Deuteronomio 1:29 - Biblia Dc en Mixe de Quetzaltepec

²⁹ Ënet ojts miitsëty n'ëtsowtë: Këtii nëkoo mkumay mkutajëtë, këtii tääpë ja'ayëty xytyimtsë'ëkëtë.

Biblia Mixe de Quetzaltepec

²⁹ Ënät ojts miitsëty n'ëtsowtë: Këtii nëkoo mkumay mkutajëtë, këtii tääpë ja'ayëty xytyimtsë'ëkëtë.

Deuteronomio 1:29 ပူးပေါင်းရင်းမြစ်များ

2 Crónicas 20:15

Mëtoow'itë ya'atë aaw ayuk mëti'ipës yam nikajpxäämpyën ma miitsëtyën Judá ja'ayëty, mëti'ipë yaa ijtëpën tsënaaytyëpën Jerusalén ets näjyëtu'un mijts Josafat. Jëtu'un m'ënë'ëmxëtë yë Wintsën: Këtii ninu'un mtimtsyë'ëkëtëty ma tääpë maymyëtsipën, jä'ä ko ma ya'atë tsip tyuna'anyën ka'ap myiitsëty mtsiptuna'antë, yë Wintsën yë'ë tsiptunaanp.

Nehemías 4:14

Koos n'ijxy ko tsë'këtyëp, ënätës n'ënëmaay ja yu'kya'kpëtëjkëty, ja yajkutujkpëtëjk ets ja mayjyä'äyëty: Këtii xytsyë'ëkëtëty. Ja'amyätstë ko Wintsën mëj ni'ik ets kutsë'ëkë, nitsiptuntë mjëëky mëku'ukëty, m'u'unkëty m'ëna'këty ets mkujëën mkutëjkëty.

Nehemías 4:8

ënät tu'ukyë tkajpxmujktë wi'ix tnitëkëja'antë ja Jerusalén kajpn ets wi'ix ëxëëk y'ëk'ëtë'ëtsa'an y'ëna'ana'antën.

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

Deuteronomio 1:30

Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Deuteronomio 31:6

Amëk jotmëk mnäjyawëtëty, këtii mtsë'ëkëtëty ko ënety yë mëtsip muum xywyinkuwa'akëtë. Jä'ä ko yë Wintsën yë'ë yajpaataanp ma miitsëtyën ets ka'ap nijëna'a m'ëxmatsa'anyë.

Deuteronomio 7:18

Tyam miits n'ënëëmëtë, ko këtii xytsyë'ëkëtëty. Yë'ë ëkja'amyätstë wi'ix yë Wintsën tuunyën yë yajkutujkpë ets tëkokyë yë Egiptë ja'ayëty.