Daniel 6:27 - Biblia Dc en Mixe de Quetzaltepec

²⁷ Yë'ë yajtsokp ets yaj'ëwaatsëpëtsëëmp yë'ë; yaj'ijxëp yë myëj'ajtën tsajpjotm ets naaxwiinyëtë. Yë'ë të tyajtso'oky yë Daniel ma kaa myu'utën nyiitstën.

Biblia Mixe de Quetzaltepec

²⁷ Yë'ë yajtsokp ets yaj'ëwaatsëpëtsëëmp yë'ë; yaj'ijxëp yë myëj'ajtën tsajpjotm ets naaxwiinyëtë. Yë'ë të tyajtso'oky yë Daniel ma kaa myu'utën nyiitstën.

Daniel 6:27 ပူးပေါင်းရင်းမြစ်များ

Job 36:15

Mëët yë ëyo'on jotmay Dios tyajtso'oky yë ja'ay mëti'ipë ëyoopën; mëët yë pëjkën ijxën tyajja'akyukë.

Salmos 145:13

Yë mkutujkën, yë'ë mëti'ipë winë xëëw winë jëmëjt ijtpën, yë m'ënä'ämën yë'ë mëti'ipë xëmëkyëjxm yajpatpën.

Salmos 18:48

Yë'ëjës xyaj'ëwaatsëpëtsëëmp oyës jënu'un yë nmëtsip xyjyatukjoot'anpëky, ets oy ja ja'ay käjpxy kumëtoownajxpë të xyjyanipëtë'ëktës. Mijts Wintsën, mijtsës xyajnitsokp ma ja'ayëtyën mëti'ipë ëxëëk tsyiptuna'antën.

Salmos 18:50

Yajmëta'ak tsipjoty ja m'ënä'ämpë mëti'ipë kë'ëm të xywyin'ixyën; mëët'at xëmë yë David ets y'u'unk y'ok mëët yë tsojkën ja'awën.

Salmos 32:7

Mijts ntsoktakn'ajtyp, jä'ä ko mijtsës xykyëwent'ajtp ma kyutsë'ëkëtyën, etsës xytyukna'ëwtita'any yë xoontakën koos ënety ëwaatsëtuuy nwë'ëmy.

Salmos 35:17

Wintsën, ¿jënaak xëëw jënaak jëmëjt jëtu'un tyaapë xyaj'ita'any? Yajtsokëkës yë njuukyajtën mëti'ipës tu'kpajk njuukyajtën'ajtypyën, ma tääpë ja'ayëtyën mëti'ipë jëtijtëpën kaa yowë ni'tsp.

Salmos 97:10

Yë Wintsën y'oyjya'ap yë ja'ay mëti'ipë y'ëxëëk'ijxypyën yë ëxëëkpë, ets kyuwanëp yë jyuukyajtën mëti'ipë tëy tëtä'äky mëtuunëpën. Kajëna'a tkamajtstu'uta'any ets kya'ajëty ma ëxëëkja'aytyëjk yë kyë'ë y'aawëtyën.

Jeremias 10:10

Yë Wintsën yë'ë Tios'ajtp mëtëy, yë Dios mëti'ipë juukyën, mëti'ipë xëmë yajkutujkpën. Ko jyoot'anpëky, yu'kxp yë naaxwiinyëtë; yë naax kajpn pojyën yu'kxpëky.

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Daniel 4:31

Tam ënety kyajpx ëtë'ëtsynyëm ko jam tsajpjotm yajmëtooy käjpxy y'ënä'äny: Mëtow yajxon mijts Nabucodonosor yajkutujkpë. Yë mkutujktakn ka'ap mijts xy'ëkjä'ä'ajnë;

Daniel 4:34

Ko ojts ja kyäjpxy ja xëëw jëmëjt jënu'un ënety të yaj'awitsyën ja tëytyu'unën, ëjts Nabucodonosor ojts mpa'at'ixy tsajpkëjxm etsës näjya'awëypyätë ko tëëtëmës ntso'oky; ënät ojts ja Dios Ni'ik mëti'ipë xëmë juukyajtpën, ojts nmëjjaw njaanty jawës ets nkukajpxës mëët ya'atë aaw ayuk: Yë myëj'ajtën xëmë y'itëty; yë kyutujkën xëmë yajpaatëty najts'ook najtskä'äxë.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Daniel 6:20

Ko tmëwinkoony ja kaa ijtakn, ënät jë'ë ya'ax tmëkäjpxy ja Daniel: Daniel, Dios mëtuunpë, ¿tëë ja mTios myajtso'okyë kaa aawjoty, mëti'ipë m'ëwtajtypyën ets mëtuumpyën ëmuumtu'ukjotë?

Juan 4:48

Ënet ja Jesús y'ëtsoowë: Miitsëty ka'ap mëpëktë pën ka'ap xy'ixtë ja mëj'ajtën.

Hechos 4:30

Mooytyëkës ja mëk'ajtën ets nyajtso'oktëtyës ja pa'amja'ay ets nyaj'ixëtëtyës ja mëk'ajtën mëët ja xyëëw ja wa'atspë ja mtuunpë Jesús.

Hebreos 2:4

Näyjyëtu'un ja Dios ojts tnikäjpxy mëët ja ijxpäjtën, mëj'ajtën ets kanaakpëky ja y'oyajtën, mëët ja Kënu'kxymyëkajtën, mëti'ipë kanaakjëjp të nyajmo'oyëmën ijxtëm yë'ë të tuknipëjktaakën.

1 Samuel 17:26

Ënet yë David tyajtëëy yë ja'ay jampë ënety winkon tyänëtën: ¿Tii jëtää yajmo'ojëp ja ja'ay mëti'ipë ënety yaj'o'kpyën xiipë filistejë ja'ay, ets kyëxëty nyaxëty ma je'eyë ja Israel ja'ay t'atsë'ëk t'ajawën. Jä'ä ko tääpë filistejë ja'ay tim pën yë'ë tyimnäjya'awënë ets ëxaty tijëty yë Dios yë tsyiptuunpëtëjk.