Daniel 6:4 - Biblia Dc en Mixe de Quetzaltepec

⁴ Ja mëti'ipë anajx atëjkëtyëpën ets mëti'ipë yajkutujktëpën ojts ja winma'any t'ixta'atë wi'ix y'ëna'antëtyën ets tyajnipaxëtëkëja'antë ja Daniel ma yajkutukyën, ja Daniel wa'ats ja jyot wyinma'any ënety tmëëtëty paaty ka'ap tpatë ja pyoky; jëtu'un ka'ap yajni'ë'ënëy.

Biblia Mixe de Quetzaltepec

⁴ Ja mëti'ipë anajx atëjkëtyëpën ets mëti'ipë yajkutujktëpën ojts ja winma'any t'ixta'atë wi'ix y'ëna'antëtyën ets tyajnipaxëtëkëja'antë ja Daniel ma yajkutukyën, ja Daniel wa'ats ja jyot wyinma'any ënäty tmëëtëty paaty ka'ap tpatë ja pyoky; jëtu'un ka'ap yajni'ë'ënëy.

Daniel 6:4 ပူးပေါင်းရင်းမြစ်များ

Génesis 41:38

Tä ja yajkutujkpë y'ënëmaayëtë: ¿Jyëkyejpy jëtää ja'ay wiinkpë npatmëty mëti'ipë Dios wyijy'ajtën myëët'ajtëpënë?

Génesis 43:18

E yë'ëjëty ojts tsyë'ëkëtë, ko ënety jam yajwoownëjkxtë ma ja José ja tyëjkën, tääts nyäy'ënanëtë aak yë'ëjëty: Ya'atë win'ë'ënën yë je'eyë nëkoo, paatykyëjxm yaa të xyajmi'inëm yë'ë ënät xytyukmatsa'anëm ja meeny mëti'ipë ojts xymyooywyimpijtëmën ets ënät xytyuk'akëwanë'ajtmëty ets nmëtu'unmëty ma yë'ëjëtyën tu'ukyë mëët yë njëyujk'ajtëmë.

Proverbios 29:27

Mëti'ipë ja'ay oy tsuj juuky'ajtëpën, ka'ap oy nyäyjyawëtë ma ëxëëkja'aytyëjkën; ets ëxëëkja'aytyëjk näjyëtu'un ka'ap oy nyäyjyawëtë ma oyjyä'äytyëjkën.

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Jeremias 18:23

E mijts Wintsën, wa'ats xynyija'awëtyä'äy wi'ix myäytyën tyajtën ets xyaj'ooka'antës. Këtii xymyä'kxëty yë tyëko'oyënëty ets këtii yë nyëë pyokyëty xyjyä'äytyëkoyëty. Wä'än tka'atë mijts mwintuuy ets mëët ja mtsip m'äkë tëytyun.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 29:7

Tuntë, wä'än yë naax kajpn t'oy'ity ma tsumy matsy myajpaatën wiink naax wiink kajpn ets niwaantsow nimëpëjktsowëtë ma ëjtsën, jä'ä ko pën tääpë naax kajpn yajpatp jotkujk, nän jotkujk miitsëty myajpaata'antë.

Daniel 3:8

Ënet ja caldeo ja'ayëty ojts ya'atë winma'any tpaatë ets ja pyoky ojts t'ixtaayëtë ja jutië ja'ayëty ets ojts tni'ëënëtë ma ja yajkutujkpën Nabucodonosor,

Daniel 5:12

yë Daniel mëti'ipë yë mteety tyijën Belsasar, myëët'ajtyp ijty winma'any mëjwiin këjää ets nëkooyë wyij'ajnë, y'ijxpëky'ajnë ets nyija'ap wi'ix tyajniwijëtyën yë kuma'ay, nyija'ap wi'ix tkapxtë'kxëtën mëti'ipë tsipën ets yu'utsy ijtpën, oy yë'ëjëty amay jotmay këjääjëtypë. Yë'ë mëkajpx wä'än tminy ets mtuknijawëtëty wi'ix nyiwijyën tääpë këxja'ay y'ityën potsywyiiny.

Daniel 6:22

Yë nTiosës yë'ëjës të xytyuknikexy yë tsajpjotmëtë kukäjpxy, mëti'ipë të t'amë'pxta'ayën yë kaa këtiipës xytsyu'utstëty, jä'ä ko yë Dios nyija'ap koos ka'apës tii ntuuntëkoy ets ka'apës ma yajkutujkpë nmëtuuntëkoy.

Mateo 26:4

Jamts ojts tnimay tnitajëtë wi'ix ja Jesús tmatsa'antë awin'ëënë ets tyaj'ooka'antë.

Mateo 27:18

Jä'ä ko tëë ënety ja Pilato tnijawë ko tsipkyëjxm ja Jesús të tkë'ëyaktë.

