Daniel 5:20 - Biblia Dc en Mixe de Quetzaltepec

²⁰ E ko ojts tyuktëkëty ja nämyëjjaw näjyääntyjyawë, tääts winë wiinkjaty tuuny, yë'ëts ojts yajtëkoyë, tääts yajpëjkëy ja kyutujktakn ets ja myëj'ajt y'oyajtën mëti'ipë ënety myëët'ajtypyën ma yajkutukyën.

Biblia Mixe de Quetzaltepec

²⁰ E ko ojts tyuktëkëty ja nämyëjjaw näjyääntyjyawë, tääts winë wiinkjaty tuuny, yë'ëts ojts yajtëkoyë, tääts yajpëjkëy ja kyutujktakn ets ja myëj'ajt y'oyajtën mëti'ipë ënäty myëët'ajtypyën ma yajkutukyën.

Daniel 5:20 ပူးပေါင်းရင်းမြစ်များ

2 Reyes 17:14

E yë'ëjëty ninu'un ojts kyaja'akyukëtë, ni'ikyë ja jyot wyinma'any juun tpëjkta'aktë timjëtu'un tä ja y'ap y'okëtyën ets ka'ap ja Wintsën ojts t'ëktuk'ijxpäjnëtë;

2 Crónicas 32:25

Ko tsyoky y'akëtäky, ka'ap tkukajpxëy ko ënety ja Wintsën të yajtso'okyë, ni'ikyë amëj akëjxm nyäjya'awëyë, paaty yë Wintsën tyukjoot'anpëjkë ets Wintsën näy tyukjoot'anpëjk yë Judá ja'ayëty ets Jerusalén ja'ayëty.

2 Crónicas 36:13

Ënet ojts tmëtsiptsoony ja yajkutujkpë Nabucodonosor, mëti'ipë ënety të tyuknikäjpxyën mëët ja Wintsën xyëëwkyëjxm ko tu'ukyë nyäyaj'ita'anëtë ets tu'ukyë ja winma'any tmëët'ata'any ko ka'ap tnijootwinpita'any ja Wintsën, mëti'ipë ja Israel ja'ayëty Tyios'ajtëpën.

Éxodo 18:11

ma ënety o'ktëy mjatën mkëpätën. Tyamës ënät yajxon njanty nyijawë ko yë Dios mëj yë ni'ik, këtiinëm jyëtu'unëty yë wiinkëtypë tiosëty tääpë myäjyatëtën.

Éxodo 9:17

E oy jyajëtu'unëty, mijts je'eyë yowë nëkoo mtimjäntykyujuun'o'knë, oy xyjya'ixy ko yë ëyo'on jyatuny jyajatyë.

Éxodo 9:7

Ojts ja mëj'ënä'ämpë jam ja tyuunpë tkexy, ma ja jyëyujk tsyajpkaa jam tyänëtën ja Israel ja'ayëty. Ja yajkutujkpë je'eyëm ka'ap ninu'un kyäjpxyjyä'äykyujkëy ets ka'ap t'ëxmajtsy ja Israel ja'ayëty ets jap tsyoontëty.

Proverbios 16:18

Ko yë ja'ay nyämyëjaw nyäjyääntyjyawëty, jää jëtu'un tyu'utëkoy; ko yë ja'ay mëj këjxm jyä'äy'äty, jää kyujënäky.

Proverbios 16:5

Yë Dios ka'ap t'oy'ixy yë ja'ay mëti'ipë amëj akëjxm ja'ay'ajtpën; wäänë y'ita'any ets yajtëytyunëty.

Isaías 47:1

Mijts to'oxy'ëna'k, Babilonyë ja'ay, jënak jam ma myajpaatyën, ma mjaaknätyu'uk'atyën ets naaxwayjoty m'u'unyëty, mijts Caldeo to'oxy'ëna'k nëwääts jam m'ënyääytyaknkëjxy ma myajkutukyën; naaxkëjxy u'unyë, jä'ä ko ka'ap m'ëk yajtijjanë yu'unk ets ëmaay.

