Daniel 6:7 - Biblia Dc en Mixe de Quetzaltepec

⁷ Tëkokyë yë kutuunktëjkëty ets yajkutujkpëtëjk tëëjës ntu'ukmuktë ets të nkäjpxy'atës, ko tu'uk yë ënä'ämën yajpëjkta'akëty ma naax kajpnën ets i'px majk xëëw y'itëty, ja ënä'ämën jä'ä y'ënä'äny: ko ni pën mëpaat wiink tios tka'ëwtaty, yi'iyë tu'ukyë yë yajkutujkpë yaj'ëwtatëp. Mëti'ipë ka'ap jëtu'un tunyën jap nëjkx yajkujëpipë kemyjoty ma kaa jap yajpaatën.

Biblia Mixe de Quetzaltepec

⁷ Tëkokyë yë kutuunktëjkëty ets yajkutujkpëtëjk tëëjës ntu'ukmuktë ets të nkäjpxy'atës, ko tu'uk yë ënä'ämën yajpëjkta'akëty ma naax kajpnën ets i'px majk xëëw y'itëty, ja ënä'ämën jä'ä y'ënä'äny: ko ni pën mëpaat wiink tios tka'ëwtaty, yi'iyë tu'ukyë yë yajkutujkpë yaj'ëwtatëp. Mëti'ipë ka'ap jëtu'un tunyën jap nëjkx yajkujëpipë kemyjoty ma kaa jap yajpaatën.

Daniel 6:7 ပူးပေါင်းရင်းမြစ်များ

Salmos 10:9

Jëtu'un tä yë kaajën jap y'aankjoty, jap yu'utsy tpa'ixy tpawoony yë ëyoopëja'ay, t'ëwxity jëna'a t'ëk matsy, e ko tmatsy tääts twinpajëtuty mëët yë tyejpxy.

Salmos 2:2

Yë yajkutujkpëtëjkëty ets mëj ënä'ämpëtëjkëty tëë tkäjpxykyumëtoownaxtë yë Wintsën, tu'ukmukyë të tkäjpxy'atë wi'ix tyaj'atëkoya'antën ja Wintsën ets y'ënä'ämpë mëti'ipë të twin'ixyën.

Salmos 59:3

jä'ä ko tää ja'ay jotmëkëtypë ka'apë tsyë'ëkëtën, mëti'ipë y'ëwxijtëpën jëna'ajës xy'ëkyaj'ooktë.

Salmos 59:5

Mijts Wintsën, Dios mëti'ipë maaytyääyëpën winë, yë Israel yë Tyios, ëkma'aypyëtë'ëk ets tukumëtow tääpë ja'ayëty mëti'ipë oynatii y'ëwtajtëpën; këtii xypya'ëyoy tääpë ëxëëkja'aytyëjk mëti'ipë jyiiky myëku'uk kyë'ëyajktëpën.

Salmos 62:4

Yi'iyë myääytyëp tyajtëp wi'ixës ëxëëk xytyuntëtyën; pën win'ë'ëntëp antaktëp ënät jotkujk nyäyjyawëtë. Winkë'ëy akë'ëy je'eyë oy xynyimëtya'aktës jap jyootjoty wyinma'anyjoty xypyojktëpës jap je'eyë.

Salmos 83:5

Tëë mijts myajnikäjpxytyunë, ets tu'kmukyë të tkäjpxy'atë jëtu'un ijxtëm jeexyë tu'uk je'eyë ja'ay myäy tyäjyën,

Salmos 94:20

Mijts ka'ap tjëkyepy mnäy'oyjyawëtëty mëët yë yajkutujkpë mëti'ipë ka'ap tii oy yajxon tnipaye'eyën, mëti'ipë aak tëkatsy winë tyuuntëpën ets ka'ap jyëtu'unëty tä ja ënä'ämën myinyën,

Daniel 2:4

Ënet ja wijyjyä'äytyëjkëty ojts t'ëtsowtë ja yajkutujkpë mëët yë arameë ayuk: Mëj'äämpy yë yajkutujkpë y'ity. Tukmëmëtyaktëk ëëtsëty mëti'ipë të xywyinkuma'ayën ets yam myajtuknijawëty tii jëtu'un ja mkuma'ay jyatijäämpyën.

