Deuteronomio 1:17 - Biblia Dc en Mixe de Quetzaltepec

¹⁷ Ko tii poky xynyipaye'eyëty, këtii pën tu'uk xy'oyjyawëty ets tu'uk xy'ëxëëk'ixtëty. Tu'knax ja ja'ay xyjyawëtëty, wä'än yë'ëjëty mëti'ipë ëmaay amutsk yajpatpën ets wä'än yë'ëjëty jotkujkja'ayëty. Ni pën xykyatsë'ëkëty, jä'ä ko ja oypyë ets ja tëyajtënpë ja nipaye'eyën Dios yë jyä'ä. E pën jamts ja jotmay mëti'ipë m'ijxtëpën tsip xyaj'oyëtëty, yaa käjxnaxtë ma ëjtsën, ëjts yam nija'ap wi'ixës nyaj'oyë.

Biblia Mixe de Quetzaltepec

¹⁷ Ko tii poky xynyipaye'eyëty, këtii pën tu'uk xy'oyjyawëty ets tu'uk xy'ëxëëk'ixtëty. Tu'knax ja ja'ay xyjyawëtëty, wä'än yë'ëjëty mëti'ipë ëmaay amutsk yajpatpën ets wä'än yë'ëjëty jotkujkja'ayëty. Ni pën xykyatsë'ëkëty, jä'ä ko ja oypyë ets ja tëyajtënpë ja nipaye'eyën Tios yë jyä'ä. E pën jamts ja jotmay mëti'ipë m'ijxtëpën tsip xyaj'oyëtëty, yaa käjxnaxtë ma ëjtsën, ëjts yam nija'ap wi'ixës nyaj'oyë.

Deuteronomio 1:17 ပူးပေါင်းရင်းမြစ်များ

Génesis 18:25

Ka'ap yowë myëtëyëty ets xyaj'ookëty mëti'ipë ka'ap tii tuuntëkoyën mëët tu'ukyë ja mëti'ipë pokymyëëtën, jëtu'un tä jeexyë tu'knax të pyokytyuntën. Këtii jëtu'unpë xytyuny. Mijts yajkutujkpë yë'ë naaxwiinyëtë apëtsëmy. ¿Këtii xynyipaye'eyä'änyë?

2 Samuel 14:14

Yë'ë tëyajtën yë'ë ko kopkpëky ko jëna'a n'o'kmëty; ëtsajtëm jëtu'un'ajtëm tä nëëjën ko nyajtstämë ka'ap tjëkyepy n'ëkyajpëtë'kënëty. Yë'ë tëy yë Wintsën ni pën yë jyuukyajtën tkapëjkë, ni'ikyë tsoky tjawë ets ja'ay jyuuky'atëty ets ja mëti'ipë ke'ekyjyëtijtpën yajwinpijtyp jatëkok ma jyëën tyëjkën.

2 Crónicas 19:5

Ojts ëpëky näjyëtu'un tnikajpxpety ja kutuunktëjk maajaty ja kajpnën mëti'ipë këwent'aty ijtëpën ets ta'tspëky mëët ja mëjnapotsy.

2 Crónicas 19:6

Jëtu'un t'ënëmaay ja kutuunktëjk: Yajxon winë oy xynyipaye'eytyëty, jä'ä ko miitsëty ka'ap yë'ë xyajtuna'antë mëti'ipë ja naaxwiinyëtë ja'ay wyinma'any'äjtypyën, yë'ë myajtuntëp mëti'ipë ja Wintsën nyikäjpxypën ko ja nëë poky xynyipaye'eytyëty.

Job 31:34

jä'ä ko yë'ëjës ja'ay ntsë'këp. Ka'apës nijëna'a ku'ëtuky të näpyëjktä'äkyë ëkë amonyë, mëët yë'ë koos ntsë'ëkë ko wi'ix y'ëna'antëty yë njëëky nmëku'ukës.

Salmos 82:2

¿Jëna'apaat miitsëty aak tëkatsy winë xynyipaye'eya'antë, ets jä'ä mputëkäjantëp ja ja'ayëty ëxëëkpë winë tuntën tkajpxtën?

Éxodo 18:18

Jä'ä ko mijts nëkoo je'eyë mnäyaj'ënu'kxëty ets ja'ayëty mëti'ipë jam tu'kxëëwpaaty mnatënaayëpën. Ya'atë tuunk mëti'ipë mtuunpyën mëk oynyë ets mijts atu'uk xytyuunk'aty, ko jëtu'un tyu'uye'eyëty ka'ap mëta'akëty.

