Deuteronomio 1:1 - Biblia Dc en Mixe de Quetzaltepec

¹ Ya'atë ojts yë Moisés tkäjpxy tmëtyä'äky ma ja Israel kajpnën ma ënety jam yajpaatën të'ëts'itjotm, a'oytsyow ma ja Jordán mëjnëëjën, jam Arabá ma mëët nyäwyinku'ixëtyën yë Suf, itkujk wyi'imy ma ja it naaxwiinyëtë txëëwatën Parán, Tofel, Labán, Hazerot ets Dizahab.

Biblia Mixe de Quetzaltepec

¹ Ya'atë ojts yë Moisés tkäjpxy tmëtyä'äky ma ja Israel kajpnën ma ënäty jam yajpaatën të'ëts'itjotm, a'oytsyow ma ja Jordán mëjnëëjën, jam Arabá ma mëët nyäwyinku'ixëtyën yë Suf, itkujk wyi'imy ma ja it naaxwiinyëtë txëëwatën Parán, Tofel, Labán, Hazerot ets Dizahab.

Deuteronomio 1:1 ပူးပေါင်းရင်းမြစ်များ

1 Reyes 11:18

Jam tsyo'ontë Madián ets jyajtë Parán; jamts ojts twoowmuktë ja'ay jampë kyukajpn'atën ets myëëtunëtëty. Ko jap Egiptë jyajtë ojts jam nyäkyajpxkëxë'ëkëtë ma ja yajkutujkpën, ja yajkutujkpë janty'oy ojts y'ëxajëtë, mooyëtë ka'ayën ukën ets naax kam.

Habacuc 3:3

Jamtsow yë Wintsën tsyoony ma Temán ets Parán y'itjotmën jamtsow yë Dios wa'atspë myiny. Yë myëj'ajt y'oyajtën jëtu'unyë jam tsajpkëjxm jyajwä'kxy ets ja naaxwiinyëtë ja'ay y'ëwtatyë ets wyin'ëw wyinyä'äxyë.

Deuteronomio 2:8

Ënet ëëts jam najxtë ma txëëwatyën Arabá, Elád ets Esión-guéber, tääts ojts ntukja'tës ja nyaax kyamëty ja njëëky nmëku'ukëtyës, jä'ä jëtu'un ja y'u'unk y'ok ja Esaú mëti'ipë ënety jam tsënaaytyëpën Seir. Jam ojts n'ëwtitës ets n'apatës ja tu'u mëti'ipë najxpën jam Moab.

Deuteronomio 27:1

Ënet ja Moisés mëët ja mëjja'aytyëjkëty ojts ja ënä'ämën tyaktë ma ja naax kajpnën: Mtuntëp ya'atë mëti'ipë yam myajtuk'ënä'ämtëpën.

Deuteronomio 29:1

Jëtu'un ojts jyëjpkëxy ja mëtyä'äky mëti'ipë ja Wintsën tyuk'ënä'ämën ja Moisés ets tunëty tu'uk ja käjpxytyu'unën mëët ja Israel kajpn jam Moab. Ëpëky ja käjpxytyu'unën mëti'ipë tyuunën jam ma ja Horeb kopkën.

Deuteronomio 31:1

Ënet yë Moisés ojts tyajmujkta'ay yë Israel ja'ayëty ets t'ënëmaay:

Deuteronomio 33:2

ets y'ënäny: Jam Sinaí yë Wintsën të tsyoony; mëti'ipë të xykyutë'kx të xykyujajëmën maju'unëm ntso'onëmën jam Seir, jampaat të tyi'kxy ma Parán kopkën ets të nyäxy Meribá-cadés; ma y'a'oykyë'ëjën xytyuknimi'inëm ja ënä'ämën tëyajtën.

Deuteronomio 4:46

Ma ënety jam jyaak yajpaatënëm ëpa'tkë'ëmtsow ma ja Jordán nëëjën, jam joyjyotm winkon ma txëëwatyën Bet-peor ma nyaaxjotmën ja Sihón mëti'ipë yajkutujkpën ma Amor ja'ayëtyën. Yë Sihón jam ënety tsyëënë ma Hesbón kajpnën, e yë Moisés ets Israel ja'ayëty yë'ë ojts yajkutëkoyëtë ko jap tsyo'ontë Egiptë.

Deuteronomio 5:1

Wa'ats ja Moisés tyajtu'ukmujktaay ja Israel kajpn ets t'ënëmaay: Mëtoow'itë miitsëty Israel ja'ayëty ya'atë tëyajtën ets ya'atë aaw ayuk, mëti'ipë yam ntukmëtowantëpën. Yajwë'ëmtë yajxon mkëpajkjoty mwinma'anyjoty ets mpatuntëp.

Josue 22:4

E Tyam tëë tjanty tyuunta'ay tä ojts tnikäjpxyën ets akujk jotkujk yajpatnëtë ja mjëëky mëku'ukëty, tyam jyëkyäjpnëp mwinpitëty ma ja mjëën mtëjkëtyën, ma ja m'u'unk mto'oxytyëjkëtyën ets ma ja mnaax mkajpnëtyën mëti'ipë ja Moisés mooyëtën Jordán mëjnëë awinaxy.

Josue 22:7

Yë Moisés tëë ënety ëka'any tmo'oy ja nyaaxëty ja nikujkwä'kxypyë ja Manasés ja jyä'äy jam ma tu'uk ja it naaxwiinyëtë txëëwatyën Basán. E ja nikujkwä'kxy ja Manasés ja jyä'äy, jam ënety ja nyaax të myo'ojëtë ja Josué a'oytsyow ma ja Jordán mëjnëëjën; e ja mëjëyëjpë yë'ë ja Josué ojts tkënu'kxy ets ojts tkäjxwinpijnë nyëjkxtëty ma ja jyëën tyëjkëtyën.

Josue 9:1

Yë yajkutujkpëtëjk mëti'ipë jam ënä'ämtëpën ma Hit ja'ayëtyën, Amor ja'ayëtyën, Canaán ja'ayëtyën, Ferez ja'ayëtyën, Heve ja'ayëtyën ets Jebús ja'ayëty ojts tnijawëtë wi'ix ënety të jyäty të kyëpetyën jam Aí. Ya'atë yajkutujkpëtëjk jam ënety tsyëënëtë anajnytsyow'äämpy ma ja Jordán mëjnëëjën ets tëkokyë ma ja kopkjotmën, ma ja joyjyotmën ets jampaat ma ja Mejyën Naax'akujkpyë pya'ajën ets tyimja'ty jam ma ja Líbano y'itjotmën.

Josue 9:10

ets näjyëtu'un wi'ix tuunyën ja yajkutujkpëtëjk mëti'ipë Amor ja'ayëtyën jampë yajpaatën nëë'awinaxy ma Jordán mëjnëë jyënäkyën. Jä'ä ja Sihón mëti'ipë jam kukajpn'ajtpën Hesbón ets ja Og jampë y'ëne'emyën Basán mëti'ipë tsënaayën jam Astarot.

1 Samuel 25:1

Ko ja Samuel y'o'ky, wa'ats ja Israel ja'ayëty nyiye'eypyäjtaaytyë ets tnijëëy tniyaxtë. Jam tyajnaaxtëjkëtyë tyëkotm ma txëëwatyën Ramá. Ko jëtu'un kyijxy nyäjxy jam ojts ja David nyëjkxnë ma ja të'ëts'itjotm txëëwatyën Parán.