Daniel 7:24 - Biblia Dc en Mixe de Quetzaltepec

²⁴ Yë majktaxkpë yë wyaj, majk yë yajkutujkpë y'ita'any ma tääpë yajkutujkpën. Ok wiinkpë yajkutujkpë jyää'ata'any mëti'ipë nëjkx ja tëkëëkpë tyaj'atëkoyën ets tëkatsy tyuna'any.

Biblia Mixe de Quetzaltepec

²⁴ Yë majktaxkpë yë wyaj, majk yë yajkutujkpë y'ita'any ma tääpë yajkutujkpën. Ok wiinkpë yajkutujkpë jyää'ata'any mëti'ipë nëjkx ja tëkëëkpë tyaj'atëkoyën ets tëkatsy tyuna'any.

Daniel 7:24 ပူးပေါင်းရင်းမြစ်များ

Daniel 7:20

Näy jä'äs ënety nijawëjäämpy ja mëti'ipë majk ja wyajën ets ko yaj'ixy ja wyiin tmëëtëty ja mutskpë wyaj mëti'ipë pëtsëëmpën ma mëjätyëtypyën ets ko kyäjpxy amëj akëjxm yajmëtoy kyäjpxy, jëtu'un yajmëtoy ni'ik yowë myëjëty ets ojts tëkëëk nyëka'ay ja mëjatyëtypë ets yë'ë pyëtsiimy.

Apocalipsis 13:1

Etsës n'ijxy tu'uk ja mëj jëyujk jam pyëtsimy mejyotm. Wëxtujk ja kyëpajk ets majk ja wyaj, ets aak kujänmëët ja wyaj. Tu'uktu'uk ja kyëpajk, aak ëxëëk käjpxy jam këxja'ay, yë'ë Dios wiinkjaty yajtijp.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Apocalipsis 17:3

Ënet ja tsajpjotmëtë kukäjpxy, mëti'ipë ja Kënu'kxymyëkajtën xytyuk'ijxpënës ojts xyajnëjkxyës jam të'ëts'itjotm. Jam n'ijxyës ja to'oxytyëjk tuk'u'unyë ja mëj tsapts jëyujk mëti'ipë ujts nyini'kxën mëët ja ëxëëk ayuk mëti'ipë ja Dios tyukni'ojëpën ets wëxtujk ja kyëpajk ets majk ja wyaj.

Apocalipsis 12:3

Ënet ja wiinkpë ja ijxpät kyëxë'ky jam tsajpwinm: tu'uk ja mëj tsapts tsa'any. Wëxtujk ja kyëpajk ets majk ja wyaj ets ja kyujän maajaty ja kyëpajkën.

Daniel 7:23

Ets të y'ënä'äny: Mëmajktaxkpë yë mëj jëyujk, yë'ë y'antijpy ko jää'ataanp ja mëmajktaxkpë ja yajkutujkpë, tëkatsy yajkutuka'any, ka'ap jyëtu'un'atë ja myëku'uktëjkëty. Ëxëëk ja naax kajpn tuna'any, jëtu'unyë t'atääna'any tuktääna'any ets tnuka'any twëtsa'any.

Daniel 2:41

Yë yajkutujkpë tëë näjyëtu'un twin'ixy ko tam tu'uk ja tyeky mëti'ipë mo'ontsën ets tu'uk yë'ë juunpujxn; tääpë jä'ä nyiwijy ko ja kuttujkën nëjkxëp mäjtskpëky nyäwyä'kxyë, tu'uk nëjkx mëk pyëtsimy ets tu'uk ëmaay paki'ix, jëtu'un tä tu'uk ja tyekyën pujxn ets tu'uk mo'onts.