Jeremias 13:18

Jëtu'un xy'ënëëmëty yë yajkutujkpë ets yajkutujkpë taak: Jënaktë jam ma myajkutuktën, naaxkëjxy u'unyëtë, jä'ä ko tëë kyä'äy ja mkujän mëti'ipë myaj'oykyëxë'këtëpën.

Jeremias 19:15

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Nkäxäämpyës ja tëytyu'unën mëti'ipës të nnikäjpxyën ma ya'atë naax kajpnën ets ma tëkokyë yë wiinkëtypë naax kajpnën mëti'ipë mëët nyämyëwinkon'atyën ya'atë kajpn, jä'ä ko tëë kyujuun'ooktë ets ka'apës të xymyëmëtowtë.

Jeremias 48:18

Mijts Dibón kajpn, jënak ma myajkutukyën ets mnaaxwäätsëty naaxkëjxy, jä'ä ko mëti'ipë Moab kajpn yajkutëkoyanëpën tää mmëwinkonyë, tëë tyajkutëkooytyä'äy ja mnaax mkajpn mëti'ipë ënety ta'tspëky yajpatëpën.

Ezequiel 30:6

Jëtu'un yë Wintsën y'ënä'äny: Mëti'ipë pyutëjkëtëpën yë Egiptë kajpn, tsipjotm nëjkx y'o'kta'atë, tsyo'onta'akëty jam ma Migdol kajpnën ets jampaat ma Asuán kajpnën. Ja myëj'ajt kyëjxm'ajtën ja Egiptë o'ktëy nëjkx jyäty. Ëjts Wintsën ëjts ënaanp.

Ezequiel 31:10

E oy ko jyëtu'unëty, yë Wintsën jëtu'un y'ënä'äny: tääpë kepy nëkooyë të yoonë, tëë jyëjp tpatnë yoots; ko nëkooyë të yony amëj akëjxm të y'awinpijnë.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Daniel 4:26

Yë ënä'ämën mëti'ipë ënaanpën ko wä'än ja tyikts ets ja kepy kyopk tyajwë'ëmtë, jä'ä nyiwijy ko yë yajkutujkpë yajmo'ojaanp jatëkok yë kyutujktakn ko ënety t'ijxpaaty ets tja'akyukë ko yë Dios yë'ë myëët'ajtyp yë kuttujkën.

Daniel 4:28

Tëkokyë ya'atë aaw ayuk mëti'ipë yajtuknikäjxën yë Nabucodonosor yajkutujkpë ojts tyuunta'ay jyajta'ayë:

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Daniel 8:8

Ja tsajppax ni'ikyë ja yaj'ixy myëktä'äky, e ma ënety yajxon të myëjaawtëkën, ënät të tyijy ja mëjpë ja wyaj ets të pyëtsimy taxk wiinkpë ja wyaj tu'uk nyas'ixë xëëwpëtsëmtsyow, tu'uk xëëwkëtä'äkytsyow, tu'uk anëkëjxytsyow ets tu'uk ëpa'tkë'ëytsyow.

Lucas 18:14

Tääts ja Jesús y'ënäny: Jëtu'un miits nëëmëtë ko ja yajkukëpäjtpë ojts ja Dios kyupëkyë ijxtëm tu'uk ja wa'ats ja'ayën, e ja fariseë ja'ay ka'ap yajkupëjky. Jä'ä ko mëti'ipë ja ja'ay kë'ëm näkyumaayëpën naxym yajpëjkta'aka'any; e mëti'ipë naxym näpyëjktakëpën, yë'ë mëj'äämpy naxaanp.

Hebreos 3:13

Näjyjyotmëkmo'ojëtë nixim niyam winjëpom naam jaakjäänëm ja xëëw, mëti'ipë nyikäjpxypën ja Dios ja y'aaw y'ayuk, këtiipë pën yajwin'ëënëty ets juun ja y'aaw jyot tpëjkta'akëty.

1 Samuel 6:6

¿Wi'ix ko ënät miitsëty janty juun yë mjot mwinma'any xypyëjkta'aktëty jëtu'un tä y'ëtë'ëtstën yë Egiptë ja'ayëty ets yajkutujkpë, koonëm ojts ëxëëk ja Dios tyunëtë täänëm t'ëxmajtstë ja Israel ja'ayëty?