Daniel 3:11

e pën jëtu'un kyatuumpyën jap yajkujëpipëty ma jëëntooytyaknën mëti'ipë jap tyam aanpëjkpën.

Daniel 3:2

Ënet tnikäjxëtyääy ja yajkutujkpëtëjk, mëti'ipë ënä'ämtëpën maajaty ja naax kajpnën mëti'ipë ja Babilonyë nyitënääpyën, ojts tnikäxë näjyëtu'un yë tsiptuunpë wintsëntëjkëty, kajpxwijpëtëjkëty, mëti'ipë meenykyoonë'ktëpën, mëti'ipë nyipaye'eytyëpën yë jotmay, mëti'ipë kutuunk'ajtëpën ets myiinta'atëty ma jam ja awinax yajnixëëwtuna'anyën mëti'ipë ja Nabucodonosor të t'oytyunyën.

Daniel 3:27

ënät wyinkoontaaytyë ja yajkutujkpëtëjk ets ja kutuunktëjkëty jä'ä y'ijxtëp ja tääpë ja nitëkëëkpë ja ëna'këty mëti'ipë ka'ap wi'ix të jyatën ets ka'ap ja jëën wi'ix të tyunëtë ets t'ixtë ko nitu'uk ënety kyakiipyxyuuktë ets niwi'ix ja wyit tyujkxy të kyajatë ets ka'ap maa të jyëëntukmëjojtë.

Daniel 3:6

Pën ka'ap kyoxtänë ets pën ka'ap t'ëwtaty ya'atë awinax, jap nëjkx yajkujëpipë ma jap yë jëëntooytyaknën mëti'ipë jap tyam aanpëjkpën.

Daniel 6:16

Paaty ja yajkutujkpë ojts tni'ënä'ämë ets tyajmintëty ja Daniel ets jap tkujëpipëtëty kepyjoty ma ja kaa jap nimay yajpaatën. E ka'anëm ënety ja Daniel jap yajkujëpipë kaa kemyjoty ko ja yajkutujkpë jyaak nëmaayë: Yë Dios mëti'ipë mëtuumpyën ets mëti'ipë wyinkutsë'këpën yë'ë myajtso'okëtëp.

Daniel 6:22

Yë nTiosës yë'ëjës të xytyuknikexy yë tsajpjotmëtë kukäjpxy, mëti'ipë të t'amë'pxta'ayën yë kaa këtiipës xytsyu'utstëty, jä'ä ko yë Dios nyija'ap koos ka'apës tii ntuuntëkoy ets ka'apës ma yajkutujkpë nmëtuuntëkoy.

Miqueas 6:5

Nnaax nkajpnës, ja'amyäts wi'ix ojts yë Balac tjatuknipëjktaakën, jampë yajkutukyën Moab ets wi'ix y'ëtsoowinpijtyën ja Balaam, Beor yë myaank. Ja'amyäts ko mnajxy jam Sitim ets mja'ajty Guilgal, mëjpëjkta'ak wi'ix ojts yë Wintsën myëtä'äkyën tsipjotm.

Nahúm 2:12

Yë kaateety je'eyë nëjkx muum jyëyujk matsy ets tyajwä'kxy ma kaato'oxyën mëët ja y'u'unk y'ëna'k, ujts tyaj'ity ja y'aank mëët ja jëyujk ooky.

Mateo 12:14

Ënet ja fariseë ja'ayëty tsyo'ontë ets tkäjpxy'ajtë wi'ix ja Jesús tyaj'ooka'antën.

Mateo 26:4

Jamts ojts tnimay tnitajëtë wi'ix ja Jesús tmatsa'antë awin'ëënë ets tyaj'ooka'antë.

Marcos 15:1

Ko xyiinytyäky, ënät ja teety wintsëntëjk nyiye'eypyäjtë mëët ja mëjja'aytyëjkëty, ja tsajptëkotyëtë yaj'ijxpëjkpëtëjk ets ni'ëmukë ja tsajptëkotyëtë yajuntë'ajtpë. Ënet ja Jesús ojts tyajnëjkxtë kë'ëtsumy ma ja Pilato. Jamts tkë'ëyajktë.

Juan 12:10

Ënet ja teety wintsëntëjk tkäjpxy'ajtë ets ja Lázaro näjyëtu'un tyaj'ooka'antë,