Daniel 9:24 - Biblia Dc en Mixe de Quetzaltepec

²⁴ Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Biblia Mixe de Quetzaltepec

²⁴ Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Daniel 9:24 ပူးပေါင်းရင်းမြစ်များ

2 Crónicas 29:24

E ko jëtu'un ja kyë'ë tkëxkoontaaytyë tääts tyaj'o'ktë ja tsajppax ets ja tsajpkaa; ja jyot nye'pny ojts tuknixikxtë ja wintsë'këntyakn, mëti'ipë ja nëë poky kyunajxypyën ja Israel ja'ayëty ja pyokyëty, jä'äkyëjxm ko jëtu'un ënety ja yajkutujkpë të tni'ënä'ämë ets ja naax kajpn ja nyëë pyoky yajtuunkëx yajkajpxkëxëty.

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

Salmos 45:7

Mtsojkpy mja'ap yë oyajtën ets m'ëxëëk'ijxyp yë ëxëëkajtën. Paaty mijts, Dios të mwin'ixyë, yë Dios mëti'ipë mTios'ajtypyën, ets të mmo'oyë yë xoontakën wäänëni'ik këtiinëm jyëtu'unëty ja mmëku'uktëjk.

Isaías 42:4

Ka'ap nëjkx pyo'kxy ets ka'ap nëjkx y'ënu'kxë, koonëm tyajnaaxkëta'akëty ja oypyë ja nipaye'eyën naaxwiiny naaxkëjxy. Ja naax kajpn nëjkxëp t'amëtoow'itë ja y'ijxpëjkën.

Isaías 51:6

Pa'at'ixtë jam tsajpkëjxm ets naaxku'ixëtë: Tä jok tä yootsën yë tsajp jyajta'aja'any; tä tukwit tuktujkxyën yë naaxwiinyëtë jyata'any ets naaxwiinyëtë ja'ay jëtu'un y'ooka'antë tsatsyën. E ëjts, ja nnitsokënës xëmëkyëjxm y'ita'any, ëjts xëmës nmëta'aka'any.

Isaías 51:8

jä'ä ko yë'ëjëty jëtu'un jyata'antë tä tukwit kyiitsyën, tä tukwit tyënë'kën. Ëjts ja nmëk'ajtënës xëmë y'ita'any, ets nitsokënës xëmëkyëjxm yajpaata'any.

Isaías 56:1

Jëtu'un ja Wintsën y'ënä'äny: Tuntë ja mëtëypyë ja nipaye'eyën, ja mëti'ipë tëy jaantyën, jä'ä ko tsojkës nyaj'ëwaatsëpëtsëma'any ja naaxwiinyëtë ja'ay; yë'ëjës nyaj'ixanëp koos xymyääpyës wi'ixës ja'ay nyaj'ëwaatsëpëtsëmëtyën.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Lamentaciones 4:22

Mijts Sión kajpn, tëë nyäxy ja mtëytyu'unën; ka'ap yë Wintsën m'ëk ixkäxanënë mnaaxjoty mkajpnjoty. Je'eyëp ko tyiytyunäämpy yë mtëko'oyën mijts Edom kajpn ets yajnikëxë'ëkäämpy ma të mtëkoyën.

Ezequiel 28:12

Mijts ye'etyëjk, yaj'oyë tu'uk yë ëy, ma yajkuuy'iyën yë Tirë yajkutujkpë, jëtu'un xyaj'ëna'anëty: Jëtu'un yë Wintsën y'ënä'äny: Mijts ënety ijxpäjtën m'ijtp ma ja wa'atsajtënën, ujts mëët ja ixpëkyajtën ets ja oy'ijxën.

Ezequiel 4:5

Tëkëëk mëko'px ja majkta'px majk xëëw, tu'kxëëwatypë jä'ä kyajpxëty tu'kjëmëjt, jëtu'un xytsyëëm'itëty yë Israel ja'ay yë nyëë pyoky.

Ezequiel 4:6

Ko ënety të xyajkä'pxy, tääts mnäkyo'okëtëty a'oytsyow ets mnätyuknipëjkta'ajëtëty ja Judá ja'ay ja nyëë pyoky, wëxtyikxy xyëëw jëtu'un m'itëty. Tu'kxëëwjatypë jä'ä nyaxëty tu'kjëmëjtpë të pyokytyuntën.

Zacarías 4:14

Ets xy'ënëmaayës: Yë'ë nyikäjpxyp, ko nimäjtsk mëti'ipë të yajkënu'kxtën ets Wintsën tmëtuntëty naaxwiinyëtë apëtsëmy.

Mateo 1:21

Ye'eytyëjk y'ita'any. Jä'ä xytyukxëëwatëty Jesús, jä'ä ko ja jyä'äy tyajpokynyiwa'atsa'any.

Mateo 11:13

Yë Dios yë kyäjpxynyajxpëtëjk ets Moisés yë y'ënä'ämën tyiyajtën je'eyë ojts t'akajpxtë ko ënety myiny wyinkony ja tsajpjotmëpë kuttujkën, koonëm myiiny ja Juan yajnëëpäjtpë;

Mateo 4:5

Ënet ja mëjku'u ojts yajnëjkxyë ma ja kënu'kxypyë Jerusalén kajpnën, tääts ojts yajpetyë jam mëjtsajptëjk këpajkm,

Marcos 1:24

Jesús, Nazaretëtë ja'ay, ¿tii mtsojkpy mëët ëëtsëty? ¿Yë'ë mijts të xynyiminy etsës xyajkutëkoya'antë? Wa'ats mijts n'ixy'äty; mijts Wa'ats yë Dios myajnaxyë.

