Daniel 8:21 - Biblia Dc en Mixe de Quetzaltepec

²¹ Yë tsajppax yë'ë y'antijpy yë Grecië yajkutujkpë, e yë wyaj mëjpë kyëxë'ëkyën wyimpoktuuy yë'ë yë yajkutujkpë mëti'ipë ënä'ämaanpën.

Biblia Mixe de Quetzaltepec

²¹ Yë tsajppax yë'ë y'antijpy yë Grecië yajkutujkpë, e yë wyaj mëjpë kyëxë'ëkyën wyimpoktuuy yë'ë yë yajkutujkpë mëti'ipë ënä'ämaanpën.

Daniel 8:21 ပူးပေါင်းရင်းမြစ်များ

Daniel 10:20

Ënätës të xy'ënëëmë: ¿Mnija'ap wi'ix ko të niminyë? Jä'ä koos tsiptunaanpës jatëkok mëët yë tsajpjotmëtë kukäjpxy mëti'ipë pyutëjkëpën yë Persië kajpn. E koos ënety ntsiptuunta'ay mëët yë'ë, tääts myina'any yë tsajpjotmëtë kukäjpxy mëti'ipë pyutëjkëpën yë Grecië kajpn.

Daniel 11:2

E tyam yë'ëjës yam nikajpxäämpy tëyajtënpë: Jaaktunantëp jam Persië tëkëëk yë yajkutujkpë, ok wiinkpë tyëkëja'any yajkutujkpë ja mëmajktaxkpë mëti'ipë nëjkx ni'ik kyumeeny'ätyën këtiinëm jyëtu'un'atë ja mëtëkëëkpë. Ko ënety ja wyit myeeny të yaj'awinpityë mëj'äämpy ets tëë kyëjääjë ja kyutujkën, ënät nëjkx tmëyu'kxëtyä'äy ja naax kajpn ets nëjkx tuknipëjktaakë wi'ix tnitëkëja'any ja Grecië itjot.

Daniel 11:3

Ok myina'any tu'uk yë yajkutujkpë mëti'ipë je'eyë tsiptunaanpën ets tyajkëjääjëja'any yë kyutujktakn ets jëtu'un winë tuna'any tä tyimjot tyimwinma'anyën.

Daniel 2:39

Ok wiinkpë yajkutujkpë pyëtsëma'any mëti'ipë naxy nëjkx nyäxy ma mijtsën ets nëjkxëp wiinkpë yajkutujkpë jyää'aty, mëti'ipë të xy'ixyën tä tsuxkpujxnën, mëti'ipë nëjkx näjyëtu'un y'ëne'emyën naaxwiinyëtë apëtsëmy.

Daniel 7:6

Ja mëtëkëëkpë jëtu'un yaj'ixy poop kaajën, je'eyëp tap taxk tmëëtëty yë kyäkn jëxkë'p; ets të n'ixyës ko nän taxktëm yë kyëpajk ets tëë yajmo'oy yë kuttujkën.

Daniel 8:20

Yë tsajppax mëti'ipë të yaj'ijxpën ko mäjtsk yë wyaj yë'ë y'antijpy yë yajkutujkpëtëjk mëti'ipë Media ja'ayën ets Persë ja'ayën.

Daniel 8:22

Ja taxkpë ja waj mëti'ipë të pyëtsimyën ko ja mëët tu'ukpë të tyijy, yë'ë y'antijpy ko taxk yë yajkutujkpë jyaak ita'any ma ja kajpnën, je'eyëp ko ka'ap jëtu'un mëj'äämpy y'ita'antë tä ja mëjëyëjpën.

Zacarías 9:13

Tëës yë nti'pxn nwo'onë'ëky, yë'ëjës yë Judá kajpn ntijpy, ets tëëjës ntuknikäpy yë nyiku'umën, yë'ëjës yë Efraín ntijpy. E mijts Sión, jëtu'un mpëjkta'aka'any tä tu'uk yë tëypyujxnën ets ntuknipëka'anyës yë m'u'unk ëna'k ets tnipëtë'ëktëty yë Grecië ja'ayëty.