Daniel 8:24 - Biblia Dc en Mixe de Quetzaltepec

²⁴ Mëk nëjkx yajpaaty, je'eyëp ka'ap nëjkx kë'ëm myëk'aty; nëjkxëp tyajkutëkoy yë naax kajpn ets nëjkxëp myëtä'äky oymyaajëty. Nëjkxëp tyajtëkoy yë mëti'ipë ënety amëk jotmukën ets may yë Dios yë nyaax kyajpn nëjkx tyajkutëkooyë.

Biblia Mixe de Quetzaltepec

²⁴ Mëk nëjkx yajpaaty, je'eyëp ka'ap nëjkx kë'ëm myëk'aty; nëjkxëp tyajkutëkoy yë naax kajpn ets nëjkxëp myëtä'äky oymyaajëty. Nëjkxëp tyajtëkoy yë mëti'ipë ënäty amëk jotmukën ets may yë Tios yë nyaax kyajpn nëjkx tyajkutëkooyë.

Daniel 8:24 ပူးပေါင်းရင်းမြစ်များ

Salmos 37:35

Tëës n'ixy ko yë ëxëëk ja'ay kë'ëm janty mëj nyäyajnaxyë, ets nëkooyë wyinma'any nyätyuk mëjpëjktakënë tä tu'uk yë mëj kepyën nëkooyëpë yoonwä'kxyën,

Daniel 11:23

Wyin'ëënäämpy mëti'ipë ënety mëët ja käjpxytyu'unën të tunyën, oy ënety nyiwäänëty ja jyä'äy yë'ë mëta'akaanp ja je'eyëm.

Daniel 12:7

Ja ja'ay mëti'ipë linë wit wyit'ajtypyën ënät ja kyë'ë të tyujkxajy jam tsajpjotm ets ja Dios juukpyë të tukajpxpety ets të y'ënä'äny: Ma ënety tëkëëk jëmëjt ja kujkm të nyäxyën, ma ënety o'ktëy të yajtuunta'ayën ja kyutujkën ja Dios ja kyajpn, ënätnëm nëjkx ya'atë ëyo'on kyixy nyäxy.

Daniel 7:25

Nëjkxëp ja Dios Ni'ik tnëxi'iky tukxi'iky ets nëjkxëp ja nyaax kyajpn ëxëëk tuunë; yatëkatsa'anëp ja Dios ja y'ënä'ämën tyiyajtën ets yajtëkajtsta'aja'anëp ja xëëw mëti'ipë yajtuunpën ma tsajptëjkën ets ja Dios ja nyaax kyajpn yë'ë nëjkx tuntë tëkëëk jëmëjt ja kujkm mëti'ipë ënety yë'ë nyi'ënä'ämëpën.

Daniel 8:10

Nëkooyë ojts yä'knë, jampaat jyä'äjty ma ja tsiptuunpëtëjkëtyën mëti'ipë jam tsajpjotm yajpatëpën ets ojts may tyajka'ay tä jeexyë mëtsa'a kyuka'anaxyën ets t'ate'eny tukte'eny,

Daniel 8:11

ojts tsipwinkajpxë ja mëti'ipë nyiwintsën'ajtypyën ja tsiptuunpëtëjk; ojts may tyaj'atëkoy ja wintsë'kën jëpom jëpompë yajyäkyën ets ojts tyaj'ëxëëkë ja tsajptëjk.

Daniel 8:12

Mëët ja ëxëëk winma'any ojts jam tyajnaaxkëtä'äky ja tsyiptuunpëtëjk ma ja wintsë'kën yajyäkyën ets tyajma'ty ja tëyajtën. Ojts tuunta'ay winë ijxtëm ënety tyimjot tyimwinma'any ets ojts winë oy wyimpëtsë'ëmta'ayxyëty.

Daniel 8:23

Ko ya'atë yajkutujkpëtëjk nëjkx mëj'äämpy y'ijnëtë ma ja naaxwiinyëtën ets ënety ja nëë poky myëjënyë kyëjääjënë, tu'uk nëjkx yë yajkutujkpë pyëtsimy mëti'ipë nëjkx amëj akëjxm jyä'äy'ätyën ets wijy këpety nëjkx nyäyajnaxyë.

Apocalipsis 16:6

Jä'ä ko tëë tyajtsun tyajtaxtë ja mmëpëjkpëtëjk ets ja mkäjpxynyajxpëtëjk; paaty mijts ja nëë të xyajwinpity ne'pynyën ets yë'ë t'uuktëty, jëtu'un ijxtëm pyaat'atëtën.

Apocalipsis 17:17

Dios të wyinma'anymo'ojëtë ets tuntëty mëti'ipë tsyojkpyën ko ënety tu'ukyë ja winma'any tmëët'atë. Ënet ja kyutujkën tmo'otëty ja mëj jëyujk koonëm tpaatëty ijxtëm ja Dios të tuknipëjktaakën.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.

Apocalipsis 19:2

jä'ä ko mëtëy ets tëyajtën yë'ë tyiytyuny ets pyaye'ey. Tëë t'ëyo'onmo'oy ja mëj ku'into'oxy mëti'ipë ja naaxwiinyëtë ja'ay të tyajma'atyën mëët ja y'ëxëëktu'unën, tëë ja Dios tëytyuny ets tpaye'ey ko të yaj'o'kxëty ja tyuunpëtëjk.