Lucas 20:20

Ënet ojts tkäxtë ja ja'ay mëti'ipë pya'ix pyawoontëp ja Jesús, tääpë ja'ayëty oyjyä'äy nyäpyëjkta'akëtë, yë'ë tsyojktëp ets ja Jesús muum kyajpxtëkoyëty ets jëtu'un tkë'ëyaktëty ma ja Roma yajkutujkpën.

Lucas 20:26

Ka'ap ojts tyu'upaatë ma ja aaw ayukën, mëti'ipë ja Jesús nyimëtyäkpyën ma ja ja'ayëtyën ets tmatstëty; amonyë ojts wyë'ëmtë ko tmëtoowtë ja Jesús aak oyëty y'ëtsoy.

Lucas 22:2

Ja teety wintsënëty ets ja tsajptëkotyëtë yaj'ijxpëjkpëtëjk jä'ä y'ixtaaytyëp ja winma'any wi'ix ja Jesús tyaj'ooktëtyën, je'eyëp ko tsyë'këtëp ja mayjyä'äy.

Juan 19:4

Tääts ja Pilato jatëkok pyëtsiimy ets y'ënëmaayëtë: Ixtë, tëëjës nyajpëtsëmy ets xynyijawëtëty ko ka'apës tii pyoky npatë.

2 Corintios 11:12

E ëjts je'eyëmës ntuna'any mëti'ipës ntsojkpyën këtiipë yajtu'umo'otëty ja wiinkpë mëti'ipë nätyukmëjpëjktakëtëp ëëts ja ntuunkëty,

Filipenses 2:15

këtiipë pën mpoky'ixëtëty, wa'ats aaw wa'ats jot mja'ay'atëty ma ja ja'ayëtyën mëti'ipë ëxëëk juuky'ajtëpën ets ëxëëk ja y'aaw jyotëty. Jëtu'un tä matsa'ajën miits m'ajaj m'atë'kxtëty ma yë'ëjëtyën yaa naaxwiiny.

1 Timoteo 5:14

Paatyës nëëmëtë ja ku'ooky tyo'oxytyëjkëty ëna'këtypë ets ënätyë pyëktëty, wä'än tmëët'atë y'u'unk y'ëna'këty, wä'än jyëënjoty tyëkoty tuntë, këtiipë nëkoo tëkatsy ja mëtsip nyikajpx nyimëtya'akëtëty.

Tito 2:8

Oy ets wa'ats mkajpxëty mmëtya'akëty, këtiipë pën y'ëna'anëty ko ka'ap jyëtu'unëty. Jëtu'un tsyëtyu'unpaatëty mëti'ipë mmëtsip'ajtëpën, jëtu'un ka'ap tjëkyäptëty wi'ix ëxëëk xynyimëtyakmëtyën.

1 Pedro 2:12

Mëët'atë ja oyjyot oywyinma'any mëët ja ja'ay mëti'ipë ja Dios ka'ap tnijawëtën. Oy ëxëëkjaty mtijëtë ijxtëm jeexyë miits m'ëxëëkja'ay'atën, nëjkxëp jëna'a t'ixtë tnijawëtë ko ënety miits oy winë xytyuntë ets nëjkxëp tmëjjawëtë ja Dios ko ënety ja paye'eyën tuny.

1 Pedro 3:16

E yu'unk'ajtën naxym'ajtën ets mëët winë xytyuntëty. Jëtu'un winë xytyuntëty ijxtëm mjotkujk'attëtyën, jëtu'un ja y'ayuk tsëtyu'unjawëtëty mëti'ipë ëxëëk mnikajpxëtëpën ko miits oy mja'ay'atë ets ko ja Kristë xymyëpëktë.

Jueces 14:4

Ja tyeety tyaakëty ka'ap ënety tnijawëtë pën Tiostëm ënety jëtu'un të tuknipëjktaakë ets ja Sansón jëtu'un myäyëty tsyajëty ets ja winma'any jëtu'un tpaatëty, t'ixta'ay wi'ix ja filistejë ja'ay t'ëknipëtë'ëkëtyën mëti'ipë ënä'ämtëpën ma Israel ja'ayëtyën.

1 Samuel 12:4

Tä ja Israel ja'ayëty y'ëtsoowtë: Ka'ap pën nijëna'a të xyaj'ëyoy ets ka'ap pën nijëna'a ëxëëk të xytyuny të xy'ënëëmë ets ka'ap nijëna'a të xynyimeenypyiky ja tëko'oyën.

1 Samuel 18:14

E komë yë Wintsën yë'ë ënety xëmë pyutëjkëp yë David, paaty yë David aak'oy ijty winë wyimpëtsë'ëmxëty mëti'ipë tyuunpyën.

1 Samuel 22:14

Tä ja Ahimélec t'ëtsooy ja yajkutujkpë: ¿Wintsën, pën jëtää janty wintsë'ëkë m'ëk yaj'ijtëp ets janty'oy janty tsuj m'ëkmëtunyë ma nitëkokyë yë mtsiptuunpëwintsëntëjkën, ets aak'oy winë tuny ma kutujktaknën tä yë Davidjën?