Deuteronomio 1:10 - Biblia Dc en Mixe de Quetzaltepec

¹⁰ May'äämpy yë Wintsën, mëti'ipë miits mTiosajtëpën yë u'unk ëna'k të mmo'ojëtë. Paaty ënät tyam janty nimay mkëxë'ëktë, jëtu'un tä mëtsa'a tsajpwinm myäykyëxë'ëktën.

Biblia Mixe de Quetzaltepec

¹⁰ May'äämpy yë Wintsën, mëti'ipë miits mTiosajtëpën yë u'unk ëna'k të mmo'ojëtë. Paaty ënät tyam janty nimay mkëxë'ëktë, jëtu'un tä mëtsa'a tsajpwinm myäykyëxë'ëktën.

Deuteronomio 1:10 ပူးပေါင်းရင်းမြစ်များ

Génesis 15:5

Ënet ojts yë Wintsën yë Abram tyajnëjkxy ëpëky ets t'ënëmaay: Ëk'ix yë mëtsa'a tsajpjotmëpë, ëkmëtyow pën y'ëkjëkyejpy xymyëtyoowëty. Timjëtu'un myäy'ata'any yë m'u'unk m'ok jëtu'un ijxtëm yë mëtsa'a myäyëtyën.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Génesis 28:14

Yë m'u'unk m'ok jëtu'un nyimay'ata'antë ijxtëm yë naaxwayën ets xiitsow yaatsow tyajwintuka'antë yë naaxwiinyëtë, jëtu'un anëkëjxy'äämpy ets ëpa'tkë'ëy'äämpy, a'oytsyow ets anajnytsyow. Tu'kë'ëyë ja'ayëty kënu'kxy y'ita'antë mëët mijtskyëjxm ets m'u'unk m'ëna'këty.

1 Crónicas 27:23

David ka'ap ojts tyajnokytyëkë ëna'këty mëti'ipë ënety ka'ap jyëmëjt tpaatynyëmën i'px, jä'ä ko tëë ënety Wintsën y'ënä'äny ko yajmayëjäämpy ja'ay jëtu'un tä jam tsajpwinm kyëxë'ëkyën yë mëtsa'a.

Nehemías 9:23

Nimay ja y'u'unk y'ëna'k xymooy tä mëtsa'ajën tsajpkëjxm yaj'ixyën, tääts jam xywoownëjkxtaay ma ja it naaxwiinyëtën mëti'ipë ënety ja y'aptëjk të xytyukwinwanën.

Salmos 107:38

Yë'ë kyënu'kxyp ets yë'ë kë'ëm tyuknipëjktakëp ets myëjwiin kyëjääjëty yë jyëyujk tsyajpkaajëty.

Éxodo 12:37

Jam ojts yë Israel ja'ayëty tsyoontë ma tu'uk yë kajpnën mëti'ipë xyëëwajtypyën Ramsés ets jam jya'ajtë Sucot, jä'ä ënety ja ye'etyëjktëjk nyiwinë'atë nitëtujk mëko'px, mëti'ipë jyëkyäjpnëp tsyiptuntëtyën. Yë to'oxytyëjkëty ets pi'k'ëna'këty ka'ap ojts yajmëtyowtë.

Éxodo 32:13

Yë'ë ja'amyäts mëti'ipëjaty oy mmëtuunën tä yë Abraham, Isaac ets Jacob, mëti'ipës ojts kë'ëm xy'ënëëmë ma ja mxëëw kë'ëm xytyukkajpxpejtyën. Ëjts nyajnimayëjäämpyës yë m'u'unk m'ok, jëtu'un nyimay'atëty tä yë mëtsa'ajën, mëti'ipë jamën tsajpjotm ets ya'atë it naaxwiinyëtë, mëti'ipë yam ntukwinwa'anëtyëpën yë'ëjës nmo'ojantëp.

Isaías 51:2

Ixtë ja Abraham, mëti'ipë miitsëty mteety'ajt m'ap'ajtëpën, ja Sara mëti'ipë myajmëxu'unk'ajtëtën. Koos ojts nmëkäjpxy nimäjtskpajk ënety je'eyëty; e koos ojts nkënu'kxtë tääts nyimayëtë ets tpatë may ja y'u'unk y'ëna'k, y'u'unk y'ok.

Ezequiel 16:7

Ets nyajye'ky tä aay ujts yonyën kamjoty, ojts myeeky mpety, koonëm m'awinpijty tu'uk to'oxytyëjk, ojts ja mtsi'tsk yeeky ets myujxtaay ja mwaay. Je'eyëp ko mniwa'ats m'ëxwa'ats.

Deuteronomio 1:11

Yë Wintsën mëti'ipë yë m'ap m'ok Tyios'ajtëpën, yë'ë y'a'ixëp ets miitsëty jaakni'ik mnimayëtëty ets mkënu'kxëtëty jëtu'un tä yë'ë të tnikäjpxyën.

Deuteronomio 10:22

Ko ja m'ap m'okëty jap jyajtë Egiptë, je'eyë ënätyëty nitëkë'px majk. E yë Wintsën yë'ë të tuknipëjktaakë ets mnimayëtëty. Miitsëty nimay myajpatnëtë, jëtu'un tä yë may myatsa'a kyëxë'ëkyën tsajpjotm.

Deuteronomio 26:5

Ets m'ëna'anëty jam mWintsën wintum: Ëëts yë nteety n'apëty, mëti'ipë arameë ja'ayëtyën, tëëyëp jëtu'unyë ojts jyëtitë, ok ojts jap nyëjkxtë Egiptë ets jap tsyënaaytyaknpëjktë. Japts ojts yajxon nyimayëtë ets tu'uk mëj kajpn y'awinpijtë, tääts ojts myëkta'aktë.

Deuteronomio 28:62

E mijts Israel kajpn oy ënety janty nimay të mjayajpaatë, yiin wään nëjkx mjaakwinkëta'aktë, e mëët yë'ëkyëjxm ko ënety ja mWintsën Dios të xykyamëmëtowtë.

Deuteronomio 7:7

Ko yë Wintsën miits të mtsojkën'atëtë ets të mwin'ixëtë, ka'ap yë'ëkyëjxmëty ko mnimay'atë. Jä'ä ko tää wiinkëtypë kajpn ma ni'iknimay yë ja'ayën, miits mniwäänë oyëty.