Deuteronomio 1:27 - Biblia Dc en Mixe de Quetzaltepec

²⁷ Ets ma ja mjëën mtëjkëtyën, ojts mtëkëtë ëëpë kajpxpë ets m'ënantë: Yë Wintsën ka'ap yowë xytsyojkëmë. Paaty të xyjyu'tëmë jap Egiptë ets yaa të xyajmi'inëmë, ma Canaán ja'ayëty yë nyaaxjotëtyën ets ënät yë Amor ja'ayëty xyaj'o'ktä'ämyëty.

Biblia Mixe de Quetzaltepec

²⁷ Ets ma ja mjëën mtëjkëtyën, ojts mtëkëtë ëëpë kajpxpë ets m'ënantë: Yë Wintsën ka'ap yowë xytsyojkëmë. Paaty të xyjyu'tëmë jap Egiptë ets yaa të xyajmi'inëmë, ma Canaán ja'ayëty yë nyaaxjotëtyën ets ënät yë Amor ja'ayëty xyaj'o'ktä'ämyëty.

Deuteronomio 1:27 ပူးပေါင်းရင်းမြစ်များ

Salmos 106:25

jap ma ënety y'itën tsyëënëtën ëxëëkjaty ja Dios jap tnikäjpxy tnimëtyaktë ets ka'ap tmëmëtoowtë mëti'ipë jayajtuk'ënä'ämtën.

Éxodo 16:3

Y'ënantë: Nikë oy jeexyë yë Dios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

Mateo 25:24

E kom ok myiiny ja tuunpë mëti'ipë ja meeny y'ëxajëyën tu'uk mil ets ja wyintsën t'ënëmaay: Wintsën, nija'apës ko mijts m'ëwa'anëty ets nija'apës ko jam ja pëjktä'äky xyajpëtë'ëky ma ka'ap mni'ipy mkojyën ets myajpëtë'kpy ja pëjktä'äky ma ka'ap të mtëëmwëjyën.

Lucas 19:21

jä'ä ko mijts ntsë'këp, mijts ëxëëk mja'ay'äty; jam winë xyajmuky ma ka'ap tii të xyäkyën, ets myajpëtë'kpy ja pëjktä'äky ma ka'ap të mpeny të mkojyën.

Deuteronomio 9:28

Këtiipë käjpxy jam y'ëna'anëty ma ojts xyajpëtsëmyën: Yë Wintsën ka'ap të myäyë ets tääpë naax kajpn jam tyajja'tëty ma ja it naaxwiinyëtën, mëti'ipë tyukwinwa'anëyën, e jä'ä ko wyiink'ijxypytyëm jëtu'un, je'eyë ojts yaa twoowtsoony ets jam të'ëts'itjotm t'ëxmajtsy ets y'o'kta'atëty.