Deuteronomio 1:21 - Biblia Dc en Mixe de Quetzaltepec

²¹ Yë Wintsën mëti'ipë miits mTiosajtëpën, yë'ë ya'atë naax kam mooyëtëp. Paaty jä'ä'atë jëtu'un ya'atë naax kajpn, nitsiptuntë. Jä'ä ko yë Wintsën mëti'ipë m'ap m'ok Tyios'ajtëpën tëë mmo'ojëtë jëtu'un tä të tukwinwanën ja aptëjk, këtii mtsë'ëkëtë ets këtii mkumay mkutajëtë.

Biblia Mixe de Quetzaltepec

²¹ Yë Wintsën mëti'ipë miits mTiosajtëpën, yë'ë ya'atë naax kam mooyëtëp. Paaty jä'ä'atë jëtu'un ya'atë naax kajpn, nitsiptuntë. Jä'ä ko yë Wintsën mëti'ipë m'ap m'ok Tyios'ajtëpën tëë mmo'ojëtë jëtu'un tä të tukwinwanën ja aptëjk, këtii mtsë'ëkëtë ets këtii mkumay mkutajëtë.

Deuteronomio 1:21 ပူးပေါင်းရင်းမြစ်များ

Nehemías 9:15

Mooyë näjyëtu'un tsajpkääky ets ku'uxyë kyäytyëty y'uuktëty ets nëë tsaajotypë pyëtsiimyën ets nyëëtëëtsë tyajmontëty. Ets ok xy'ënëmaay ko tniwäänta'atëty ja it naaxwiinyëtë ma ënety të xytyukwinwa'anëmën.

Salmos 46:1

Dios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Salmos 46:7

Yë Wintsën mëti'ipë maaytyääyëpën winë, yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë Jacob y'ëwtajtën.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Dios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Deuteronomio 1:20

Jamts ojts n'ënëëmëtë: tëë ënät yaa nja'ajtëmë kopkjoty, ma Amor ja'ayëty tsyëënëtën, mëti'ipë yë Dios të xymyo'oyëmën.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Deuteronomio 20:3

ets t'ënëëmëty: Mëtoow'itë ya'atë aaw ayuk miitsëty Israel ja'ayëty. Tyam miits yë mëtsiptëjkëty xywyinkuwa'akëja'antë, këtii nijënu'un mtimtsyë'ëkëtëty ets këtii mwinmaaytyëkatstëty.

Deuteronomio 31:6

Amëk jotmëk mnäjyawëtëty, këtii mtsë'ëkëtëty ko ënety yë mëtsip muum xywyinkuwa'akëtë. Jä'ä ko yë Wintsën yë'ë yajpaataanp ma miitsëtyën ets ka'ap nijëna'a m'ëxmatsa'anyë.

Deuteronomio 7:18

Tyam miits n'ënëëmëtë, ko këtii xytsyë'ëkëtëty. Yë'ë ëkja'amyätstë wi'ix yë Wintsën tuunyën yë yajkutujkpë ets tëkokyë yë Egiptë ja'ayëty.

Deuteronomio 7:21

Paaty yam n'ënëëmëtë ko këtii tääpë ja'ayëty xytsyë'ëkëtëty, jä'ä ko yë Wintsën mëti'ipë mëjën ets kutsë'ëkën yë'ë mputëkëjanëtëp.

Deuteronomio 9:23

E ko yë Wintsën ojts tni'ënä'ämë ets jam mtsoontëty Cades-barnea ets mnëjkxëty ma ja it naaxwiinyëtë mo'oja'anëtën, miitsëty ka'ap ojts xymyëmëtowtë, ka'ap xymyëpëjktë mëti'ipës ojts tjanikäjpxyën.

Hebreos 13:6

Paaty ëëtsajtëm jyëkyejpy n'ëna'anmëty akujk jotkujk: Yë Wintsën yë'ëjës xypyutëjkëp, paatyës ka'ap ntsë'ëkë. ¿Wi'ixës yë ja'ay xynyatunëty?

Josue 1:6

Jotkujk ets jotmëk mtimnyäyjyawëtëty, jä'ä ko mijts nëjkx xyajwä'kxy ja it naaxwiinyëtë ma ya'atë naax kajpnën, yë'ëjës ntukwinwa'anëy ja m'ap m'okëty koos n'ënëmaaytyë ko ja kyuma'ayën nmo'oja'antës.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.