Daniel 8:17 - Biblia Dc en Mixe de Quetzaltepec

¹⁷ Ënätës të xymyëwinkony, e ëjts tëëjës ntsë'ëkë ets nwintä'äky të naaxkoyës, koonëmës yë nwinpok ntukpaaty yë naax, e yë'ë jëtu'unës të xy'ënëëmë: Mijts nääxwiinyëtë ja'ay, yë'ë mnijawëp ko ya'atë xy'ixyën yë'ë nyikäjpxyp wi'ix kyukëxëja'anyën yë xëëw juukyajtën.

Biblia Mixe de Quetzaltepec

¹⁷ Ënätës të xymyëwinkony, e ëjts tëëjës ntsë'ëkë ets nwintä'äky të naaxkoyës, koonëmës yë nwinpok ntukpaaty yë naax, e yë'ë jëtu'unës të xy'ënëëmë: Mijts nääxwiinyëtë ja'ay, yë'ë mnijawëp ko ya'atë xy'ixyën yë'ë nyikäjpxyp wi'ix kyukëxëja'anyën yë xëëw juukyajtën.

Daniel 8:17 ပူးပေါင်းရင်းမြစ်များ

Génesis 17:3

Ënet ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënety yë Dios kyäjpxy:

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Dios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Ezequiel 2:1

Ënätës të nmëtoy tu'uk ja ja'ay kyäjpxy etsës të xy'ënëëmë: Mijts naaxwiinyëtë ja'ay, wa'kukë, tyam nmëmëtya'aka'any.

Ezequiel 44:4

Ënet ja ye'etyëjk ojts ok xyajnëjkxyës jam anëkëjxmtsow ma ja wiinkpë tëjkëtyaknën, tsajptëjkwintuuy tsyowpë. Täätsës të n'ixy ko tëëtëm yë Wintsën tyajtuktuky yë tsajptëjk mëët yë myëj'ajt y'oyajtën, etsës të nwintä'äky të naaxkoy, koonëmës yë nwinpok të ntukpaaty yë naax.

Ezequiel 6:2

Najts'ixë jam ma Israel tyun kyopkën ets xymyëmëtya'akëty ëjts nxëëwkyëjxmës,

Daniel 10:11

Täätsës të xy'ënëëmë: Taniel, mëti'ipë yë Dios tsojkëpën, mëtoow'it yajxon mëti'ipë yam ntuk'ënëëmëjäämpyën: Pëtë'ëk, ëjts tëëjës mijts nyajtuknikexy. Je'eyë kyajpxtaay täätsës tsë'ëkë nwa'kujkëy.

Daniel 10:16

Ajotkumonë të yaj'ixy jëtu'un kyëxë'ëky tä tu'uk ja'ayën mëti'ipës yë n'aaw të xytsyoonë. Ënätës të n'ënëëmë mëti'ipës ënety jam xywyintënääpyën: Wintsën ya'atë kuma'ay nëkooyës nmëmoon nmëtujknë ets jëtu'unës näjyawëty xejykyukëjxëpës yowë.

Daniel 11:27

Ënet ja yajkutujkpëtëjk, ja winma'any tpaata'antë wi'ix myëta'aktëtyën ets nëjkx tu'ukyë kyääymyuktë ma ja kaaypyäjnën, nixim niyam nëjkx jyanäwyin'ëëna'anëtë je'eyëp ni pën nëjkx kyayajwin'ëëny jä'ä ko ka'ap tpaatynyëm jëtu'un ja nyixëëw.

Daniel 11:40

Ko ënety tpaaty ja xëëw jëmëjt ma ja jëtu'unpë kyukëxëja'anyën, ja yajkutujkpë ëpa'tkë'ëytsyowpë jää nëjkx tnipëtë'ëky ja yajkutujkpë anëkëjxytsyowpë; je'eyëp ko yë'ë ënätyë näjyëtu'un jyëjpkuwa'akëja'anyë ets tyukja'ta'anyë jëtu'un tä myëkpojyën ets ëxëëk tuna'any ja ëpa'tkë'ëytsyowpë, jëtu'un tukja'ta'any mëët ja pyujxnwintëkäämpë ets ja tsyiptuunpëtëjk tä nëëkomën.

Daniel 12:13

E mijts Daniel, ye'eymyës yë mtu'u mapaat jyä'tyën ets mpo'kxëty, jä'ä ko ënety jëtu'un të nyajxta'ay të kyëjxta'ay winë jää nëjkx mpëtë'ëky ets nëjkx xy'ëxajë ja mkuma'ayën.

