3

Miitsëty wa'ats të xy'ix xynyijawëtë wi'ix yë Wintsën të tunyën yë naax kajpn mëti'ipë ënety ka'ap t'ëwa'atstën ets najxmëty. Tëkokyë mëti'ipë të xy'ixtën mëët miitskyëjxmëty të tuny.