Éxodo 18:22

Yë'ë nëjkx winë tnipaye'eytyë oy tyimjëna'ajëty ma ja naax kajpnën; e ja jotmay mëti'ipë timkëjääjën yë'ë mtukniminëtëp, e mëti'ipë nayiin nawäänën yë'ë kë'ëm yajwintu'upëktëp. Ko jëtu'un xytyunëty mëj këjää ënety ja tuunk mnätyuknipëjktu'utyë. Tääpë ja'ayëty yë'ë nëjkx mputëkëty ets oy ja mtuunk wyimpëtsëm jyëjpëtsëmëty.

Éxodo 18:26

Yë'ë ijty winë pyaye'eytyëp oy tyimjëna'ajëty ma ja naax kajpnën. E ja amay jotmay mëti'ipë mëj këjääjën yë'ë tyukninëjkxtëp ja Moisés; e ja mëti'ipë nawäänën yë'ë kë'ëm yaj'o'oyëtëp.

Proverbios 18:5

Ka'ap y'oyëty ko yë kutuunktëjk t'oyjyawëtë tëëpë tyuuntëkoyën jä'ä ko tsojk ka'ap tii yajxon tnipaye'eya'antëty ets yë'ë wa'ats ja'ay t'ëkyajpokytyëjkënëtëty.

Proverbios 24:23

Ya'atë ojts näjyëtu'un tkajpxtë wijyjyä'äytyëjkëty. Ka'ap y'oyëty ko jam ma kutujktaknën win'ixy wiinkexy ja'ay yaj'oyjyawë.

Proverbios 28:21

Ka'ap y'oyëty ko win'ixy wiinkexy ja'ay yajtsoky, yë'ëpaat ja'ay yajtëkoyë tu'ktukpyë tsajpkääky.

Proverbios 29:25

Mëti'ipë ja'ay myënaaxwiinyëtë ja'ay tsyë'këpën, kyë'ëm winma'any ëxëëk yajjajt yajkëpäjtëp; e mëti'ipë ja'ay yë Dios tyuk'ijxpejtypyën, Dios këwent'atanëp.

Jeremias 1:17

E mijts jotmëk mnäpyëjkta'akëtëty; nëjkx ets xy'ënëëmëty ijxtëm të ntuk'ëne'emyën. Këtii ni pën xytsyë'ëkëty, jä'ä ko pën mijts mtsë'këp ni'ikyë nyajtsëyuuypyëka'any ma yë'ëjëtyën.

Malaquías 2:9

Paaty n'ëna'anyës, mëët yë'ëkyëjxm ko ka'ap të xymyëmëtowtës ets mëët yë'ëkyëjxm ko ka'ap tu'knax yë ja'ay të xyaj'ijxpëktë, ëjts nyajkutukäämpyës ets naax kajpn m'ëxëëk ixëtëty ets ka'ap mtsokëtëty. Yë Wintsën mëti'ipë maaytyääyëpën winë yë'ë jëtu'un ënaanp.

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Marcos 12:14

Ënet ojts nyëjkxtë ets ja Jesús yajnëmaay: Wintsën, nija'awëtyëp ëëts ko mijts mëtëy mja'ay'äty, jä'ä ko ka'ap xymyëjpëjktä'äky oy pën wi'ixjaty m'ënë'ëmxëty, ka'ap yë'ëkyëjxmëty tii xynyikäjpxy ets ja'ay mtsokëtëty. Mijts yë'ë ja'ay mtuk'ëwa'anëp ja Dios ja nyë'ë'aaw tyu'u'aaw. ¿Oy ko yë yajkutujkpë César nmëkëpäjtmëtyë ëkë ka'apë? ¿Jyëkyejpy nmo'omyëty yë meenyë ëkë ka'apë?

Lucas 20:21

Paaty ojts tyajtëwtë: Wintsën, nija'awëtyëp ëëts ko mijts mkäjpxy ets myaj'ijxpëky ijxtëm pyaat'atyën ets ka'ap yë'ë xytyuny mëti'ipë ja naaxwiinyëtë ja'ay tsyojktëpën. Mëtëy yë'ë ko mijts yë'ë ja'ay mtukni''ijxëp ja Dios ja nyë'ë tyu'u.