Daniel 12:4

E mijts Daniel, yu'utsy ya'atë xymyëët'atëty ets ta'tspëky yë noky xy'akëëymyukëty koonëm tpaatëty ja xëëw jëmëjt ma ënety ja juukyajtën jyëjpkëxyën. May ja ja'ay jyëtita'any xiitsow yaatsow t'ixta'aja'any tiijaty y'ëkjaak nija'ap.

Daniel 2:46

Ënet ja Nabucodonosor yajkutujkpë nyäkyoxtënaaytyakë ma ja Danielën, ojts wyintä'äky nyaaxkoy ets ni'ënä'ämëy wä'än ja Daniel tyajmo'oy ja wintsë'kën ets wä'än tyajtukwinjoky yë poom.

Daniel 7:16

ënätës të ninëjkxy tu'uk ja ja'ay mëti'ipë ënety jam tënääpyën, etsës të n'ënëëmë etsës xytyukmëmëtya'akëty wi'ix ko jëtu'un të nkuma'ayës. Yë'ë tëë tkupëky koos xytyukmëmëtya'aka'any, etsës të xy'ënëëmë:

Daniel 8:15

E ëjts jä'äs ënety jam nmëmääpy nmëtäjpy wi'ixës jam nwinkuma'ayën ets njaja'aykyukëja'anyës tiitën jyatijäämpy, ko tu'uk të n'ixyës pyëtsimy ja'ayën yaj'ixy ets të wyinkuwa'akës,

Daniel 8:19

ets të xy'ënëëmës: Yë'ë yam ntukmëmëtya'akäämpy tii tunan jatanëpën ko ënety ja Wintsën tëë tuknipëjktaakë ko ja tsyip y'äkë tyajnaxa'any, tääpë xywin'ixyën yë'ë nyikäjpxy wi'ix yë juukyajtën kyukëxëja'anyën.

Daniel 8:27

Ëjts Daniel, jëtu'unës të näjyawëty xejy tyujkpës yowë ets kanaak xëëwës të nmëko'knë pa'am mëët. Okës të niwijy ets jatëkok të ntuuntëkës ma ja yajkutujkpë ja kyutujktaknën. Je'eyëp mëk nmëmay nmëtajyës ja nkuma'ayës mëti'ipës ënety të nwin'ixyën, jä'ä ko ka'apës ënety oy nwinjawë wi'ixës jyaniwija'anyën.

Daniel 9:23

Ko të mtëkë nu'kxtakpë, ënätyë ja Dios të xymyo'oyës ja ëtsoowinpijtën. E paaty niminy ets ntuk'ëwaanëja'any wi'ix të y'ëtsoyën, jä'ä ko yë Dios mëk mtsokyë mjawëty. Paaty yam mijts n'ënëëmë ets yajxon xyjyä'äkyukëty ets xynyijawëty mëti'ipë të xy'ixyën.

Daniel 9:27

E ja tu'k sëmaanpë wyi'imyën, jää nëjkx mëët kanaak yë naax kajpn käjpxytyu'unën tuny, e sëmaanjoty jää t'akajpxtuka'any këtiipë wintsë'kën yajyäkyën. Ets tu'uk yë mëjpoky yajtuna'any ma ja wintsë'kënytyaknën ma yajyäkyën ja wintsë'kën, koonëm ja o'kën tyukja'tëtëty ja mëti'ipë ënety ja ëxëëkajtën tyuuntëkoopyën.

Habacuc 2:3

Ka'anëm tpaaty ja nyixëëw ets y'atëwëty ya'atë wiinkëma'ay; yë'ë koonëm yë y'atëwa'any. Mijts ëwxit oy pyo'oxëty, jä'ä ko jää y'atëwa'any ko ënety yajxon të tpaaty ja nyixëëw.

Mateo 17:8

Ko y'ijxë'ktëy ka'ap ojts ma pën t'ëk'ijxnëtë, nätyu'uk ja Jesús jamnë.

Apocalipsis 1:17

Koos jëtu'un n'ijxy ënätës n'o'ktsoky ets nkëtaayës ma ënety jam tyänën. Ënet ja y'a'oykyë'ë mëët xymyäjtyës ets xynyëmaayës: Këtii mtsë'ëkë. Ëjts winë nyajtso'ontakës ets ëjts näjyëtu'un nyajjëjpkëxäämpyës.

Apocalipsis 22:8

Ëjts Juan, ëjts ya'atë n'ijx nmëtoowës. Koos jëtu'un n'ijxy nmëtooyës, ënätës ja tsajpjotmëtë kukäjpxy wyintuuy nnäkyoxtënaaytyakë mëti'ipës winë xytyuk'ijxpën ets n'ëwtata'anyës.