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Dios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Dios U'unk yë'ë.

Lucas 21:22

Jä'ä ko ma tääpë xëëwën ëyo'on jää itaanp, jää y'atëwa'any ijxtëm ja Dios ja y'aaw y'ayuk y'ënä'änyën.

Juan 1:41

Yë'ë ojts tpaaty ja myëkä'äx Simón ets t'ënëmaay: Tëës npaaty ja Mesías mëti'ipë griego ayuk niwijpën Kristë.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Hechos 3:14

Miitsëty yë'ë ojts xyajnitukëtë ja wa'ats ja'ay mëti'ipë ka'ap tii poky tmëëtëtyën ets xyaj'ëwaatsëpëtsëëmtë ja yaja'ay'o'kpë.

Hechos 3:22

Jëtu'un ja n'ap'ajt nteety'ajtëm ja Moisés y'ënëmaayëtë: Mtuknikäxanëtëp tu'uk ja Wintsën ja kyäjpxynyajxpë ijxtëm ëjtsën. Mëmëtowtë tëkokyë mëti'ipë yë'ë nyikäjpxypën.

Hechos 4:26

Ets mëti'ipë yajkutujktëpën ets ënä'ämtëpën naaxwiinyëtë tëë kyäjpxykyumëtoownaxtë ets të tnipëtë'ëktë ja Wintsën, ets ja tyuunpë mëti'ipë të twin'ixyën.

Romanos 5:10

Jä'ä ko ijty ja Dios nmëtsip'ajtëmë, tëë ja Dios mëët nämyë'oypyëjkëmë jä'äkyëjxm ko ja y'u'unk të y'ooky; ets ko ja Dios mëët të nämyë'oypyëjkëmë, wäänëni'ik ëëts njëjp'ijxëmë ko ka'ap ja ëyo'on npaata'anëmë jä'äkyëjxm ko yë'ë jyuuky'äty.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kuttujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Dios nyipaye'eyën'ajtypyën ko të yajmëpëky.

Colosenses 1:20

ets mëët yë'ëkyëjxm ojts tëkokyë nyänyimä'kxta'ayë ets jam yajpaatëty ma yë'ëjën, naaxwiinypë ets tsajpjotmëpë, ets jëtu'un ja jotkujk'ajtën tpaatëty tëkokyë winë ko ja Kristë ja nye'pyny të temy të tje'etsy kruutskëjxm.

Colosenses 2:14

Tëë ja Dios tjëpëky ja ënä'ämën mëti'ipë ja Moisés yajmooyën ets tyajnikëxë'ëky ja npoky'ajtëmë mëti'ipë jeexyë nkupäjtëmën. Jëtu'un ojts tyajkëxy tyajnaxy ja tsip ko ojts yajmëjwojpety kruutskëjxm.

Hebreos 10:14

Jä'ä ko tu'ukyë ja wintsë'kën të y'ity ets xëmëkyëjxm të tyajwatsta'ay tëkokyë mëti'ipë ja Dios të kyënu'kxëtën.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Dios wyintuuy y'itëty teety wintsën oypyë ets pa'ëyoopë ets ja Dios ja ja'ay tpokmyä'kxëty mëët ja wintsë'kën.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Hebreos 9:26

Ko jeexyë jyëtu'unëty, kanaak'ok jeexyë ja Kristë të y'o'knë maju'unëm tsyo'otä'äkyën ja naaxwiinyëtë. E tyaa ma ja xëëw jëmëjt ntuk'ijt ntuktsëna'ayëmën, tëë tu'k'ok ja Kristë myiny ets xëmëkyëjxm yajpaata'any, ko të nyäxy ijxtëm tu'uk ja wintsë'kënën mëti'ipë ja poky jyëpëkäämpyën.

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.

1 Juan 3:8

Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Dios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.

Apocalipsis 14:6

Ënet ja wiinkpë ja tsajpjotmëtë kukäjpxy n'ijxyës jam tsajp'itkujkm kyaakëtity. Ja ayuk myëmiinpy ets tkajpxwa'kxa'any wi'ix nyitso'oktëty ja naaxwiinyëtë ja'ay, oymyëti'ipë kajpnëty, oymyëti'ipë naaxëty, ets oy tyimpën ja'ayëty ets tu'kë'ëyë mëti'ipë ja aaw ayuk kyajpxtëpën.

Apocalipsis 3:7

Nnijayë yë tsajpjotmëtë kukäjpxy jampë yajpaatyën Filadelfia: Jëtu'un y'ënä'äny mëti'ipë wa'atsën, mëtëyën, mëti'ipë myëët'ajtypyën ja David ja y'ëwatsn; ka'apë pën mëpaat tyaj'ëtukyën mëti'ipë yë'ë yaj'ëwatsypyën ets mëti'ipë yë'ë yaj'ëtujkpyën ka'ap mëpaat pën tyaj'ëwa'atsy: