Daniel 5:6 - Biblia Dc en Mixe de Quetzaltepec

⁶ ënät tsyuxkëtyääy ets ja tsë'ëkë tyuktëjkëyë ets tyëjkëy tsëyuupë tu'kkuuytyänë.

Biblia Mixe de Quetzaltepec

⁶ ënät tsyuxkëtyääy ets ja tsë'ëkë tyuktëjkëyë ets tyëjkëy tsëyuupë tu'kkuuytyänë.

Daniel 5:6 ပူးပေါင်းရင်းမြစ်များ

Salmos 22:14

Jëtu'unës ëjts tä nëë nyajtstämën. Tëës yë nwaay mpajk jyäjxma'ta'ay. Jëtu'unës yë njuukyjot tä pu'unykyën tëë jap jyiiytyakta'ay njootjotyës.

Salmos 69:23

Mijts myajwiintsëtya'ajëp ets ko ye'eya'antëty je'eyë yë tyeky tsyëyuuypyëktëty.

Isaías 35:3

Yajjotmëkpëktë ja pa'amja'ay, mëjaawmo'otë ja tëëpë y'ënu'kxëtën,

Isaías 5:27

ka'ap jam pën ma yë'ëjëtyën mëti'ipë të y'ënu'kxën, ka'ap pën myä'äy, ka'ap pën mëti'ipë wyëën jo'onyën, ka'ap pën mëti'ipë kyë'ëk të wyimpotyën.

Jeremias 50:43

Ko yë Babilonyë yajkutujkpë të tnijawë, jëtu'unyë të myoonkëtä'äky të tyujkëtä'äky mëët yë tsë'ëkë, jëtu'un myony tyuky tä to'oxytyëjkën mëti'ipë u'unk maay yajmëxu'unk'atäämpyën.

Ezequiel 21:7

Ko pën myajtëwëtëty tii ko myä'äxy, jëtu'un xy'ënëëmëty jä'ä ko të xynyijawë ko tää ja ëyo'on jotmay myiny kyëtä'äky, ënät nëjkx ja ja'ay tyëkëtë moonpë tujkpë ets nëjkx jëtu'unyë ja kyë'ë y'aaw tim nyajtstë'ëyëtya'atë; ni pën nëjkx jotmëk kyanäjyawëty, tu'ukyë jyänty tsyë'këtya'atëty. Tyimpatyp ja xëëw jëmëjt ma ja ëyo'on tyuna'any jyata'anyën. Ëjts Wintsën, ëjts ënaanp.

Ezequiel 7:17

Aak nyajtstëyëjantëp yë kyë'ëjëty ets aak tsëyuyantëp yë tyekyëty.

Daniel 2:1

Ma ënety mëmäjtsk jëmëjt ja Nabucodonosor yajkutukyën, ojts kanaak ok jää wyinkuma'ay, ja wyinkuma'ay jä'ä tyäty myëmääpy tyäty myëtäjpy paaty ka'ap oy y'ëkmaa y'ëkpo'kxnë.

Daniel 3:19

Ko ja Nabucodonosor jëtu'un tmëtooy ja ëna'ktëjk y'ëna'antë, tsaptsëm ojts ja wyiin jyëjp jyajta'ay mëët ja joot'anë. Ënet ni'ënä'ämëy ets tyaj'aanpëktëty ja jëënjut wëxtujk'ok;

Daniel 4:19

Ënet ja Daniel, tmëmay tmëtajy jeky, natsë'k naja'awëp wäänjaty jä'ä ko kanaak ja wyinma'any jap nyäxy tyëkë kyëpajkjoty. E ëjts yajkutujkpë ënätës t'ënëmaay ja Daniel, këtii nëkooyë xymyëmay xymyëtajy yë nkuma'ayës ets këtii xymyëmay xymyëtajy wi'ix nyiwija'anyën. Ets ja Beltsasar y'ëtsooy: Mon tuk ja yajpaaty ja yajkutujkpë ja myëtsip ma kyëta'aka'anyën ya'atë ëyo'on mëti'ipë yë yajkutujkpë të twinkuma'ayën.

Daniel 4:5

Ets tëkok ojts jyäty kyëpety, koots, ko'knääpyës ënety koos ojts nwinkuma'ay, nëkooyës ojts ntsë'kënë. Jä'ä ko atsë'ëk ajawës ojts nwinkuma'ay.

Daniel 5:5

Tam ënety mëkujk kyäytyë y'uuktë ko jam potsywinm yajmëj'ijxpejty tu'uk yë jëën ets yaj'ixy tu'uk yë kë'ë jyä'äy jam potsywinm, jap tëkoty ma ja ja'ay pyo'kxtën, poop ja potsy yaj'ixy. Ko ja yajkutujkpë t'ijxy ja kë'ë jyä'äy,

Daniel 7:28

Jëtu'un jyëjpkëxy ja nyimëtyä'äky. E ëjts Daniel, mëkës të nmëmay të nmëtajy, poopëmës je'eyë të njajta'ay; je'eyëp ko tyaapë ni pënës të nkatuknijawë.

Nahúm 2:10

Yë Nínive kajpn jä'ä yajpaaty aanë'ëk tëëtsë'ëk, mon tuk ets jë'ë ya'ax. Aak tsë'këtyëp yë ja'ay ets aak je'eyë myontë tyuktë, jëtu'un yaj'ijxnëtë tëë yowë myëjaawkukëjxënëtë ets aak tsuxk wi'ixnë yaj'ijxnëtë.

Hebreos 12:12

Paaty miitsëty, yajjotmëkpëktë ja mkë'ë m'aawëty tëëpë y'ënu'kxën ets ja mkë'ë mtekyëty tëëpë xyuxyën;