Romanos 2:11

Jä'ä ko Dios, ko pyaye'ey ni pën tka'apupety;

Efesios 6:9

E miitsëty wintsënëty mëti'ipë yajtuunpë tuuntëpën, wintsë'ëkëtë ja mtuunpëtëjkëty, këtii xy'ëtsu'uxya'axtëty. Miits tëë xynyijawëtë ko jëtu'un miitsëty ijxtëm yë'ëjëtyën, tu'ukyë xymyëtuntë ja Wintsën mëti'ipë tsajpjotmën; yë Dios ka'ap pën twiink'ixy, wä'än tmëtuunpë ëkë tkamëtuunpëty.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Dios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Dios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Deuteronomio 16:19

Këtii yë tëyajtën xyajma'atëty, këtii yë ja'ay tu'uk xy'oyjyawëtëty ets tu'uk xy'ëxëëk'ixtëty, ko tëyajtën winë xynyipaye'eya'antëty, këtii ja'ay mnätyukwin'ëënëtëty ko yë wit meeny mjamo'oja'anëtëty ets jëtu'unyë ja pyoky xyajninaxtëty. Jä'ä ko jëtu'unpë yajwinma'anytyëkoopy yë wijyjyä'äytyëjk ets ka'ap tii oy t'ëkkajpxnëtë mëti'ipë oy ja jyot wyinma'anyëtyën.

Deuteronomio 24:17

Këtii nëkoo o'ktëy xytyuntëty yë jaaypyo'kxy, ni yë'ë ëxaty xykyatuntëty yë ku'ooky u'unk ets ja ku'ookytyo'oxy, ko ënety mënu'kxy'ätyë. Këtii yë wyit tyujkxy xypyëjkëtëty mëti'ipë ja nu'kxy mtukutëkëtëpën.

Deuteronomio 25:1

Ko nimäjtsk yë ja'ay tsyiptuntëty, nimäjtsk mëpaat jam nyëjkxtë ma ja yajkutujktaknën ets yajnipaye'eytyëty ja pyokyëty ets ja kutuunktëjkëty yë'ë nëjkx nikajpxtë pën ënety pokymyëët ets pën ka'ap.

Colosenses 3:25

Mëti'ipë ja ëxëëkpë tyuuntëpën, tukupätëtëp ja Dios, jä'ä ko yë'ë paye'epy ijxtëm pyaat'atyën ets yë'ë ka'ap pën twiink'ixy.

1 Tesalonicenses 2:4

Ni'ikyë ja Dios ojts t'oy'ixy ets xytyuknipëjktës etsës nkajpxwa'kxtëty ja oy aaw oy ayuk ets jëtu'unës nimëtya'aktë. Ka'apës yë'ëjëty ntsoktë etsës ja ja'ay xy'oyjyawëtëty, yë'ëjës ntsojktë etsës ja Dios xytyukjotkëta'aktëtyës, mëti'ipë tyuk'ijxnajxypyën Wi'ixës ja n'aaw njotëty.

Santiago 2:9

Pën win'ixy wiinkexy ja mmëku'uk xytsyoktë, poky ënety mtuuntëp, ja Dios ja y'ënä'ämën ënety mmëtëkooytyëp.

1 Pedro 1:17

Pën miitsëty Tatë, xynyëëmëtë ja Dios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

1 Samuel 16:7

Tä ja Wintsën y'ënëmaayë: Këtii yë'ë xy'ixëty yë wiin jëjp, wi'ix y'ixë'atyën yë ja'ay, wi'ix kyonëtyën ëkë yenyëtyën. Jä'ä ko ka'apës yë jëtu'unpë nmëjpëjktä'äky. Ka'ap yë'ë tyuna'any mëti'ipë yë naaxwiinyëtë ja'ay y'oy'ijxypyën. Yë naaxwiinyëtë ja'ay yë'ë y'oy'ijxyp mëti'ipë je'eyë nëkëjxy oykyëxë'kpën, ëjts ka'apës yë'ëjëty jëtu'unpë n'ixy, yë'ëjës n'ijxyp wi'ix yë ja'ay jyot wyinma'anyëtyën.

1 Samuel 2:25

Pën yë ja'ay myëtëkoopy yë myëku'uk, yë Wintsën jyëkyejpy nyipaye'eyëtëty, e pën tu'uk yë ja'ay myëtëkoopy yë Dios. ¿Pën jää nëjkx y'ëknipaye'eyë? Yë'ëjëty ka'ap tmëtoowkujkëtyë oy jëtu'un ja tyeety jya'ënëmaayëtë, jä'ä ko yë Wintsën tëë ënety tuknipëjktaakë ko yaj'ooka'anëtë.